Isaiah 51:18 - Bible Ni Thothup

¹⁸ Dariy be’ ni nge pow’iyem, dariy be’ ko tirom e girdi’ ni nge kol pa’am.

Isaiah 51:18 Referans Kwoze

Isaiah 49:21

Ma aram e bayi lungum ngom, I mini’ e ke gargeleg e pi bitir ney ni nggu fakay? I mul pifakag u pa’ag, mu gu par ndabkiyag ni gu diyen, nchuwegeg ko nam rog mi ni kalbus nigeg, ere mini’ e chuguliy e pi bitir ney? Ni pageg ngu’ug par ni go’ gag, ere uw e yib e pi bitir ney riy?”

Psalms 88:18

Mus ko pi fager rog th’abi chuchugur ma kam gagiyegnag e kar n’igedgag, kemang lumor e ku gu chagil gow.

Mark 8:23

Me kol pa’ fare malmit i yan nga wuru’ fare binaw, me thuwag e nguboch ngalan mit me tay pa’ nruw raba’ nga daken me fith ni ga’ar, “Kam guy ban’en fa?”

Matthew 15:14

“Mpaged yad! Ya yad be pow’iy e girdi’ ma yad bmalmit; ma fa’anra kol reb e malmit pa’ reb e malmit ngi i pow’iy i yan, ma yow l’agruw ni yow ra mul nga wuru’ e kanawo’ ngalan wol’ e ran.”

Matthew 9:36

Ma fa’ani guy e pi girdi’ nem ni aram urngirad, me taganan’ ngorad, ya kar pired nike magafan’rad ndar nanged e n’en ni ngar rin’ed, ya yad bod e saf nde moy rorad e en nma gafaliyrad.

Isaiah 45:1

Cyrus e fare pilung ni SOMOL e duwgiliy! I SOMOL e turguy ni nge gel ngak e pi nam ko mael; SOMOL e l’oeg nge gel ngak e pi pilung; SOMOL e bayi bing e mab ko pi binaw ngak. I SOMOL e ke ga’ar ngak Cyrus,

Isaiah 41:13

I Gag SOMOL ni Got rom; i gag e gu ma pi’ gelngim ma be lungug ngom, ‘Dab mu rus; ya bay gu ayuwegnem.’”

Psalms 142:4

Gu ra changar u chireg, mug guy ndariy be’ nra aywegeg, dariy be’ nra yoror rog. Dariy be’ nra magfan’ ngog.

Hebrews 8:9

Gathi bayi bod rogon e bin ba’aram e m’ag ni gu ngongliy u thilig nge pi chitamangirad ko fa rofen ni gu kol pa’rad nggu pow’iyrad nga wuru’ e nam nu Egypt. Dar pired ni yad ba yul’yul’ ko fare m’ag ni gu pi’ ngorad, ma aram e da kug tiyan’ug ngorad.

Acts 13:11

Bay yib pa’ Somol nga dakenam e chiney; ma bay mmalmit, nge dab kum guy e tamilang ni bay n’umngin nap’an.” Ka chingiyal’ nem me thamiy Elymas rok nike ing e lumor owchen me yan ni nge guy rogon ni nge pir’eg be’ ni nge kol pa’ nge fek i yan ko gin ni nge yan ngay.

Acts 9:8

Me sak’iy Saul nge pithig owchen, ma dakir guy ban’en. Ma aram miyad kol pa’ ngar feked i yan ngalan yu Damaskus.

Jeremiah 31:32

Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.

BABYOR NI JOB 8:20

Machane Got e dariy e ngiyal’ nra pag e pi’in yad ba yul’yul’ ara pi’ e ayuw ngak e girdi’ ni kireb.

Isaiah 54:11

Be ga’ar SOMOL, “Jerusalem, kam gafgow, gab binaw ndabiyag ni ngam ayuwegnem, ma dariy be’ ni nge fal’eg lanin’um. Bay gu ubung e pi deaf rom bayay ni malang nrib tolang paluwon e bay gu fanay ngay.

Jeremiah 10:20

Pi tent rodad e ke mogothgoth; pi gaf ni i kol e ke math’. Pifakdad e go’ karanod; dakriy be’ ni magay ni ku ra n’uf e tent rodad ngalang bayay; dakriy be’ nra tining e kateng ko fapi tent.”

Amos 5:2

Israel nib fal e ke me’waer ke thig, Ma dabkiyag ni nge sak’iy bayay! Ke thig kan n’ag u daken e but, Dariy be ni ayweg nge suwonnag.

Ezekiel 34:6

Ere pi saf rog e yad be yan u daken e ted ngu daken e burey i yan. Kar weargad u fayleng i yan, ma dariy be’ ni be gayrad ara be guy rogon ni nge pir’egrad.