Isaiah 5:28 - Bible Ni Thothup

²⁸ Pi gan e gat’ing rorad e bm’uth, ma pi gat’ing rorad e ka ni fal’eg rogon ke par. Pi sus u ay e os rorad e bod feni el e pache’, ma pi chariot rorad e be cheal ni bod ba nanyor.

Isaiah 5:28 Referans Kwoze

Psalms 45:5

Pi gan e gat’ing rom e bm’uth, ka ra kurufed gumircha’en e pi to’ogor rom; pi nam e ka ra parawgad nga charen rifrifen’em.

Nahum 3:2

Motoyil! Nga lingan e pi dumow, nge tayapyap ni be grilril, nge lingan e titimo’og ni be tay e pi os, nge lingan e chariot ni be gril u kanawo’!

Mikah 4:13

Be ga’ar SOMOL, “Mmarod piyu Jerusalem, ngam gechig niged e pi to’ogor romed! Bay gu gel nagmed ni bod ba garbaw ni pumo’on ni bay e gagey rok ni wasey ma rifrif u ay e wasey ni bronze. Pire’ e nam ni bay mu bilged u but’, ma pi fel’ rogon rorad nra feked u fithik’ e yargal e bay mu pi’ed ngog, I Gag Somol ko fayleng ni polo’.”

Jeremiah 47:3

Bay ra rung’agned lingan ay e os, nge lingan e chariot, nge lingan e tiyapyap riy. Gallabthir e bay dab kur sulod ngak pifakrad; ma bayi ul pa’rad nga but’.

Jeremiah 5:16

Girdi’en e mun gat’ing rorad e bogi salthaw nib gel gelingrad ni yad ma cham ni dariy be’ ni yad ma runguy.

Isaiah 21:1

Irera’ e thin ni murung’agen yu Babylonia. Ba yib e riya’ u ba nam ni bay madgun ni bod ba nanyor ni wolguy daken e ted.

Psalms 120:4

Nga gan e gat’ing ko salthaw nib m’uth, ni bay e nifiy u taban!

Judges 5:22

Ma aram me yib e pi os ni yad be tim’og, ni yad be rugoy ayrad nga but’.

Isaiah 13:18

Gan e gat’ing nge gat’ing rorad e bay ra li’ed e pi’in pagel ngay. Ma dab rrungyed e bitir ni kab madway ara pi bitir.

Isaiah 66:15

I SOMOL e bayib ni yow e nifiy. Bayib u daken pon e yako’ ni nge gechignag e pi’in be damumuw ngorad.

Jeremiah 4:13

Amsap, pi to’ogor e karbad ni bod yungi manileng. Chariot rorad e bod e nanyor, ma pi os rorad e ba machrag ko arche’ ni eagle. Kad mu’gad! Riya’ gadad!

Ezekiel 26:11

Pi girdi’en e yan u os e bay ra thelapgad u daken e yupa’ i kanawo romed’, miyad li’ e girdi’ romed ko saydon rorad. Pin’en nib gel ni kam suweged ngalang e bay ron’ed nga but’.

Ezekiel 38:9

Ir nge salthaw rok nge boch e nam nib yo’or ni yad mu’un ngak e bay ra chamgad ni bod bangi yoko’ ngar upnguyed fare binaw ni bod bang i manileng.”

Daniel 11:40

“Nap’an nra ganowrug u puluwon fare pilung nu Syria, me cham e pilung nu Egypt ngak, ma fare pilung nu Syria bayi cham ngak nike musmus gelngin, ni bayi maruwel ko chariot rok, nge pi os, nge barkow ni pire’. Bayi mael nga bo’or e nam ni gowa’ lul’ ni sugbur.