Isaiah 49:22 - Bible Ni Thothup

²² Be ga’ar SOMOL ni Th’abi Tolang ngak e girdi’ rok: “Bay gu furuy pa’ag ni nge guy e pi nam, miyad fek pifakam i yib nga tabinaw rom.

Isaiah 49:22 Referans Kwoze

Luke 13:29

Ya bay yib e girdi’ u lan e ngek ngu lan e ngal, ngu lan e lel’och ngu lan e yimuch ngarbad ra pired nga tebel ko gin nsuwon Got.

Psalms 86:9

Gubin e nam ni kam sunmeg e bay rabad ngar siro’gad ngom, miyad pining e sorok nga fanam gil.

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Isaiah 66:20

Bay ra fulweged gubin e girdi’ romed ko fapi nam nib tow’ath ngog. Bay ni fekrad i yib ko burey rog u Jerusalem nib thothup, u daken e os, nge mule nge kamel ngu chariot nge wagon, nri bod rogon yu Israel ni yad ma fek e grain ni maligach i yib nga Tempel ni bay u lan tafen ni kani bangbengnag ke be’ech.

Isaiah 49:12

Girdi’ rog e bay rabad u orel, ko lel’och nge ngal nge binaw nu Aswan ni bay ko yimuch.”

Isaiah 14:2

Pire’ e nam ni bayi ayweg e girdi’ nu Israel ngar sulod ko fare nam ni pi’ SOMOL ngorad, mu rom e bayi pigpig e pi nam riy ngak piyu Israel ni bod e sib. Pi’in nra koled piyu Israel e bayi mang yu Israel e kolrad e chiney, ni girdi’ nu Israel e bay ur gagiyeg niged e pi’in ur gafgow niged yad.

Psalms 72:17

Mang e yigi par fithingan e en pilung ni dab ni pag talin; mang e yigi par buguwan nn’umngin nap’an ni bay e yal’. Mang e yigi urngin e nam me ning ngak Got ni nge fal’eg wa’athrad ni bod nike fal’eg wa’athan e en ni pilung.

Psalms 72:8

Gagiyeg rok e yan u bang e day nga bang e day, me tabab ko lul’ ni Eufrates nge yan i taw nga tungun e fayleng.

Psalms 22:27

Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Psalms 102:22

ko ngiyal’ ni nge yib e pi nam nge pi lung nga ta’bang ni ngar liyorgad ngak SOMOL.

Isaiah 18:3

Ngam motoyilgad, gimed gubin e girdi’ nma par u fayleng! Mu sap niged bangi flak ni pow, ni ngan tining u daken p’ebgul e burey. Mi gimed motoyil nga lingan e rapa!

Isaiah 43:6

Bay gog ko lel’och ni nge pagrad, mu gog ngak e yimuch ni nge dabi telrad. Ya pi nam nib orel e nge sul e girdi’ rog riy, ni gubin yang u fayleng ni ngar sulod riy.

Isaiah 62:10

Gimed e girdi’ nu Jerusalem, marod nga wuru’ e binaw ngam ngongliyed e kanawo’ ni fan ko girdi’ romed ni be sul! Mu falfleged ba kanawo’ nib ga’; magmed chuweg e malang riy! Mi gimed tining e pow riy ngalang ya nge yag ni nge nang e pi nam.

Isaiah 66:19

mar nanged ni Gag e en ni gu be gechig nagrad. “Machane bay gu pag bochi yad nib fos mug l’oegrad i yan ko pi nam nge yungin nib palog ni dawor rrung’aged bugwag ma dawor raguyed feni gel gelngig: yu Spain, Libya, ngu Lydia, ni bay e girdi’ riy nib salap ko mun gat’ing, ngu Tubal ngu Greece. Yad ra garareg feni sorog u lan e pi nam ney.

Zekariah 8:22

Ba yo’or e girdi’ nge boch e nam nib ga’ lungrad ni bay rabad nga Jerusalem ni ngar liyorgad ngak SOMOL ni Gubin ma Rayag Rok miyad meybil ngak ni nge fal’eg wa’athrad.