Isaiah 5:16 - Bible Ni Thothup

¹⁶ Machane SOMOL ni Gubin ma Rayag Rok e be dag feni sorok ko n’en ni be rin’ nib mat’aw, ma be gagyalnag feni thothup ko pufthin ni be tay ko girdi’ rok.

Isaiah 5:16 Referans Kwoze

Psalms 46:10

Be ga’ar, “Mu paged e cham, mi gimed nang ni gag Got, ni gag e th’abi tolang u fithik’ e pi nam, mi gag e th’abi tolang u fayleng!”

Isaiah 12:4

Bay reb e rran ni bayib ni bayi tang e girdi’ ni yad be ga’ar, “Moged e magaer ngak SOMOL! Mu pininged ni nge ayuwegmed! Mogned ko urngin e nam e tin ke rin’! Moged ngorad feni sorok!

1 Kronicles 29:11

Ba gil bugwam ma ga ba gel, mab sorom, ma dariy thibngim ma gil’ilungum e ba polo’ u fayleng. Gubin ban’en nu tharmiy ngu fayleng ni go’ tirom, me gur e pilung, tagagiyeg ni th’abi tolang u gubin e gagiyeg.

1 Peter 2:15

Ya ba’aray e n’en nib m’agan’ Got ngay: ba’adag ni ngam th’abed gulungan e pi’in balyang ndar nanged fan e n’en ni yad be yog, ni ngam th’abed gulungrad ko ngongol ni bfel’ ni gimed be rin’.

Ezekiel 36:23

Ngiyal’ ni bay gu dag ngak e pi nam feni thothup fithingag nib gilbuguwan, ni fare ngachal ni um thiyar niged u fithik’rad, ma aram e bay ra nanged ni Gag e SOMOL. I Gag SOMOL ni Th’abi Tolang e gu be yog e pi thin ney. Bay gu maruwel ngomed nggu dag ngak e pi nam ni gub thothup.

Isaiah 29:23

Nap’an ni gimed ra guy e pi bitir ni bay gu pi’ ngomed, ma aram e bayi paluw u wan’med ni Gag fare Got rok yu Israel nthothup. Bay um pired ni gimed be liyor ngog ni kugmang ba manigil u wan’med.

Revelation 3:7

“Mu yol ngak fare engel ko galesiya nu Filadelfia ni nge lungum: “Ireray e thin nike pi’ fa’anem ni ir e ba thothup ma ba yul’yul’, ni ir e bay fare kiy rok David u pa’, ni ir e ra bing ma dariy be’ nrayag ni nge ning, ni ir e ra ning ma dariy be’ nrayag ni nge bing.

Isaiah 33:5

Ke sorok SOMOL! Ya ir e be gagiyegnag urngin ban’en. Bayi sugnag yu Jerusalem ko tin nib mat’aw nge yal’uw,

Isaiah 8:13

Dab mpag talin ni Gag fare SOMOL ni Gubin ma Rayag Rok e gub thothup; kemus ni gag e ngam rus ngog.

Ezekiel 38:23

Irera’ rogon ni bay gu dag ngak urngin e nam ni gag e bgel gelngig ma gub thothup. Ma aram e bay ra nanged ni Gag fare SOMOL.”

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 2:17

Tolngan’ ko girdi’ e bayi tal, me thang mit e ufanthin ko girdi’. Ma pi liyos e gubin ni bayi m’ay nga bang, ma SOMOL ni go’ ir, e bayi gilbugwan e rofen nem.

Revelation 4:8

Ra bagayad fa aningeg i n’em ni yad ba fos ma nel’ pon, ma kayigi fach lan owcherad u lan porad ngu wuru’ i porad. Darir talgad ko tang ni rran nge neap’ ni be lungurad: “Ba thothup, ba thothup, ba thothup Somol ni Got ni Gubin ma Rayag Rok, ni ir e immoy, me ir e bay, me ir e bay yib.”

Isaiah 61:8

Be ga’ar SOMOL, “Mat’aw e gu ba’adag ma gu ba fananikay e gafgow nge kireb ni yima tay ngak e girdi’. Ri bay gu pi’ e tow’ath ko tirog e girdi’, mu gu ngongliy ba m’ag u thilmad ndabi m’ay.

Isaiah 28:17

Yal’uw e bayi mang fol ko re def nem, ma yul’yul’ e ra par ni fare fol ni ba yil’ i gaf ni ka ni m’ag e malang nga taban kan tay nib tagafgaf.” Ma ayis ni gang’ yang ni bayi mul u lanelang nga but’ e bayi walagriy urngin e malulifith l’ugun ni gimed be toer ngay, ma ran ni bayi sugubur e lul’ nge yib e bayi kirebnag e n’en ni gimed be naf ngay.

Isaiah 6:3

Ma yad be non nra bagayad ma be ga’ar ngak bagayad: “Ba thothup, ba thothup, ba thothup! I SOMOL ni Gubin ma Rayag Rok e ba thothup! Rogon feni sorok e ke sugnag e fayleng.”

Psalms 21:13

SOMOL, gamad be pining e sorok ngom, ni fan gelngim nib gel Bay gu tang niged feni sorom nge fanam gel.

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 2:11

Bay i taw nga reb e rran ni bayi tal e tolngan’ ko girdi’ me math mit e ufanthin. Ma aram e SOMOL e go’ ir e bayi gilbugwan.

Psalms 9:16

Ke gagiyegnag SOMOL kannang ko ir mini’ u daken e pufthin rok nib mat’aw; ma pi’in kireb e ke tafchiyrad e ngongol rorad.

Levitikus 10:3

Me ga’ar Moses ngak Aron, “Irera’ e n’en ni yog SOMOL murung’agen ni fa’an ni ga’ar, ‘Gubin e pi tapigpig rog e thingar ra tedfag nga fenag thothup, ma bay gu dag feni gilbugwag ko girdi’ rog.’” Me par Aron nde non.

1 Peter 1:16

Ya be ga’ar e babyor nib thothup, “Thingar mpired ni gimed ba thothup, ya gub thothup.”

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Ezekiel 28:22

Mog ko girdi’ u rom ko mang e gu be yog I Gag SOMOL ni Th’abi Tolang u murung’agrad: Sidon, I gag e to’ogor rom; girdi’ e bay roged e sorok ngog ni bochan e tin kug rin’ ngom. Bay ra nanged ni Gag SOMOL, u nap’an ni gu ra dag fanag thothup ko gechig ni gu ra tay ngak e pi’in yad ma par rom.

1 Peter 3:15

Machane ngam liyorgad ngak Kristus u lanin’med, mi gimed tay ni ir e Somol romed. Mu fal’eged rogomed ni gubin ngiyal’ ni ngam pi’ed e fulweg ko n’en nra fith be’ ngomed ni ngam weliyed u murung’agen e ren’en ni ir e ke l’agan’med ngay.

Isaiah 33:10

Be ga’ar SOMOL ngak e pi nam, “Chiney e nggu mithmith. Nggu dag fanag gel.

Ezekiel 20:41

Tomuren ni gu fekmed nga wuru’ e pi nam nni weregmed ngay nggu kunuymed nga ta’bang, ma bay i fel’ u wun’ug e pi maligach ni mo’oruf romed, me guy e pi nam ni Gag e gub thothup.

Ezekiel 38:16

Bay mu cham ko girdi’ rog nu Israel ni bod bang i nifeng nib gel ni be th’ab daken fare nam. Nap’an nra taw ko ngiyal’ i n’em, ma bay gu l’oegem ngam giliwnag e binaw rog ni fan e nge gagyel ko pi nam ko gag Mini’, me dag fanag thothup ko n’en ni kug rin’ u dakanam.

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Numbers 20:13

Ni yodoro’ u Meribah, ni aram e gin ni i togopluw piyu Israel riy ngak SOMOL, mu rom e dag SOMOL riy ngorad ni ir e ba thothup.

Isaiah 2:9

Gubin e girdi’ ni bay ni tamra’ nagrad me ma’ farad. SOMOL, dab mu n’ag machan rorad!

Ezekiel 28:25

I SOMOL ni Th’abi Tolang e ga’ar, “Bay gu fulweg e girdi’ nu Israel ko pi nam ni gu weregrad ngay. Ma gubin e nam ni yad ra nang ni gub thothup. Girdi’ nu Israel e bay ra pired u daken e but’ rorad, ni fare nam ni gu pi’ ko tapigpig rog i Jakob.