Isaiah 52:12 - Bible Ni Thothup

¹² Yaney e dab kum chuwgad ni gimed ba gur; ma gathi bay mu guyed rogon ni ngam thaygad! I SOMOL ni Got romed e bayi pow’iymed me yoror romed u gubin yang.

Isaiah 52:12 Referans Kwoze

Isaiah 58:8

“Mi gimed fel’ u wan’ug ni bod ram’en e yal’ ni gal nga dakenmed ni kadbul, me papey nge fos e yungi n’en nike maad’ad u dowmed. Ma aram e gubin ngiyal’ ni bay ug par romed ngu’ug ayuwegmed; i gag ni gu bay romed e bay gu mang yoror ngomed.

Deuteronomy 20:4

Ya SOMOL ni Got romed e be un ngomed, mra pi’ e to’ogor romed nga pa’med.’

Isaiah 45:2

“I gag e bay gu fal’eg rogon e kanawo’ rom, bay gu pacheg e pi burey nge yochi burey. Mab ko pi garog ni wasey ni bronze e bay gu t’ar, mu gu th’ab e yu ley i wasey ni bay riy.

Mikah 2:13

I Got e bayi bing e kanawo’ ngorad me fekrad nga wuru’ e re nam ni yad bay riy ni kar kalbus gad. Bay ranod nga wuru’ e garog ko fare binaw nike puf mat’wonrad. Pilung rorad ni aram SOMOL e bayi pow’iyrad nga wuru’ e pi binaw nem.

1 Kronicles 14:15

Ma nap’an ni ga ra rung’ag lingan tamal’gun e gek’iy ni bod lingan yu raba’ i salthaw ni be yib, ma aram mag og ngorad, ni bochan e bay gu wan nggu m’on rom ni ngu gel ko fa raba’ i salthaw rok piyu Filistia.”

Numbers 10:25

Ma pi’in nth’abi tomur ni yad ra yan e pi’in ni bay u tan e flak ko fare raba’ i girdi’ ni be gafaliyrad fare ganong rok Dan. Maruwel rorad e yad e matnag u wuryal ko gubin fa yu raba’ i girdi’. Mranod ni yu raba’ ni Ahiezer nib mo’on ni fak Ammishaddai e be gafaliyrad.

Exodus 12:11

Ba’aray rogon ni ngam longuyed: ngam longuyed ni kam m’aged e leed romed nga lukngumed, ma kam chuwgad nga sus romed, ma bay e sog romed u pa’med; thingar mu longuyed ni gimed ba gur. Ya mur ko madnom ni Paluk’af ni fan ngak SOMOL.

Judges 4:14

Me ga’ar Deborah ngak Barak, “Mman! Ya daba’ e ke gagiyegnag SOMOL ni ngam gel ngak Sisera ko mael. Ya SOMOL e be pow’iyem!” Me yan Barak u daken e burey ni Tabor nga p’ening ni yad fa 10,000 i pumo’on ni salthaw rok.

Exodus 12:39

Ra lithed e flowa nda nin’ e is ngay nra feked ko fapi flowa ni kan gelgiy u Egypt, ni bochan e nog ngorad nib tomgin ni ngar chuwgad u Egypt. Ere dakiyag nra ngongliyed e ggan ara ra ngongliyed ni bay e is riy.

Exodus 12:33

Me tay piyu Egypt e gur ngak piyu Israel ni ngar gurgad ngar chuwgad u Egypt; ya lungurad, “Fa’anra dab mu chuwgad ma gamad gubin ni bay gu m’ad.”

Isaiah 51:14

Pi’in yad ba kalbus e dabki n’uw nap’an mi ni pagrad; bay ra pired ko re fayleng ney nib n’uw nap’an me yag ngorad urngin e ggan nib t’uf rorad.

Exodus 14:8

Me gagiyegnag SOMOL Farao nge gel laniyan’, me lol’oeg piyu Israel, ni aram e yad be yan ni SOMOL e be yoror rorad.

Isaiah 28:16

Ba’aray e n’en ni be yog SOMOL ni Th’abi Tolang ni be ga’ar, “Nggu tay ba def ngalan yu Zion, ni ba def ni bay i par nib muduwgil ma ba gel. Bay gu tay ba malang nga fithik’ nib el ni ka ni yoloy e yu bugithin ni ba’aray ngay: ‘Michan’ nib muduwgil e ku ba gumaen’.’

Deuteronomy 16:3

Dab mu ked e flowa ni kan lith ni bay e is riy u nap’an e abich romed ko Paluk’af, medlip e rran ni ngam ked e flowa ni kan lith ni aray rogon, bod ni um rin’ed fa ngiyal’ ni mu chuwgad u Egypt ni aram feni gur. Mu ked e re flowa ney — ni bay u nog fithingan ni flowa ko pi’in nra gafgowgad — ya gubin e rran u lane yafos romed ma ngi i yib ngan’med e rofen ni mu chuwgad u Egypt, ni fare nam ni um gafgowgad riy.

Joshua 6:9

Ma fapi salthaw e yad bay nga m’on rok fapi prist, ma be thoy fapi prist e yabul ni gagey ko saf ni pumo’on, me yib e matanag u tomur ni be lek keru’ fare Kahol ko M’ag. Mranod ni yibe thoy fapi yabul.

Isaiah 26:7

SOMOL, i gur e ga be pacheg e wo’ ni fan ngak e pi’in ni bfel’; kanawo’ ni yad be milekag riy e ba ayal ma bpach.

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

Isaiah 49:11

“Bay gu ngongliy ba pa’ i kanawo’ ni ba ga’ nge yan u daken e pi burey i yan, ni nge milekag e girdi’ rog riy.

Isaiah 57:18

“Kug guy rogon ni yad be ngongol, machane bay ggol nagrad. Bay gu pow’iyrad mu gu ayuwegrad, ma bay gu fel’eg laniyan’ e pi’in ke kireban’rad.

Joshua 4:11

Ma nap’an nra thapgad nga baraba’ ni yad gubin, me m’on fare Kahol ko M’ag rok SOMOL nge pi prist nga fin i lay e girdi’ nu Israel.