Isaiah 51:13 - Bible Ni Thothup

¹³ Kam paged talin SOMOL ni sunmiymed, ni ir e filath lanelang me ayliy e deaf ko fayleng? Mangfan ni ngu’um pired ni gimed bmarus ko dumumuw rok e pi’in yad ma gafgow nagmed, ni pi’in ka ra fal’eged rograd ni ngar gafgow niged gimed? Dumumuw rorad e dabkiyag ni nge bit ngomed.

Isaiah 51:13 Referans Kwoze

Isaiah 45:12

I gag e gu sunumeg e fayleng, mu gu sunumeg e girdi’ ni nge par riy. Gelngig e gu filath lanelang ngay; gu be gagiyegnag e yal’ nge pul nge pi t’uf.

Isaiah 40:22

Ke sunumiy e en ni bay nike par nga tagil’ u puluwon e fayleng ngalang ko gin nth’abi tolang; ma girdi’ ni yad bay u but’ e be guyrad ni yad bod ga’ngin nochi apurgog! Ir e filath lanelang ni bod bangi mad, ni bod ba tent ni ngan par ngay.

Isaiah 17:10

Israel, kampag talin fare Got ni ir e lagnem me yoror rom ni bod ba war nib gel. Ka mu cheal ga be yung yungi milay’ nib taliw ni ngu’um tayfan e got nu bang riy.

Psalms 104:2

ma kam par u fithik’ e tamilang. Kam filath lanelang ni gowa ba tent,

Daniel 3:19

Mri damumuw Nebukadnezzar me row owchen nike damumuw ngak Shadrak nge Meshak nge Abednego. Me yog ngak e salthaw rok ni ngar gel niged e nifiy u lan fare tafen e nifiy ni medlip yay gelngin e gowel ni nge mun ngay.

Isaiah 48:13

Pa’ag e ngongliy e deaf ko fayleng me filath lanelang. Nap’an ni gu pining e fayleng nge lanelang ma kachingiyal’ nem miyow yib nga pe’owcheg.

Isaiah 44:24

“I Gag SOMOL, ni tabyul rom. I Gag e gu sunumiyem. I Gag SOMOL e gu sunumeg urngin ban’en. Yi go’ gag e gu filath lanelang; ngiyal’ ni u gu ngongliy e fayleng e dariy be’ ni ayuwegneg.

BABYOR NI JOB 9:8

Dariy be’ ni ayuweg Got i pithig radan e tharmiy ara yotyot keru’ fare kan nu maday.

Revelation 20:9

Miyad wear u daken e fayleng ngar longobiyed e gin ke par girdi’en Got riy nge fare binaw nib t’uf rok Got. Machane me yib e nifiy u lanelang nga but’ nge li’rad ngarm’ad.

Revelation 19:20

Min kol fare gamanman ngan fek, nge fare profet ni yugu ban’en ni ir e i ngongliy e maang’ang u p’eowchen. (Pi maang’ang nem e ir e bannag e pi’in ni bay e pow ko fare gamanman u dowrad, nge pi’in ni ur ted fan ma yad be meybil ko fare liyos nni ngongliy ni ya’an fare gamanman.) Ma fare gamanman nge fare profet ni go’ ban’en e yow l’agruw nnin’row ni ka yow ba fos ngalan fare lipath i nifiy ni sulfur e be urfiy.

Hebrews 11:15

Ma daki sul e leam rorad ko fare nam ni kar chuwgad riy; ya fa’an mang e yodorom, mrayag ni ngar sulod.

1 Korinth 15:55

Yam’, bu uw e gel ni kam tay? Yam’, ke yan gelngim ngan ni ga ma amith nigey ngay?

1 Korinth 1:20

Ere uw rogon e pi’in yad ba gonop? Ara pi’in nib tolang e sukul rorad? Ara pi’in yad ba salap i lu’ag murung’agen ban’en u roy u fayleng? I Got e ke dag ni gonop nu roy u fayleng e balyang!

Daniel 3:15

Ere nap’an ni yig gimed ra rung’ag lingan e rappa, nge tatelin e musik ni oboe, nge lyre, nge zither, nge harp, nge urngin e tin kabay e tatelin e musik, ma aram e ngam siro’gad ngam ted fan e re liyos nem. Ma fa’anra dab mu rin’ed, ma ka chingiyal’ nem e nga nin’med ngalan ba tafen e nifiy ni be daramram. Gimed be finey ma bay reb e got nrayag rok ni nge ayuwegmed?”

Jeremiah 51:15

I SOMOL e ngongliy e fayleng nga gelngin; ni gonop rok e sunmiy e fayleng ngay me filath e pi tharmiy.

Jeremiah 2:32

Gur rayag rok be’ ni bpin ni kab rugod ni nge pag talin e churwa’ rok nib tolang puluwon, ara pag be’ ni bpin ni nge mabgol talin e mad rok ko m’agpa’? Machane girdi’ rog e ka ra paged talig nike yo’or i yo’or e rran ndabiyag i the’eg.

Isaiah 42:5

Got e sunumiy lanelang me filath; me sunumeg e fayleng nge urngin e tin nib fos ni bay riy; me pi’ e yafos nge pogofan ngak urngin e girdi’ riy. Ma chiney e SOMOL ni Got e be ga’ar ngak e tapigpig rok,

Isaiah 16:4

Mu paged gamad nggu pired u daken e but’ romed. Mu yororiyed gamad rok pi’in karm’ad ni bochan ni ngar thanged e pogofan romad.” (Ngochngochan’ nge riya’ e bayi mus, ma pi’in ur giliw niged e binaw e bay ra chuwgad.

Isaiah 7:4

Mog ngak nge par nike fal’eg rogon’, ma dabi wagagey laniyan’, ma dabi rus ara magafan’. Damumuw rok Rezin ni Pilung nge yu Syria ni girdi’ rok, nge damumuw rok Pekah ni Pilung e dabi rus ngay, ya dariy ban’en nra rin’, ya bod rogon e ath ni be yib u l’agruw ley i l’ud.

Psalms 76:10

Damumuw ko girdi’ e kemus ni be gelnag feni sorom; ma pi’in de yim’ ko mael e bay ur madnom niged gur.

BABYOR NI JOB 37:18

Mog rayag rom ni ngam ayweg Got i fileth lanelang nge par nib el ni bod e wasay ni kan gichiy?

Ester 7:10

Ma aram mi ni uchuliy Haman nge yim’ ko fare fen e mo’ochol nike chamey ni fen Mordekai. Aram me m’ay e damumuw rok fare pilung.

Ester 5:14

Ma aram e ba’aray e n’en ni yog le’engin nge pi tafager rok ngak, “Mangfan ndab mog ngan chamey ba fen e mo’ochol, ni medlip i ragag nge lal e fit tolngin? Me gabul ni kadbul ma gog ngak fare pilung ngan uchuluy Mordekai riy, ngemu’ ma ga yan ko mur ni ga ba felfelan’.” Me leamnag Haman ni bfel’ e re thin nem, ma aram me yog ngan chamey fare fen e mo’ochol.

Deuteronomy 32:18

Ra paged talin e Got rorad, nib gel gelngin ni i ayuwegrad u pa’ e pi to’ogor rorad, ni en ni pi’ e yafos ngorad.

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

Isaiah 57:11

I SOMOL e ga’ar, “Mini’ e tiney e got nike k’aring e marus ngomed, ni gimed be ban nigeg ma kug chuw u lanin’med? Fan ni dakmur liyorgad ngog e bochan e ke n’uw nap’an ni kug th’ab gulngag?

Deuteronomy 6:12

ma ngam guyed rogon nge dab mu paged talin SOMOL ni ir e fekmed nga wuru’ yu Egypt, ko gin um pired riy ni gimed e sib.

Deuteronomy 8:11

“Ngu’um guyed rogon ndab mpaged talin SOMOL ni Got romed; thingar um folgad u urngin e pi motochiyel rok ni kug pi’ ngomed e daba’.

Isaiah 9:4

Ya ka mu t’ar fare mat’ ni ur gafgowgad u tanggin, nge fare ley i gul ni un tay nga daken porad. I gur e kamgel ngak fare nam ni i gafgownag ma be fek ban’en rok e tirom e girdi’, ni bod rogom ni mu gel ngak e salthaw nu Midian kakrom.

Isaiah 10:24

I SOMOL ni Th’abi Tolang ni Gubin ma Rayag Rok e be ga’ar ko girdi’ rok ni yad ma par u Zion, “Dab mu dugowgad ngak yu Assyria, ni yug aram rogon ni yad be gafgow nagmed ni bod ni i rin’ yu Egypt.

Isaiah 14:4

Ma nap’an nra rin’ ni aray rogon, ma yad ra moningnag e pilung nu Babylon ni yad ra ga’ar: “Fare pilung nib buchan’ e ke thay! Ni dabki gafgownag be’ bayay!

Isaiah 40:21

Mogned, dawor mu nanged? Dawor mu rung’aged? Dawor nog ngomed kakrom? Dawor mu rung’aged rogon e fayleng ni sum?

Isaiah 45:18

I SOMOL e sunumiy lanelang, i ir e en ir e Got! I ir e sunumeg e fayleng, ke ngongliy rogon ke par. De ngongliy nge tay ni bangi ted ndariy ban’en riy ma der tugul ban’en riy, ya tay ni ngi i par e girdi’ riy. Ir e ga’ar, “I Gag e SOMOL, ma dariy yugu reb e got ngabang.

Isaiah 49:26

Bay gu gagiyegnag e pi’in yad be gafgow nigem nge mang yad e ur li’ed yad; gelngin e mathang pogofan nge damumuw ni bayib ngorad e bay ra balyanggad ngay ni gowa karm’ad ko rrum. Ma aram e gubin e girdi’ e bay ra nanged ni Gag e SOMOL, ni gag e gu chuwegmed u pa’ e to’ogor romed. Bay ra nanged ni gag fare Got nu Israel nib gel gelngig.”

Isaiah 54:14

Ngongol nib yal’uw ma bmat’aw e bayi gel nigem; ma dakuriy e gafgow nge marus ni nge yib ngom.

Jeremiah 38:19

Me fulweg Zedekiah ni Pilung ni ga’ar, “Gu be rus ngak e girdi’ nu Israel ni kar milgad ngak piyu Babylon. Ya richey mi ni pi’eg nga pa’rad ngu’ur gafgow nigedgag.”

Daniel 3:18

Machane fa’anra dabi ayuwegmad, me gur pilung e nga mu nang ndab gu ted fan e birom e got, ma dab gu siro’gad ko fare liyos ni gol ni kam n’uf ngalang.”

Psalms 106:13

Machane de n’uw nap’an miyad pag talin e tin ke rin’ mra ngongolgad ni dakur son niged e fanow rok.

Isaiah 43:1

Israel, i SOMOL ni ir e sunumiyem e be ga’ar, “Dab mu rus, ya bay gu yoror rom. Kug pining fithingam, ya mmil suwom ngog.

Jeremiah 51:19

Fare Got rok Jakob e de bodrad; ya ir e sunmiy urngin ban’en, ma ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.