Isaiah 51:10 - Bible Ni Thothup

¹⁰ Ku gur e mu mliknag e regur ma ga ngongliy e kanawo’ nge th’ab e day nga barba’, pi’in mu aywegrad e yag nra thapgad nga barba’.

Isaiah 51:10 Referans Kwoze

Isaiah 43:16

Kakrom e ngongliy SOMOL ba kanawo’ ni yan u maday, bpa’ i kanawo’ ni yan u fithik’ e day ni be gireng nib gel.

Isaiah 50:2

“Mang ni de sap e girdi’ rog ngog nnap’an ni gu wan ni nggu aywegrad? Mang ni gu piningrad ma dar fulweged lungug? Gur kayiggu waer ni nggu ayuwegrad? Ta’abbug e thin e gu ra yog me mlik’ e regur me pig e yupa’ i lul’ nge bod daken e ted nib fengfeng; nig ni bay riy e ra yim’ ya dakriy e ran riy.

Exodus 15:13

Mu par ni gab yul’yul’ ko tin ni mmicheg, ya mu gafaliy e pi girdi’ ni mu lagrad ko gafgow; gelngim e mu pow’iyrad ngay nga tafnam nib thothup.

Isaiah 42:15

Bay gu kirebnag e yochi burey nge pi burey, mu gu mororoynag e pan nge gek’iy riy. Bay gu gagiyegnag e pi loway ni bay e lul’ riy nge ngal’ ni yungi ted ni desert, mu gu gagiyegnag e pi lipath nge par nike mlik’.

Psalms 74:13

Gelngim nib gel e mu ki’eg e day ngay, mag bilig lolugen fapi kan nu maday;

Psalms 77:19

Ga ma yan u fithik’ e n’ew, ngam th’ab nga barba’ e regur, machane, luwan em e dab ni guy.

Psalms 106:9

I non ko day ni Red Sea, me mlik’; me pow’iy e girdi’ rok ngar th’abed nga barba’ u daken e but’ nib mlik’.

Psalms 106:10

I ayuwegrad u pa’ e pi’in i fananikayrad, I ayuwegrad rok e pi to’ogor rorad.

Isaiah 11:15

Bayi mliknag SOMOL lan fare Nguy ni Suez, ma ra pi’ e nifeng nib guwal nge mliknag e lul’ ni Eufrates, kemus ni medlip pa’ e lul’ nib achig e pag nrayag ni nge yan be’ u barba’ nga barba’.

Isaiah 11:16

Ra sum bpa’ i kanawo’ nib k’iy u Assyria ni fan ngak e girdi’ rok nu Israel nra magachgad u rom, ni ku bod fare pa’ i kanawo’ nib k’iy ni fan ngak e pi chitamangirad nap’an rchuwgad u Egypt.

Isaiah 35:8

Bayi sum ba pa’ i kanawo’ ni ba ga’ riy, ni fithingan ni bay u nog e “Kanawo’en e Thothup.” Dariy ba tadenen nra yan u daken e re kanawo’ nem; girdi’ ni be yan u daken e re kanawo’ nem e dakuriy be’ nib balyang nra waliyrad ko kireb.

Isaiah 35:9

Ma dariy e gamanman ni layon riy; ma dariy e gamanman riy nma cham. Pi’in ke lagrad SOMOL u fithik’ e gafgow e yad ra yan nga taferad u daken e re kanawo’ nem.

Isaiah 62:12

Bay ni piningmed ni “Girdi’ Rok Got Ni Thothup,” “Fapi Girdi’ Nike Ayuwegrad SOMOL.” Jerusalem e bay nog ni “Fare Binaw Nib T’uf Rok Got,” “Fare Binaw Ni de Fek Got Owchen Riy.”

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Zekariah 10:11

Nap’an ni yad ra th’ab dayin e gafgow rorad, ma Gag SOMOL, e bay gu toy e pi n’ew, me mlik’ lan e lul’ ni Nile nib to’ar. Yu Assyria ni yad ba tolngan’ e bay i sobut’anrad, ma yu Egypt nib gel gelingrad e bay i m’ay gelingrad.

Exodus 14:29

Machane piyu Israel e ranod u daken e but’ nib mlik’ u maday, ni bay e day u baraba’ ngu baraba’ e kanawo’ rorad.

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Mikah 7:15

SOMOL, mu ngongliy e maang’ang ni fan ngomad ni bod ni mu rin’ u lan fapi rran ni mu fekmad nga wuru’ yu Egypt.