Isaiah 5:29 - Bible Ni Thothup

²⁹ Salthaw e ke mada’ lungrad ngalang ni bod lungun e pi gamanman ni layon ni ka ra li’ed ba gamanman ni yad be fek i yan ngabang ndariy be’ nrayag ni lag rorad.

Isaiah 5:29 Referans Kwoze

Zekariah 11:3

Pi tayugang’ e yad be yor u fithik’ gafgowan’; ya ke chuw fel’ngirad! Mmotoyilgad nga laman e pi gamanman ni layon ni yad be tolul, ya ke mogoth e loway ni taferad u charen e lul ni Jordan!

Mikah 5:8

Ma ku yad ra bod ba layon ni be gay e ggan ni nge kay u fithik’ e gerger ara gin bay e pan riy nma kay e gamanman. Bay i yan nga fithik’ e saf ngi i og ngorad nge popofrad, ma dariy be’ nra ayuwegrad rok.

Isaiah 42:22

Machane chiney e ka ni fek e chugum ko girdi’ rok u fithik’ e yargel; kan lok nagrad u lan e kalbus ni bay u tan e but’ ma kan mithagrad nga kalbus. Ka ni fek e chugum rorad u fithik’ e yargel, ma dariy be’ ni nge yib i ayuwegrad.

Zefaniah 3:3

Pi tolang riy e bod bogi layon ni be tolul; pi’in tapuf oloboch riy e yad bod e pi wolves ni kar uyngolgad, ni kari gel farad cholchol ni mada’ nga balay i yil ma dab ra paged nge kadbul ngay.

Amos 3:8

Nap’an nra tolul ba layon, me mini’ e ra par ndabi rus? Ma nap’an nra welthin SOMOL ni Th’abi Tolang, me mini’ e rayag rok ni nge par ndabi weliy e thin rok?

Hosea 11:10

“Girdi’ rog e bay ra leked gag ko ngiyal’ ni gu ra tolul ni bod ba layon ngak e pi to’ogor rorad. Bay rabad ko ngal i yib ngog ni yad ba gur.

Jeremiah 51:38

Piyu Babylon e go’ ra tolulgad ni bod e layon miyad gowol ni bod pifak e layon.

Jeremiah 50:17

I SOMOL e be ga’ar, “Girdi’ nu Israel e yad bod e saf, ni lol’oeg e layon ngar wagageygad. Som’on e fare pilung nu Assyria e cham ngorad, me migid ma Nebukadnezzar ni Pilung nu Babylon e guchiy e yil rorad.

Jeremiah 49:19

Bod ba layon ni yib u fithik’ e gerger u charen e lul’ ni Jordan ngalang ko gin nib galunglung nma abich e gamanman riy, amrogon ni bay gu tuluf e piyu Edom ngar milgad nib tomgin ngar chuwgad ko nam rorad. Re tolang ni gu ra mel’eg e ra gagiyegnag fare nam. Mini’ e rayag ni nge ta’reb rogon ngog? Mini’ e ra math’ magran rok ni nge togopluw ngog? Mini’ e re tagagiyeg nrayag rok ni nge paluwyeg?

Jeremiah 4:7

Bod ba gamanman ni layon nike yib ko gin ma mith riy, ba tagathay e pi nam e ke yib nga wean. Ke yib ni nge gathay yu Judah. Pi binaw nu Judah e bayi par ni dakriy woton u but’, ma dakriy be’ nra par u lan fapi binaw.

Isaiah 31:4

I ga’ar SOMOL ngog, “Rogon ni dabiyag ni tuluf bogi tagafaliy e saf ba layon rok ba gamanman nike li’, ndemturug ga’ngin lamrad ni yad be tolul ni nge chuw, e aram rogon ndariy ban’en nrayag ni nge teg u urel, I Gag fare SOMOL ni Gubin ma Rayag Rok, ni nge dab ku gu yoror rok e Burey ni Zion.

Isaiah 10:6

Gu l’oeg yu Assyria ni ngar maelgad ngak e nam ndarir liyorgad ngak Got, ni girdi’ ni yad ma k’aring e damumuw ngog. Gu l’oegrad ni ngar feked u yargel e chugom miyad mororo’ miyad yotyot e girdi’ nga but’ ni bod rogon e rungdu’ u lan e kanawo’.”

Psalms 50:22

“Motoyilgad ko ren’ey, gimed e pi’in gimed be fekyathig, ya ri gu thang owchamed, ma dariy be’ nra ayuwegmed.

Numbers 24:9

Yu Israel e bod ba layon nib gel; ra be mol ma dariy be’ nra ga’aran’ ni nge pug. En nra fal’eg wa’athan yu Israel e ra fel’ wa’athan, ma en nra bucheg wa’athan yu Israel e ra buch wa’athan.”

Genesis 49:9

Judah e ba layon ni bfel’ yangren. Ma li’ e n’en ni nge li’ me sul ko gin nma mith riy. Judah e bod ba layon, ma k’iyag ir nge mol nga but’, ma dariy be’ nra finey ni nge rin’ ban’en ngak.

Isaiah 35:9

Ma dariy e gamanman ni layon riy; ma dariy e gamanman riy nma cham. Pi’in ke lagrad SOMOL u fithik’ e gafgow e yad ra yan nga taferad u daken e re kanawo’ nem.

Isaiah 47:15

Kemus rogon e tin ni bfel’ ni yad ra rin’ ngom fapi girdi’ nma yaliy lanelang ni um de’eriy e fanow rorad u n’umngin nap’an e yafos rom. Go’ bay ra paged gur nge bagyad me yan, ni dabi magach be’ ni nge aywegem.”

Nahum 2:11

Ere bu uw fare binaw e chiney ni fa’an gowa tafen e layon, ni aram e gin un durwi’iy pifak e layon riy, ni ku aram e gin ma yan e layon ni pumo’on nge ppin ngay ngu’ur ayweged pifakrad riy ni dabi buch ban’en rorad?

Jeremiah 2:15

Ka ra tolulgad ngak ni bod bogi layon; ka ra ted fare nam rok nike daken e ted ni desert, pi yochi binaw rok e ka ni kirebnag ma dakuriy be’ ni be par riy.