Isaiah 51:9 - Bible Ni Thothup

⁹ SOMOL, mu’ od ngam aywegmad! Mu maruwel nga gelngim ngam aywegmad; mu maruwel ngay ni bod ni mu rin’ kakrom. I gur faram e mu theth’ab fare gamanman nu maday ni Rahab nge yochyang.

Isaiah 51:9 Referans Kwoze

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Isaiah 27:1

Rofen nem e SOMOL e ra fek fa gi saydon rok nib gel nma cham ngay ni nge gechignag fare Leviathan, ni fare gamanman ni be guleplep, ma aram me thang e fan rok fare gamanman nu maday.

Psalms 89:10

I Rahab nib gel gelngin e kam pirdi’iy ke yim’; gelngim nib gel e ke gel nigem ngak e pi to’ogor rom.

Isaiah 30:7

Ayuw nra pi’ yu Egypt e mm’ay fan. Ere kug turguy fithingan yu Egypt ni fare ‘Dragon ndabiyag ni nge rin’ ban’en ngak be’.’”

Ezekiel 29:3

Mog ni irera’ e n’en ni be yog SOMOL ni Th’abi Tolang ngak e pilung nu Egypt: I gag e to’ogor rom, i gur ere gayuch nir, ni ga ma thig u lan e lul’. Ga be yog ni lul’ ni Nile e bmil suwon ngom ma gur e mu sunmiy.

Isaiah 51:17

Jerusalem, mu od! Mu sak’iy! Ka mu unum fare kap ko gechig ni fithik’ e damumuw rok SOMOL e ke pi’ riy ngom ni ngam unum; kam unum kem’ay, ga be thigthig.

Psalms 44:1

A Got, ku gu rung’aged nga telmad, pi chitamangimad kakrom e kar weliyed ngomad murung’agen, feni sorom ko pin’en ni um rin’ u nap’rad, ko fapi rran ni kakrom:

BABYOR NI JOB 26:12

Gelngin e ir e kol e day ngay; ma feni cheag me thang e fan rok Rahab ni fare kan ne maday.

Psalms 7:6

SOMOL, mu sak’iy u fithik’ e damumuw rom, mu togopluw ko damumuw rok e pi to’ogor rog, mu od ngam ayuwegneg. Tin nib mat’aw e ir e ga be ta’chiylen,

Habakkuk 3:13

Ma ga yan ni ngam ayuweg e girdi’ rom u pa’ e to’ogor, ni ngam ayuweg fare pilung ni gur e mmel’eg. Kam li’ e en ni be yog e thin rok e girdi’ ni kireb, ma kam thang owchen e tirok e girdi’.

Isaiah 62:8

I SOMOL e ke micheg nib mich, mu gelngin e ra rin’ riy ni aram rogon: “Grain rom e dabki mang ggan ngak e pi to’ogor rom, ma girdi’ nu bang e bay dab ku ra unumed e wayin rom bi’id.

Psalms 93:1

I SOMOL e ir e pilung! Ke yin’ nga daken ni bod e mad feni sorok nge feni gel gelngin. Ke tay e fayleng nga tagil’ be par nib mudugil ndabiyag ni ngan mithmitheg.

Psalms 87:4

“Ra gu the’eg e pi nam ni yad ma fol rog, mra gu uneg yu Egypt nge yu Babylonia ngay; ma ku bay gog ni yu Filistia nge yu Tyre, nge yu Ethiopia e bay ku ni mathe’eg ngorad ni girdi’en yu Jerusalem.”

Psalms 44:23

Somol, mu od! Mangfan ni ga be mol? Are mu deg! Dab mu n’agmad ni dariy n’umngin nap’an!

Revelation 12:9

Mi nin’ fare dragon nri ba ga’ nga wuru’ e tharmiy! I ir fare porchoyog nike kakrom, ni kan tunguy fithingan ni Mo’onyan’, ara Satan, ni ir fa’anem ni bannag e girdi’ nu fayleng ni polo’. Mi nin’ u lang nga daken e fayleng, nib mu’un urngin e pi engel rok ngak.

Revelation 11:17

ni be lungurad: “Somol ni Got ni Gubin ma Rayag Rok, ni ir e en ni bay e chiney nge en ni ki immoy! Gamad be pining e magaer ngom ni fan e kam maruwel nga gelngim nib gel ni kam tabab ko gagiyeg!

Luke 1:51

Ya pa’ nib gel e ke k’iyag ke wereg e girdi’ ni yad be ufanthin u lanin’rad ko tin ni kem’ay i leamnag rorad ni ngar ngongliyed.

Habakkuk 2:19

Bay yib e gechig ngomed! Ma lungumed ngak bangi ren, “Mu od!” ara ngak ba malang, “Mu sak’iy!” Gur rayag rok ba liyos ni nge tamilangeg nem u ban’en? Ra manga kan ing ko gol nge silber, machane dariy e yafos u fithik’.

Isaiah 53:1

Me fulweg e girdi’ ni lungurad, “I mini’ e ra mich u wan’ e ren’en ni gadad ra weliy murung’agen e chiney? Mini’ e rayag ni guy pa’ SOMOL ni be maruwel u fithik’ e ren’ey?

Isaiah 51:5

Bay gub nib papey nggu aywegrad; ngiyal’ ni nggu gel e ke chugur. I gag rog e bay gu gagiyegnag e pi nam. Tin nib palog e nam e be son nigeg ni nggu taw; ni yad be son nike lagan’rad ngog ni nggu aywegrad.

Psalms 78:65

Me tomur, me od SOMOL ni gowe ki i mol; bod be’ nib mo’on nib gel nike taf daken ni bochan e wayin.

Psalms 21:13

SOMOL, gamad be pining e sorok ngom, ni fan gelngim nib gel Bay gu tang niged feni sorom nge fanam gel.

Judges 6:13

Me ga’ar Gideon ngak, “Siro’, rayag ni gu fith ngom e re bugithin ni ba’aray? Fa’anra bay SOMOL romad me ere mangfan urngin e pi gafgow ney nike yib ngomad? Mang e ke rin’ urngin fa pin’en ni bfel’ nma weliy pi chitamangimad murung’agen ngomad ni i rin’ SOMOL, ni murung’agen rogon ni fekrad nga wuru’ yu Egypt? I SOMOL e ke pagmad. Ke n’agmad nga pa’ piyu Midian.”

Deuteronomy 4:34

Ka’ e yigi yan reb e got i fek e girdi’ u reb e nam ngar manged girdi’ rok, ni bod ni rin’ SOMOL ni Got romed ngomed u lan e nam nu Egypt? U p’eowchemed e maruwel Got riy nga gelngin nib gel nge yib e gafgow nge mael, me ngongliy e maang’ang nge tin yira ngat ngay, me k’aring boch ban’en nge yib ni ba gel e marus riy.

John 12:38

ni fan e nge yib i m’ug nib riyul’ e tin ni yog Isaiah ni profet ni ga’ar: “Somol, i mini’ e ke mich u wan’ e thin rom ni kug weliyed? I mini’ e ke dag Somol gelngin ngak ke guy?”

Psalms 59:4

A SOMOL, ma ku gathi bochan e bbuch e rog u ban’en, ni aram fan ni kar fal’eged rogorad nga tagil’rad.

Exodus 6:6

Ere ngamog ngak piyu Israel ni gu be ga’ar ngorad, ‘I gag SOMOL, e bay gu lagmed u tan gelngin e sib ni gimed be tay u Egypt. Bay gu pug pa’ag ngalang nib gel gelngin nggu pi’ ba gechig nib gel nga dakenrad, ma aram mu gu aywegmed.

BABYOR NI JOB 9:13

Damumuw rok Got e dar ma thil. Ke pirdi’iy e pi to’ogor rok nra ayuweged Rahab ni fare kan nu maday ngar togopluwgad ngak.

Psalms 77:5

Gu leamnag e pi rran nike thumur me yib ngan’ug fapi duw kakrom.

Isaiah 52:10

I SOMOL e bayi maruwel nga gelngin nib thothup; bayi ayuweg e girdi’ rok, ma ga’ngin e fayleng ni bay ni guy riy.

Zekariah 2:13

Mu th’abed gulungmed gimed gubin e girdi u p’eowchen SOMOL, ya arme ke yib u tagil’ nib thothup.

Zekariah 10:11

Nap’an ni yad ra th’ab dayin e gafgow rorad, ma Gag SOMOL, e bay gu toy e pi n’ew, me mlik’ lan e lul’ ni Nile nib to’ar. Yu Assyria ni yad ba tolngan’ e bay i sobut’anrad, ma yu Egypt nib gel gelingrad e bay i m’ay gelingrad.

Psalms 44:2

rogon ni go’ gur ma ga tuluf fa pi girdi’ ni dar nanged Got nga wuru e nam rorad, ma ga tay e tirom e girdi’ nga taferad ngar suwyed; nge rogon ni mu gechignag boch e nam, ma ga gagiyegnag e girdi’ rom nge fel’ rograd.

Psalms 44:24

Mangfan ni ga be mith romad? Dab mu pagtalin e gafgow nge oloboch romad!

Psalms 89:11

Fayleng e mmil suwon ngom, ma ku er rogon e tharmiy; gur e mu sunumiy e fayleng nge urngin ban’en ni bay riy;

Mikah 7:15

SOMOL, mu ngongliy e maang’ang ni fan ngomad ni bod ni mu rin’ u lan fapi rran ni mu fekmad nga wuru’ yu Egypt.

Acts 7:7

Machane bay gu gechignag girdi’en e re nam ni ba’aram ni bay ur pigpiggad ngorad, ma tomuren e bay ra chuwgad ko re nam nem ma aram e bay ur pigpiggad ma yad be meybil ngog u roy.’