Isaiah 51:19 - Bible Ni Thothup

¹⁹ Ba l’agruw e riya’ nike aw nga dakenam: ke mogothgoth e binaw rom ko mael, ke yim’ e girdi’ rom ko blig. Ma dariy be’ ni be dag nike magfan’ ngom.

Isaiah 51:19 Referans Kwoze

Amos 7:2

Mu gguy e pi asmen’ing nem nra longuyed urngin ban’en nib galunglung ni bay u daken e nam nge m’ay, me lungug, “SOMOL ni Th’abi Tolang, mu n’ag fan rok e girdi’ rom! Uw rogon ni ngar pired ni dab ram’ad? Ya ri yad ba’achig ma yad ba me’waer.”

Isaiah 47:9

Machane u lan ta’boch ngiyal’, u ta’abo rran, ma l’agruw e galin’ey nra buch. Dariyfan urngin e pig ni um tay, ma figirngim nge pifakam e bay ra mulgad u pa’am.

2 Korinth 7:13

Ireray fan me yib e athamgil nga lanin’mad. Gathi kemus ni yib e athamgil nga lanin’mad; ya ri ba ga’ e felfelan’ ni pi’ Titus ngomad ko felfelan’ nike tay u rogon ni mu ayuweged ni gimed gubin nge felfelan’.

Ezekiel 14:21

Irera’ e n’en ni be yog SOMOL ni Th’abi Tolang: “Bay gu pi’ aningeg e gechig ni th’abi gel nga daken yu Jerusalem — ni aram e mael, uyngol, gamanman ntacham, nge liliy ni nge thang mit e girdi’ nge gamanman ni ta’reb rogon.

Lamentations 1:12

Be yor ngak gubin e pi’in yad be yan u to’oben, “Musap ngog, Dariy be’ ni ka’eta’ ba amith ni bod e birog e amith, Nib amith ni SOMOL e kefek nga dakenag ko fa ngiyal’ nike damumuw.

Lamentations 1:9

Feni alit e ba mom ni yira guy, machane de dag nike magfan’ ko mang e ke buch rok. Ir nike thay e rib gafgow; dariy be’ nra fal’eg lanyan’. I gel e pi to’ogor rok me yor ngak SOMOL ni ngan runguy.

Isaiah 61:2

Ke l’ugeg ni nggog nike taw nga nap’an ni nge chuweg SOMOL e girdi’ rok u pa’ e to’ogor rorad, me waer e pi to’ogor rorad. Ke l’oegeg ni nggu fal’eg laniyan’ urngin e girdi’ nike gafgow lanin’rad.

Isaiah 22:4

Chiney e ngan chuw rog nggu par ni go’ gag nggu yornag gubin pi girdi’eg ni go’ karm’ad. Dab muguy rogon ni ngam fal’eg lanin’ug.

Isaiah 14:30

I SOMOL e bayi mang matnag rok e pi gafgow u fithik’ e girdi’ rok nge aywegrad ni dabi buch ban’en rorad. Machane bayi pi’ ba uyongol nib gel nge aw ngomed piyu Filistia, ma dabi pag bigmed nge par ni kabfos.

Eklesiastes 4:1

Ma aram mu gu sap bayay nga urngin e tin be buch nde mat’aw u lan e re fayleng ney. Ma pi’in ka ni gafgow nagrad e yad be yor, ma dariy be’ nra aywegrad. Dariy be’ nra aywegrad ni bochan e pi’in ni be gafgow nagrad e yad e bay gelingrad.

Psalms 69:20

Thin ni kireb ni yibe yog ngog e ke kireban’ug ngay, ma kug par ndabiyag ni gu ayuwegneg. Kug finey ni mang e runguyeg be’, ma dariy be’ nike runguyeg; ara be’ ni nge fal’eg lanin’ug, ma da gur pir’eg be’ nra rin’.

BABYOR NI JOB 42:11

Urngin pi walagen Job ni pumo’on nge ppin nge pi’in ni urmed ni tafager rok e rabad ra mada’ niged Job miyad un ku Job ko mur u naun rok. Miyad dag nike kireban’rad ngak miyad guy rogon ni ngar fal’eged laniyan’ ni bochan urngin e gafgow ni pag SOMOL nge yib ngak. Ra bagayad me pi’ boch e salpiy ngak nge reb e luwaw ni gol.

BABYOR NI JOB 2:11

Ma immoy dalip i tafager rok Job, ni Elifaz nu Teman nge Bildad nu Shuah, nge Zofar nu Naamah. Fa’an rrung’aged gelngin e gafgow nike tay Job, miyad turguy ni ngranod ra guyed ngar nanged salpen.

Isaiah 8:21

Girdi’ e bay uranod u lan e re nam ney nike mulan’rad ma karm’ad ko bilig. Ere bay ra damumuwgad ngu u rogned e thin nib kireb ngak e pilung rorad nge ngak e Got rorad. Yad ra sap ngalang,

Isaiah 9:20

Girdi’ u ga’ngin yang u lan binaw e yad ma achbutheg e chu’uwi ggan ni yad be pir’eg, machane kiyad be par ni yad ba yam’ ko mak’iy. Mus ko bitir rorad ma yad be longuy!

Isaiah 54:11

Be ga’ar SOMOL, “Jerusalem, kam gafgow, gab binaw ndabiyag ni ngam ayuwegnem, ma dariy be’ ni nge fal’eg lanin’um. Bay gu ubung e pi deaf rom bayay ni malang nrib tolang paluwon e bay gu fanay ngay.

Isaiah 60:18

Lingan e cham e gathi bay kun rung’ag; Ma dabki mogoth e nam rom bayay. Bay gu matanagiyem mu gu ayuwegnem ni gu bod ba yoror ngom; Bay mu pining e magaer nge sorok ngog ya kug ayuwegnem.

Jeremiah 15:5

Be ga’ar SOMOL, “Gimed e girdi’ nu Jerusalem, i mini’ e bayi runguymed, nge mini’ e bayi kireban’ ngomed? Mini’ e ra tal nge fith salapmed?

Jeremiah 24:10

Bay gu fek e mael i yib ngorad, uyngol, nge liliy nge taw ngilan’ ndakriy bagyad u daken fare binaw ni gu pi’ ngorad nge pi chitamangirad ni kakrom.”

Nahum 3:7

Gubin e pi’in yad ra guyem ma yad ra sul riy nga tomur. Bay ra ga’ar gad, ‘Nineveh e dakriy waton u but’! Gur mini’ e ramoy bochu’uw i runguy rok ngak?’ Gur, mini’ e ba’adag ni nge fal’eg lanyan’?’”

Lamentations 3:47

Kug warod u fithik’ e riya’ nge bilig tay e gafgow; ma gamad be par u thatharan e riya’ nge marus.

Ezekiel 14:15

“Ara gol’oeg e gamanman ni malboch nge thang e pogofan ko girdi’, nge par fare binaw nib kandugwen ndakriy be’ nra milekag u langgin,