Isaiah 5:14 - Bible Ni Thothup

¹⁴ Fayleng ko yam’ e ke par ni be son nagrad, kefal langan nib ga’. Ni be ful’ e pi tayugang’ nu Jerusalem nib mu’un e yug girdi’ ngay ni yad be mayngar.

Isaiah 5:14 Referans Kwoze

Luke 21:34

“Mu ayuwgad, ma dab mpaged gimed ngu’um pired ni ba ga’ ni mur nike pag rogon nge mu’un rrum e gimed be muruwliy, nge pin’en nma magafan’uy ngay ko biney e tamilang, ya richey mi gimed da’da’ ko re Rran nem nike taw ngomed.

Habakkuk 2:5

Fla’ab e ma ban nigey. Girdi’ ni yad ba chogow e yad ba tolngan’ ma der gapas lanin’rad, yad bod e yam’ ni yugu be fek e pogofan rok e girdi’ ma der gaman u wan’. Aram fan ni yad be m’ag e mael ko pi nam i yan ngar koled.

Proverbs 30:16

fayleng ko yam’, le’engin be’ nder diyen, but’ nike mlik nike t’uf e n’uw riy, nge ba nifiy ni be daramram ni dabyag i taleg.

Matthew 7:13

“Marod ko bin nib wen’in e garog, ya ba ga’ langan e garog ko nifiy, ma kanawo’ ni yan ngay e bmom, ma bo’or e girdi’ ni be yan u daken.

Proverbs 27:20

Ar ar ko dowef ko girdi’ e bod e fayleng ko yam’ ndariy bingyal’ nra gaman.

Psalms 55:15

Mang e yigi yim’ e pi to’ogor rog ni dawori taw nga nap’rad; mang e ranod ni kayad bafos nga’ar ko fayleng ko yam’! Ya ba sug gumircha’rad nge lan taferad ko kireb.

Isaiah 30:33

Kakrom e ni fal’eg rogon bangi tagil e nifiy ni ngan urfiy e emperor nu Assyria riy. Gin’em e ba to’ar ma ba ga’ radan, ma ka ni ubung e l’ud riy ngalang. Ma SOMOL e bayi pogofannag ba yil’ i daramram nge aw e nifiy ngay.

Isaiah 14:9

“Fayleng ko yam’ e ke fal’eg rogon ni fan ko wub rok fare pilung nu Babylon. Pi kan rok e pi’in immoy nib gel gelngirad u fayleng e ke mada’ ufrad ngalang. Ma pi ya’al rok e pi pilung e kar sak’iygad u tagilrad.

Luke 17:27

Un par ni yibe abich ma yibe garbod, ma be mabgol e pumo’on nge ppin nge yan i mada’ ko re rran ni ba’aram ni yan Noah riy ngalan fare ark me yib e ran i tharey e binaw nge li’rad ni yad gubin.

Isaiah 21:4

I m’ag e balyang owcheg, ma gu be durru’ ko marus. Kagum’ ni bochan ni yigi papey nge blayal’, machane dariy ban’en ni yib kemus ni go’ marus.

Proverbs 1:12

Gadad ra mada’ nagrad ma yad ba fos ma ba fel’fel’ rogorad, machane gadad ra pagrad ma yad ba yam’!

Psalms 49:14

Ke m’ay i turguy ni ngarm’ad ni bod e saf, ma yam’ e ir e bayi mil farad ngak. Ma pi’in nib mmat’aw e yad ra gel ngorad, ma be par dowrad ni be wod ko gin ni kan k’eyagrad riy nib orel ko tabinaw rorad!

Daniel 5:30

Ka re nep’ i n’em min thang e pogofan rok Belshazzar ni Pilung nu Babylon,

Nahum 1:10

Bod yu pa’ i rachangal nike ololoboch ko pan nike mlik’ gimed e pi ta chingaw’ e bay ni urfiymed!

Isaiah 14:11

Un tay fam ko musik ni harp, machane chiney e gabay u roy u lan e fayleng ko yam’. Kamthig nga chob ni fakl’ud ma kam gulgul ko blanket ni alolay.’”

Isaiah 24:8

ma musik rorad ni harp nge drum ni uf uf rorad e dakriy.

Ezekiel 7:12

Ke taw nga nap’an. Nike chugur ko fare rran ni bayi m’ayfan e chuway’ nge falchuway’, ni bochan e gechig rok Got e bayi aw nga daken e girdi’ ni ta’reb rogon.