Isaiah 51:2 - Bible Ni Thothup

² Mu leamnag e ga’ rom i Abraham, nge Sarah, ni yow e mub rorow. Ngiyal’ ni gu pining Abraham e dariy fak, machane mu gu tow’athnag nggu pi’ e bitir ngak; mu gu yo’ornag e pi’in owchen.

Isaiah 51:2 Referans Kwoze

Ezekiel 33:24

I ga’ar, “Fak e girdi’, pi’in yad be par u lan e pi binaw ni kan kirebnag ni bay u lan e nam nu Israel e be lungurad, ‘I Abraham e ta’abe’, me pi’ Got e re nam ney ngak ni ga’ngin. Ma gadad e gadad pire’, ere re nam ney e chiney e ke mil suwon ngodad.’

Isaiah 29:22

Ere chiney e SOMOL, ni Got rok piyu Israel, ni ayuweg Abraham ko gafgow, e be ga’ar, “Girdi’ rog, dab ku mu pired nib m’ay famed, ma dabki awat owchamed ko tamra’ bingyal’.

Genesis 24:35

I SOMOL e kari fal’eg wa’athan e masta rog ke tay ni be’ ni bfel’ rogon. Ke pi’ ngak yu ran’ i saf nge kaming, nge garbaw, nge silber, nge gol, nge sib ni pumo’on nge ppin, nge kamel, nge dongki.

Genesis 24:1

Re ngiyal’ i n’ey e ke pilibthir Abraham, mi SOMOL e ke fal’eg wa’athan ko urngin ban’en ni i rin’.

Genesis 22:17

nggog ngom ni bay gu pi’ ngom e girdi’ ni owchem ni bod urngin e t’uf u lanelang ara urngin e yan’ ni bay u dap’el’ay. Pi’in owchem e bay ra gelgad ngak e pi’in bay ra maelgad ngorad.

Joshua 24:3

Gu fek e ga’ romed i Abraham u lan fare nam ni bay nga ba’nem e lul’ ni Eufrates mu gu pow’iy u lan e nam nu Kanaan ni ga’ngin. Mu gu pi’ ngak e pi’in owchen ni pire’. Gu pi’ Isak ngak,

Deuteronomy 1:10

I SOMOL ni Got romed e ke yo’or nagmed kam boded urngin e t’uf u lanelang.

Isaiah 41:8

“Machane i gur Israel ni tapigpig rog, gimed e pi girdi’ ni ku gu mel’egmed, ni gimed e pi’in owchen Abraham ni fager rog.

Isaiah 43:27

Bin th’abi m’on e chitamangimed e denen, ma pi’in yad ma yog e thin romed e ka ra denengad nib togopluw ngog.

Isaiah 60:22

Mus ko re tabinaw nib th’abi lich e girdi’ riy ma ba sobut’ Ni bay ra pired ni bod ba nam ni ba ga’ ma ba gel. Bayi taw nga nap’an Mu gu gagiyegnag ni nge yodoro’ nib gur. Ya Gag e SOMOL!”

Isaiah 63:16

Ya gur e chitamangimad gur. Mus ngak Abraham nge Jakob ni gal ga’ romad ni dabiyag ni ngar ayuwegew gamad, machane gur SOMOL e chitamangimad gur. Ya gur e en ni gubin ngiyal’ ni um chuwegmad u pa’ e to’ogor romad.

Deuteronomy 26:5

Ma aram e ngamog e pi thin ni ba’aray u p’eowchen SOMOL: ‘Ga’ rog kakrom e be’ u Aramea, ni be’ ndariy tafen me fek chongin e tabnaw rok nga Egypt ni ngar pired u rom. Ranod ngaram ni yad ba lich, machane miyad yo’or ngar pired ni yad ba nam nib ga’ ma ba gel.

Isaiah 48:1

Motoyilgad ko ran’ey, gimed e girdi’ nu Israel, gimed e pi’in owchen Judah: Gimed ma mow nga fithingan SOMOL ma gimed ma yog ni gimed ma liyor ngak Got nu Israel — machane dariy bbug e thin ni gimed ma yog ni aram rogon u wan’med.