Isaiah 5:10 - Bible Ni Thothup

¹⁰ Yuke grape ni be tugul u daken bang i binaw ni ragag e acres ga’ngin e kemus ni lal galon e wayin e rayag riy. Ma ragag e barril e awoch niyra yung ma ra k’uf ma kemus ni ta’reb e barril e grain.”

Isaiah 5:10 Referans Kwoze

Levitikus 26:26

Bay gu taleg e ggan nma yib ngomed, me par nri ta’reb e stof e ba t’uf rok ragag e ppin ni ngar lithed urngin e flowa ni bay rorad riy. Mra kuweged u pa’med nra be’ ma buchu’uw, ma nap’an ni gimed ra mu’ i kay ni gubin miki gimed be yim’ ko bilig.

Haggai 2:16

mmarod ngab ulung i grain ni gimed be leamnag ni rliw’ thum, machane kemus ni ragag. Gimed ra yan ni ngam l’inged wugem e galon e wayin u tafen, migmed pir’eg ni kemus ni rliw’ e galon ni bay.

Haggai 1:6

Kam yunged e woldug ni grain nrib yo’or, machane wom’ngin ni kam t’ared e ri bochu’uw. Bay e ggan ni ngam ked, machane de gaman ni ngam fosgad ngay. Bay e wayin ni ngam unumed, machane de gaman ni ngam chinggad ngay. Bay e mad romed, machane de gaman ni nge magwal nagmed. Ma pi’in yad be maruwel e dab ra gaman gad u pulworad.

Joel 1:17

Be yim’ awochngin e woldug u fithik’ e but’ nike mlik’. Ma dariy e grain ni ngan cha’riy, ere fapi naun ni tafen e grain ni dariy ban’en u langgin e ke kireb.

Levitikus 27:16

Fa’anra ognag be’ nib mo’on bang ko binaw rok ngak SOMOL ma puluwon ni yira turguy e be yan u rogon urngin e awoch nrayag nni yung nga daken fare gi but, ragag e salpiy ni silber ma reb e barril e awochngin e woldug ni barley.

Deuteronomy 28:38

“Bay mu yunged e awoch ni pire’, machane ri buchuuw wom’ngin ni gimed ra t’ar, ni bochan e bayi languy e asmen’ing e woldug romed.

Deuteronomy 28:39

Bay mu yunged e yungi woldug ni grape romed mu’um tamilang niged owchen, machane dab mu t’ared wom’ngin ara mu unumed e wayin riy, ni bochan e bayi longuy e fakl’ud.

Isaiah 7:23

“Ra taw ko ngiyal’nem ma yungi woldug ni grapes ni bfel’ nra bang ma bbiyu’ kaen e woldug ni grape ni bay riy, mra bang ma bbiyu’ yang e silber nni pi’ ngay, e bayi sug e pan riy ni bay rachangalen.

Isaiah 32:13

ma pan ni bay rachangalen e be tugul u daken e but’ rok e tirog e girdi’. Mu yor niged urngin e naun ni i par e girdi’ riy ni yad ba felfelan’ nge fare binaw ni i yan e maruwel riy ni bfel’ rogon.

Jeremiah 48:33

Felfelan’ nge uf e kan chuweg ko fare nam nu Moab nib yong’ol but’an. Kug taleg l’ogwen e wayin ni yibe pirdi’iy; dakriy be’ ni nge ngongliy e wayin me tolulnag e felfelan’.

Exodus 37:22

Fapi floras ndawori puf nge fa yupa’ i pa’ngin, nge fare tagil’ e magal e ni ngongliy u ta’bang i gol nni pirdi’iy.