Isaiah 49:18 - Bible Ni Thothup

¹⁸ Mu sap i yan nga mu guy e n’en ni yibe rin’. Girdi’ rom e yad be mu’ulung ni ngar sulod nga taferad. Rogon feni riyul’ ni Gag fare Got ni gu be par ni gub fos, e aram rogon feni riyul’ ni bay mu felfelan’ ngak e girdi’ rom, bay mu felfelan’ ni bod gelngin e felfelan’ ni tay be’ ni bpin ko nunuw rok nnap’an ni nge mabgol!

Isaiah 49:18 Referans Kwoze

Isaiah 61:10

Jerusalem e be felfelan’ ni bochan e n’en ke rin SOMOL. Ir e bod be’ ni bpin nike chuw nga madan e m’agpa’. Rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem!

Isaiah 54:9

“Nap’an Noah mu gu micheg ndab kug tharey e fayleng ko ran. Ma chiney e kug micheg ngom ndab kug damumuw ngom bayay; dab kug puwan’ ngom ara ggechig nigem.

Jeremiah 2:32

Gur rayag rok be’ ni bpin ni kab rugod ni nge pag talin e churwa’ rok nib tolang puluwon, ara pag be’ ni bpin ni nge mabgol talin e mad rok ko m’agpa’? Machane girdi’ rog e ka ra paged talig nike yo’or i yo’or e rran ndabiyag i the’eg.

Isaiah 66:20

Bay ra fulweged gubin e girdi’ romed ko fapi nam nib tow’ath ngog. Bay ni fekrad i yib ko burey rog u Jerusalem nib thothup, u daken e os, nge mule nge kamel ngu chariot nge wagon, nri bod rogon yu Israel ni yad ma fek e grain ni maligach i yib nga Tempel ni bay u lan tafen ni kani bangbengnag ke be’ech.

Isaiah 54:7

“Kug pagem u lan ba talab, bay gu fulwegem ngog ya ri gab t’uf rog.

Isaiah 49:12

Girdi’ rog e bay rabad u orel, ko lel’och nge ngal nge binaw nu Aswan ni bay ko yimuch.”

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.

Revelation 21:2

Mu gguy fare Binaw nib Thothup, ni aram fa bin nib be’ech e Jerusalem ni be yib u tharmiy nga but’ nike yib rok Got, nike fal’eg rogon ni bod be’ ni bpin ni nge mabgol nike yin’ e mad rok ni bfel’ ni nge yan ngar mada’gow e pumo’on rok.

Jeremiah 31:8

Bay gu fekrad u lel’och ngaray, mu gu kunuyrad u tungun e fayleng i yib. Pi’in malmit nge pi’in mugutgut e bay ra uned ngorad ngarbad, nge ppin diyen nge tin ke chugur ni ngar gargel gad. Bay ra sulod ni kar manged ba nam ni ba ga’.

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Isaiah 49:22

Be ga’ar SOMOL ni Th’abi Tolang ngak e girdi’ rok: “Bay gu furuy pa’ag ni nge guy e pi nam, miyad fek pifakam i yib nga tabinaw rom.

Isaiah 45:23

Tin gu be yog e ba riyul’, ma dabi thil. Ri gu be micheg nga rarogog: Gubin e girdi’ ni bay rabad ngar ragbuggad u p’eowcheg miyad micheg ni bay ur yul’yul’gad ngog.

Proverbs 17:6

Pi tutuw nge titaw e yad ba uf ngak pi tonginrad, ni bod e pi’in bitir ni yad ba uf ko pi chitamangirad.

Genesis 22:16

“Nggog bbugithin ngom ni bay gu rin’ ni fithingag e nggu micheg ngay i Gag SOMOL e gu be non — nri bay gu fal’eg wa’atham, ni bochan e fakam ni kari maagirag rom e da mu tel rog,

Genesis 13:14

Tomuren nike chuw Lot me ga’ar SOMOL ngak Abram, “Ngam par uwur ngam fal’eg i yaliy urngin yang;

John 4:35

“Bay bbugithin ni gimed ma yog nma lungumed, ‘Ka aningeg e pul me taw ko ngiyal’ nike el e woldug riy ni aram e ngan t’ar wom’ngin e woldug.’ Ma nggog ngomed ni ngam fal’eged i yaliy e yungi woldug: ya woldug ni bay riy e ke el nike taw nga nap’an ni ngan t’ar!

Numbers 14:21

machane rogon feni riyul’ ni gu be par ni gub fos nge feni riyul’ ni kug sugnag e fayleng,

Jeremiah 43:12

Bay gup’ e nifiy ko tempel rok fapi got nu Egypt, ma fare pilung nu Babylon e reb e ra urfiy fapi got fa reb e ra chuweg fapi got. Bod ba tagafal saf nra feked e mad rorad nike chuw e yanuk riy, e aram rogon fare pilung nu Babylon nra pug fare but’ nu Egypt ngalang nike be’ech ma aram me yan nike gel.

Ezekiel 33:11

Mog ngorad ni bod feni rriyul’ ni Gag SOMOL ni Gag fare Got ni be par nib fos, e aram feni rriyul’ ni dabug ni ngug guy reb e tadenen ni nge yim’. Ya gu ba’adag ni nggug guy nike cheal ke pi’ keru’ ko denen nge par nib fos. Israel, mu taleg e kireb ni ga be rin’. Mang ni ga ba’adag ni ngamum’?