Isaiah 51:17 - Bible Ni Thothup

¹⁷ Jerusalem, mu od! Mu sak’iy! Ka mu unum fare kap ko gechig ni fithik’ e damumuw rok SOMOL e ke pi’ riy ngom ni ngam unum; kam unum kem’ay, ga be thigthig.

Isaiah 51:17 Referans Kwoze

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Revelation 14:10

e ir e ra unum e wayin rok Got, ni wayin ko damumuw rok, nike pu’og ngalan e kap ko damumuw rok ke yan i mus nga gelngin! Urngin e girdi’ ni ra rin’ e ren’ey e yira gafgow nagrad u fithik’ e nifiy nge sulfur u p’eowchen fapi engel nib thothup nge fare Fak e Saf.

1 Korinth 15:34

Mu sulweged lanin’med mi gimed tal ndab kum denengad. Ba’aray bbugithin ni nggog ma ngam tamra’gad ngay ni nge lungug: bay boch i gimed ndar nanged Got.

Isaiah 51:9

SOMOL, mu’ od ngam aywegmad! Mu maruwel nga gelngim ngam aywegmad; mu maruwel ngay ni bod ni mu rin’ kakrom. I gur faram e mu theth’ab fare gamanman nu maday ni Rahab nge yochyang.

Psalms 60:3

Ka mu pag e girdi’ rom yad be gafgow nib gel; gamad be thigthig i yan ni gowa gamad ba ching.

BABYOR NI JOB 21:20

Ngan pag e pi tadenen nge mang yad e ra chibiyed e gechig rorad; ngan pagrad ngar thamiyed e damumuw rok Got ni Gubin ma Rayag Rok.

Revelation 18:6

Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.

Efesus 5:14

ya ren’en ni ka nib ndag ngalan e tamilang e ra mang tamilang. Aram fan ni kanog ni kan ga’ar, “Mu od, i gur e en ni ga be mol, mu fos u fithik’ e yam’! Me gal ram’en Kristus nga dakenam.”

Zekariah 12:2

“Bay gu tay yu Jerusalem ni bod ba kap i wayin; pi nam ni bay u charen i yan e bay ra unummed miyad thigthig ni bod e chingaw’. Ma nap’an ni yad ra kol yu Jerusalem, ma ku aram rogon ni ku yad ra kol e pi binaw ni kabay u Judah.

Psalms 75:8

I SOMOL e ke kol ba kap nga pa’, nike sugnag e damumuw rok ni bod e wayin nib gel. Ra pu’og, ma urngin e pi’in kireb ni yad ra unum; miyad unum ni dabi aw ta’reb e wa’angchal riy.

Psalms 11:6

Ma pu’og e achaffin ni be daramram nga but’ nge sulfur ni be yik’ nga daken e pi’in kireb; me gechig nagrad ko nifeng nib gawel.

Revelation 16:19

Ma fare binaw nib gilbuguwan e pil nge dalip yang, ma urngin e pi binaw ni bay u daken urngin e nam e yigo’o kireb. Me yib e binaw nu Babylon nib gilbuguwan ngan’ Got, me pi’ Got e wayin nu kap rok ngak nge unum ni wayin ko damumuw rok nib gel.

Jeremiah 25:27

Aram me ga’ar SOMOL ngog, “Mmog ko girdi’, ni Gag SOMOL ni Gubin ma Rayag Rok, ni Got nu Israel, e gu be yog ni ngar unumed nge taw ko ngiyal’ ni ka ra chinggad yad be sul’ugun, miyad aw nga but’ ndabkiyag nra suwongad, ni bochan e mael ni nggu pag nge yib nib togopluw ngorad.

Psalms 75:10

Ra buthug gelngin e pi’in kireb, machane gelngin e pi’in yad ba manigil e ra gel i yan.

Judges 5:12

Mm’on, Deborah, mm’on! Mu gafaliydad! Ngad tanggad! Nggu leked gur! Barak, ni ga be’ nib mo’on ni fak Abinoam, mman nga m’on, mu gafaliy e pi’in kam kol i yan ngabang!

Deuteronomy 28:34

Pi gafgow romed e bayi thang laniyan’med.

Deuteronomy 28:28

Bayi taymed SOMOL ngari man laniyan’med; bayi pagmed ngam ma’ewgad me ma’thuk lanin’med.

Matthew 20:22

Me fulweg Jesus ngorow ni ga’ar, “Da mu nangew e n’en ni gimew be wenignag. Rayag romew ni ngam unumew e n’en ni bay ko fare kap nike chugur ni nggu unum?” Miyow fulweg ni lungurow, “Rayag romew.”

Isaiah 29:9

Mu pi’ nga daken ngam par ni gab pinat’! Mu pi’ nga daken ngam par ni gab ma’ew! Mu chingaw’ ni dariy e wayin! Mu tuturpeal ni dawor mu unum ta’reb e wa’angchal e rrum.

Isaiah 51:21

Gimed e girdi’ nu Jerusalem e kam gafgowgad, ni gimed be thigthig ni gowa gimed ba ching,

Isaiah 51:22

I SOMOL ni Got romed ni be n’ufegmed e be ga’ar, “I gag e nggu chuweg fare kap ni gu pi’ ngomed u fithik’ e damumuw rog. Bayi dab kum unumed fare wayin nma thigthig nagmed.

Isaiah 63:6

Fithik’ e damumuw rog e gotgot’ e pi nam riy ngar masengsenggad, me wear e racha’ rorad u but’.”

Jeremiah 13:13

Ma aram e ngamog ngorad ni Gag SOMOL, e bay gu suguy daken e re but’ ney ko girdi’ ni chingnag: pi pilung ni yad owchen David, nge prist, nge profet, nge gubin e girdi’ nu Jerusalem.

Jeremiah 25:18

Jerusalem nge urngin e yochi binaw nu Judah, nib mu’un e pi pilung nge pi tayugang’ ngay, e ni pagrad ngar unumed e n’en bay riy, ke gafgow ya’arad, ni kari kireb nra gin owchey ngay, ni aram e bayi yog e girdi’ fithingrad ni kemang ba yaba’ — ni k’aram rogon ke mada’ ko chiney.

Jeremiah 44:6

Aram mu gu pu’og e damumuw rog nib gel nga daken e yochi binaw nu Judah nge nga daken e yupa’ i kanawo u Jerusalem, mu gup’ e nifiy ngay. I par e pi binaw nem nge kanawo’ ni dakriy woton u but’ nike tamdag ya’an, aram rogon ke mada’ ko bin daba’ e rran.

Psalms 60:5

Mu aywegmad nga gelngim; mu fulweg taban e meybil romad, ya nge dabi buch ban’en rok e pi’in yad ba t’uf rom.

Isaiah 40:2

Mu pi’ed e athamgil nga laniyan’ e girdi’ nu Jerusalem. Mogned ngorad nike gaman n’umngin nap’an ni kar gafgowgad, ma chiney e ken’ag Got fan e denen rorad. Kug gechig nagrad ke yan i mus nga rogon ni bochan urngin e denen rorad.”