Isaiah 51:22 - Bible Ni Thothup

²² I SOMOL ni Got romed ni be n’ufegmed e be ga’ar, “I gag e nggu chuweg fare kap ni gu pi’ ngomed u fithik’ e damumuw rog. Bayi dab kum unumed fare wayin nma thigthig nagmed.

Isaiah 51:22 Referans Kwoze

Isaiah 49:25

SOMOL e fulweg ni ga’ar, “Ri aram rogon ni bay nrin’. Pi kalbus ni bay u pa’ e pi salthaw e bay nchuweg u pa’rad, ma pin’en ni fek fa’anem nib yargel u fithik’ e mael e bay ni chuweg u pa’. Bay gu cham ngak e en nra cham ngom, ma bay gu chuweg pifakam u pa’ e to’ogor rorad.

Proverbs 22:23

I SOMOL e bayi pithig e pa’ i oloboch ni bay u puluwrad me gafgownag e yafos ko en ni be gafgownag e yafos rorad.

Jeremiah 50:34

Machane cha’ nra lagrad e rib gel — fithingan e SOMOL ni Gubin ma Rayag Rok. Ir e bay i aywegrad me pi’ e gapas nga fayleng, ma gafgow e ra pi’ ko girdi’ nu Babylon.”

Isaiah 62:8

I SOMOL e ke micheg nib mich, mu gelngin e ra rin’ riy ni aram rogon: “Grain rom e dabki mang ggan ngak e pi to’ogor rom, ma girdi’ nu bang e bay dab ku ra unumed e wayin rom bi’id.

Isaiah 51:17

Jerusalem, mu od! Mu sak’iy! Ka mu unum fare kap ko gechig ni fithik’ e damumuw rok SOMOL e ke pi’ riy ngom ni ngam unum; kam unum kem’ay, ga be thigthig.

Psalms 35:1

SOMOL, mu togopluw ngak e pi’in yad be togopluw ngog, ma ga cham ngak e pi’in yad be cham ngog!

Mikah 7:9

Kad denen gad nib togopluw ngak SOMOL, ere chiney e thingar da lubeged e damumuw rok boch ngiyal’. Machane tomur riy e bayi n’uf dad me yal’uweg e pi kireb ni ka ni ngongliy ngodad. Bayi chuwegdad u fithik’ e lumor nge fekdad ko tamilang, gadad ra par ni gadad bfos nge taw ko ngiyal’ nikad guyed nike thapeg dad make mat’aw nagdad.

Joel 3:2

Ma bay gu kunuy urngin e nam, nggu fekrad ko Loway ko Pufthin. Nu rom e bay gu pufthin nagrad riy ni bochan urngin e tin kar rin’ed ko girdi’ rog. Kar wereged piyu Israel u lan e pi nam i yan ma kar th’eth’abed kar f’oethed yu Israel, ni gag e nam rog.

1 Samuel 25:39

Nap’an ni rung’ag David nike yim’ Nabal, me ga’ar, ‘Ngu’un pining e sorok ngak SOMOL! Ke fulweg taban e kireb ni rin’ Nabal ngog, ma ke teg I gag e tapigpig rok ni da gu rin’ ban’en nib kireb. I SOMOL e ke gechignag Nabal ko kireb rok.” Ma aram me pi’ David e thin nge yan ngak Abigail ni ngar mabgol gow.

Ezekiel 39:29

Bay gu pu’og e kan nthothup rog nga daken e girdi’ nu Israel ma dakriy bingyal’ ni gu ra pi’ keru’ug ngorad. I Gag fare SOMOL ni Th’abi Tolang e kugog e pi thin ney.”

Jeremiah 51:36

Ma aram me ga’ar SOMOL ngak e girdi’ nu Jerusalem, “Bay gu aywegmed mu gu sulweg taban ngak e pi to’ogor romed e n’en ni kar rin’ed ngomed. Bay gu mliknag e gin ma yib e ran nu Babylon riy nge pi lul’ riy ni go’ ra mlik.

Matthew 20:22

Me fulweg Jesus ngorow ni ga’ar, “Da mu nangew e n’en ni gimew be wenignag. Rayag romew ni ngam unumew e n’en ni bay ko fare kap nike chugur ni nggu unum?” Miyow fulweg ni lungurow, “Rayag romew.”

Psalms 60:3

Ka mu pag e girdi’ rom yad be gafgow nib gel; gamad be thigthig i yan ni gowa gamad ba ching.

Isaiah 3:12

Pi’in yad ma pi’ e salpiy ni ku yira sulweg e yad be gafgownag e girdi’ rog, ma pi’in karted e malfith e yad ra sasalap ngorad. Girdi’ rog, pi’in ma tayethin romed e yad be sasaliyab nagmed, ya nge dab mu nanged ko uw e gin ngam chelgad ngay.

Isaiah 3:13

I SOMOL e ke fal’eg rogon ni nge yog e tin nge buch, nike fal’eg rogon ni nge pufthinnag e girdi’ rok.

Jeremiah 25:15

I SOMOL ni Got rok yu Israel e ga’ar ngog, “Irera’ fare kap nib sug e wayin riy ni damumuw rog. Mu fek i yan ngak urngin e nam ni ku gu l’oegem ngorad, mag guy rogon ngar unumed e n’en ni bay riy.

Obadiah 1:16

Girdi’ rog e kar unumed ba kap i gechig nib mo’oy u daken e burey rog nib thothup. Gubin e pi nam nib liyeg e kabgel e mo’oy ni yad ra unum ko fare kap ko gechig; yad ra unum nge m’ay miyad m’ay ngabang.

Zekariah 12:2

“Bay gu tay yu Jerusalem ni bod ba kap i wayin; pi nam ni bay u charen i yan e bay ra unummed miyad thigthig ni bod e chingaw’. Ma nap’an ni yad ra kol yu Jerusalem, ma ku aram rogon ni ku yad ra kol e pi binaw ni kabay u Judah.

Isaiah 29:9

Mu pi’ nga daken ngam par ni gab pinat’! Mu pi’ nga daken ngam par ni gab ma’ew! Mu chingaw’ ni dariy e wayin! Mu tuturpeal ni dawor mu unum ta’reb e wa’angchal e rrum.

Lamentations 3:15

Ggan nge garbad rog ni pi’ ngog e bilig t’ay e gafgow.

Lamentations 3:58

“Somol, gur e mub mu lageg, ma ga ayweg e pogofan rog.