Isaiah 5:25 - Bible Ni Thothup

²⁵ I SOMOL e ke damumuw ko girdi’ rok ma ke k’iyag pa’ ni nge gechig nagrad. Pi burey e bayi rur ma downgin e pi’in karm’ad e bay nn’ag ni bod e dow u lan e pi kanawo’. Yug aram rogon ma damumuw rok SOMOL e dawori mus, ya ka be par pa’ nib k’iy ni nge gechig.

Isaiah 5:25 Referans Kwoze

Isaiah 10:4

Bay ni li’med ngam m’ad u fithik’ e mael ara ni girngiymed i yan ni gimed ba kalbus. Ma damumuw rok SOMOL e daworimus; ma pa’ e bayi par ni ka ba k’iy ni nge gechig.

Isaiah 9:21

Girdi’ nu Manasseh nge girdi’ nu Efraim e yow be togopluw ngorow, mi yow cheal ngar togopluw gow nga Judah. Ni aramrogon e chiney ni damumuw rok SOMOL e daworimus; ni pa’ e ka ba k’iy ni nge gechig.

Isaiah 9:17

Ere Somol e dabi digey reb e pagel nge thay nge mil ko gechig, ma dabi runguy e pi’in keyim’ figirngirad nge pi’in kanim’ rorad, ni bochan e ke gubin e girdi’ mada kurir liyorgad ngak Got ma ba kireb ngongolrad, ma urngin e pin’en yad be yog e thin ko balyang. Damumuw rok SOMOL e dawrimus, ni ka be par pa’ nib k’iy ni nge gechig.

2 Kings 9:37

Ma tin nra magey ko fare ldow e bayi wagey u rom u but’ ni bod t’ay e gamanman, ya nge dakuriy be’ nra poy ni ir Jezebel.’”

Daniel 9:16

I gur e gab mat’aw, ere dab kum damumuw ngak yu Jerusalem, ya ir e binaw rom, ni fare burey rom nib thothup. Urngin e girdi’ ko pi nam ni yad ba chugur ngay e yad be changar nga but’ ngak yu Jerusalem nge ngak e girdi’ rom ni bochan e denen ni kug rin’ed nge pi kireb ni i ngongliy e pi chitamangimad.

Jeremiah 4:24

Gu sap ko pi burey ma be rur, ma yochi burey e be thigthig.

1 Thessalonika 2:16

Ra guyed rogon ni ngar taleged gamad ni nge dab gu machib niged e thin rok Got ngak e pi’in gathi yad piyu Israel, ni ir e ra thapegrad ngak Got. Denen ni yad be ngongliy ni gubin ngiyal’ e ireray e re fol nike yan i mada’ ngay. Ere fini aray e ke taw e damumuw rok Got ngorad!

Nahum 1:5

Pi burey e durru’ u p’eowchen SOMOL; me ranran e yochi burey u p’eowchen. Fayleng e rur u nap’an ni m’ug SOMOL; fayleng nge girdi’ riy e ra t’on gad.

Jeremiah 16:4

Yad ra yim’ ko m’ar ni ubchiya’, ma dariy be’ nra yor nagrad fa k’eyegrad. Dagur rorad e ra aw u but’ ni bod yu ulung i t’ay e gamanman. Ma yira li’rad u tan e mael fa ram’ad ko bilig, ma downgirad e bayi mang ggan ko arche’ nge gamanman ni malboch.

Psalms 18:7

Ma aram me yib e durru’ nge rur e fayleng; ma enggin e pi burey e rur ma be dada’, ni bochan e ke damumuw Got.

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.

Zefaniah 1:17

Me ga’ar SOMOL, “Bay gu pag e gafgow nrib gel nge yib ngak e girdi’, nga uranod ni bod bmalmit ni be gay e kanawo’, ya kar denen gad nib togopluw ngog. Ere chiney e bay ni pu’og racha’rad nga but’ ni bod e ran, ma pi ldow rorad e bayi mel u but’.”

Habakkuk 3:10

Fa’ani guyem e pi burey miyad durru’; me map’ e ran u lanelang nga but’. Me chub lingan e ran u tan e but’, me puw e n’ew rorad nge tolang.

Mikah 1:4

Ma bay i ranran e burey u tan e rifrif u ay ni bod e kindel u mit e nifiy; ni map’ ngalan e pi loway ni bod e ran ni be lul’ u daken e burey.

Hosea 14:4

Be ga’ar SOMOL, “Bay gu fulweg e girdi’ rog ngog. Ma bay ra pired nri yad ba t’uf rog, ya dakugur damumuw ngorad.

Lamentations 5:22

Fa ka mu n’agmad ni dariy n’umngin nap’an? Mog dariy folan e damumuw rom?

Jeremiah 15:3

I Gag SOMOL e kug duwgiliy ni aningeg ban’en nib gel e gafgow riy e nge yib ngorad: bay nli’rad ko saydon ngarm’ad; ma dowef rorad e bay yib e pilis ngi i girengiy; bay yib i par e arche’ ngi i longuy; ma gamanman ni malboch e bay yib i longuy e tin ke magey ko dowef rorad.

Jeremiah 9:22

Girdi’ nike yim’ e ke wagey u gubin yang ni bod t’ay e gamanman u daken e pi flang, ni bod e grain ni th’ab e pi’in nma th’ab ngar paged u but’, ni dariy be’ nra yib i kunuy. Irera’ e thin nike yog SOMOL ngog ni nggu weliy.”

Jeremiah 8:2

Susun e ngan kunuy nga ta’bang ngan key’ag, ma yilrad e kan wereg u but’ ni bod t’ay e gamanman. Bay ni wereg u tarma’en e yal’, nge pul, nge t’uf, ni er e pin’en ni ba’adag e pi girdi’ ney ni ur pigpiggad ngay, mu ur ninged e ayuw ngay ma yad be tay fan.

Jeremiah 4:8

Ere mon’ed e mad ni tutuw, mi gimed yor mi gimed dololoy’ ni bochan e damumuw rok SOMOL nib tinoway e dawri chuw u daken yu Judah.

Psalms 114:7

Fayleng mu durru’ ko wub ni ke tay Somol, u p’eowchen fare Got rok Jakob,

Psalms 106:40

Ma aram me damumuw SOMOL ngak e girdi’ rok; nge sonogor ngorad.

Psalms 83:10

Gur e mu gel ngorad u Endor, ni mel e ldow rorad u daken e but’.

Psalms 78:38

Machane Got e ma runguy e girdi’ rok. I n’agfan u wan’ e denen rorad made thang owcharad. Ba yo’or yay ni i k’adan’ ko damumuw ngi i par nga daken gelngin e damumuw rok.

Psalms 77:18

Lingan e dirra’ rom e malay nga but’, ma ram’en e uluch ni be matmat e gal’ e fayleng; me t’on nge rur e fayleng.

Psalms 68:8

me rur e fayleng, me map e n’uw u lang nga but’, ni bochan e wub rok Got nu Sinai, ni aram e wub ko fare Got nu Israel.

2 Kings 13:3

Ere me damumuw SOMOL ngak yu Israel, me pag Hazael ni Pilung nu Syria nge Benhadad nib mo’on ni fak nge gel ngak yu Israel u bayay ngu bayay.

1 Kings 21:24

Ma girdi’ ko tabinaw rom ni bay yim’ u lan binaw e bayi longuyrad e pilis, ma tin bay yim’ u daken e tafelfel’ e bayi longuyrad e arche’ ni vulture.” (

1 Kings 16:4

Demturug reb i chon e tabnaw rom nra yim’ u lan e binaw mra longuy e pilis, ma demturug e arorad nra yim’ u daken e tafelfel’ mra longuy e arche’ ni vulture.”

1 Kings 14:11

Ma demturug reb i chon e tabnaw rom nra yim’ u lan binaw mra longuy e pilis, ma demturug e arorad nra yim’ u daken e tafelfel’ mra longuy e arche’ ni vulture. I Gag SOMOL e gu be non.’”

Deuteronomy 31:17

Nap’an nra yodorom, ma bay gu damumuw ngorad; mu gu n’agrad ngan thirifrad u but’. Pire’ e gafgow nib gel ni bay yib ngorad, ma aram e bay ra nanged nike yib e pin’em ngorad, ya gag ni Got rorad e da kug moy rorad.

Exodus 7:19

Me ga’ar SOMOL ngak Moses, “Mog ngak Aron nge fek fa ley i sog rok nge k’iyag nga daken urngin e yupa’ i lul’, nge wol’ e ran ni ka ni ker, nge pi lupath u lan yu Egypt. Ya bayi ngal’ e ran riy ni racha’, ma gubin yang u daken e nam ni bayi par e racha’ riy, ni mus nga fithik’ e gek’iy nge pi alublub ni be yib e ran riy u fithik’ e war ngalang.”

Isaiah 10:6

Gu l’oeg yu Assyria ni ngar maelgad ngak e nam ndarir liyorgad ngak Got, ni girdi’ ni yad ma k’aring e damumuw ngog. Gu l’oegrad ni ngar feked u yargel e chugom miyad mororo’ miyad yotyot e girdi’ nga but’ ni bod rogon e rungdu’ u lan e kanawo’.”

Isaiah 14:19

machane gur e dariy e malang rom, ldow rom e kanon’ nga wean ni nge meal. Nike uponguy e ldow ko pi salthaw nli’rad u tan e mael, kanin’med ngalan ba low ni go’ malang kan yotyotmed nga but’.

Isaiah 23:11

I SOMOL e ke ki’yag pa’ nga daken e day ke pulpuluy e pi gagiyeg. Ke duwgiliy ni gin bay kenggin e siyobay riy u Foenicia e nge mogoth.

Isaiah 25:11

Bay ra k’iyaged pa’rad ni gowa ngar nonggad, machane Got e ra sobut’egrad, me ligil pa’rad nga’ar nike m’ay gelngin.

Isaiah 42:25

Ere gagiyeg nagdad ngad thamiyed gelngin e damumuw rok, ngad gafgowgad u fithik’ e mael. Damumuw rok e bod ba nifiy ni yan u lan yu Israel ni ga’ngin, machane da ud nanged fan; dariy ban’en ni mit ngodad riy.

Isaiah 51:20

Urngin e bug ko kanawo’ ma ke aw e girdi’ rom riy nga but’ nike m’ay gelingrad; yad bod e gamanman ni deer nike aw ko nug ni kanpag. Kar thamiyed gelngin e damumuw rok Got.

Isaiah 64:3

Immoy bangiyal’ ni gu gin gad ngay ni kamub mu rin bogi n’en nrib k’ar marus; me guyem e pi burey mra durru’gad ko digow.

Isaiah 66:15

I SOMOL e bayib ni yow e nifiy. Bayib u daken pon e yako’ ni nge gechignag e pi’in be damumuw ngorad.

Isaiah 66:24

“Nap’an ni yad ra chuw miyad guy e ldow ko pi’in ur tagopluwgad ngog. Fakl’ud ni be longuyrad e dariy e ngiyal’ nra yim’, ma nifiy ni be urfiyrad e dariy e ngiyal nra math. Ya’arad e ba sosonogor u owchen gubin e girdi’.”

Jeremiah 17:4

Bayi thor u pa’med fare binaw ni gu pi’ ngomed, ma bay gu gagiyeg nagmed ngu’um pigpigad ngak e pi to’ogor romed u lan ba nam ni dariy ban’en ni gimed manang u murung’agen, ni fan e damumuw rog e ke bod ba nifiy, ni bayi daramram ni dariy n’umngin nap’an.”

Ezekiel 6:14

Aram rrogon, bay gganam ngug gathay e nam rorad. Bay gu gagiyegnag but’an nge par ni dakriy ban’en ni bfel’ riy, ni mus ko ted u yimuch nge mada ko binaw nu Riblah ko lel’och, dariy bang nma par yu Israel riy ni gu ra pag. Ma aram e gubin e girdi’ nra nang ni Gag fare SOMOL.”

Ezekiel 30:25

Arrogon, bay gu mo’waernag mug galnag e pilung nu Babylon. Nap’an ni gu ra pi’ e saydon rog ngak ma bayi sapeg nga Egypt, ma gubin e girdi’ ni bayi nang ni Gag fare SOMOL.

Amos 8:8

Ere bayi durru’ e fayleng’, ma urngin e girdi’ ni bay u daken e re nam ney e bayi kireban’rad. Re nam ney ni polo’ e bayi rur; bayi puw ngalang me sul nga but’ ni bod e lul’ ni Nile.

Deuteronomy 31:18

Ma bay gu siyeg e ngiyal’nem ni nggu ayuwegrad, ya ur ngongliyed e kireb ma yad be tayfan yugu boch e got.

BABYOR NI JOB 9:13

Damumuw rok Got e dar ma thil. Ke pirdi’iy e pi to’ogor rok nra ayuweged Rahab ni fare kan nu maday ngar togopluwgad ngak.

Isaiah 9:11

I SOMOL e k’aring e to’ogor rorad ni nge cham ngorad.

Isaiah 9:16

Pi’in yad ma pow’iy e pi girdi’ ney e yad be ban nagrad ka ra olobochiyed yad.

Isaiah 9:20

Girdi’ u ga’ngin yang u lan binaw e yad ma achbutheg e chu’uwi ggan ni yad be pir’eg, machane kiyad be par ni yad ba yam’ ko mak’iy. Mus ko bitir rorad ma yad be longuy!

Isaiah 29:2

ma aram e bayi girengiy Got e riya’ nga daken fare binaw ni yima yog ni “Altar rok Got.” Ma bay un yor ma yibe dololoy’ riy, ma fare binaw ni ga’ngin e ra bod ba altar nike upong ko racha’.

Jeremiah 6:12

Ma naun rorad e bay ni pi’ ngak yug boch e girdi’, ma ku aram i tay e yungi flang rorad nge pi le’engirad. Gag e nggu gechignag e girdi’ ko re gi but’ ney.

Ezekiel 15:6

Irera’ e n’en ni be yog SOMOL ni Th’abi Tolang: “Bod rogon ba ke grape ni kan fek u loway kan orfeg, e aram rogon ni bay gu fek e girdi’ nma par u lan yu Jerusalem