Be ga’ar SOMOL, “Jerusalem, kam gafgow, gab binaw ndabiyag ni ngam ayuwegnem, ma dariy be’ ni nge fal’eg lanin’um. Bay gu ubung e pi deaf rom bayay ni malang nrib tolang paluwon e bay gu fanay ngay.
Jerusalem, mu od! Mu sak’iy! Ka mu unum fare kap ko gechig ni fithik’ e damumuw rok SOMOL e ke pi’ riy ngom ni ngam unum; kam unum kem’ay, ga be thigthig.
Mu pi’ nga daken ngam par ni gab pinat’! Mu pi’ nga daken ngam par ni gab ma’ew! Mu chingaw’ ni dariy e wayin! Mu tuturpeal ni dawor mu unum ta’reb e wa’angchal e rrum.