Isaiah 49:15 - Bible Ni Thothup

¹⁵ Me fulweg SOMOL ni ga’ar, “Gur rayag rok be’ ni bpin ni nge pag talin fak ni kabran ma dabi t’uf rok e re tir nem ni ir e gargeleg? Gomang e ra pag be’ ni bpin talin fak, machane gag e dab gu pag talimed.

Isaiah 49:15 Referans Kwoze

Isaiah 44:21

Be ga’ar SOMOL, “Israel, mu leamnag e pin’en ni ba’aray; dab mu pag talin ni gur e tapigpig rog. Gu sunumiyem ni ngam mang tapigpig rog, ma ri dab gu pag talim.

Psalms 103:13

Rogon feni gol ba matam ngak pifak, e aram rogon feni gol SOMOL ngak e pi’in bay madgun u wun’rad.

Matthew 7:11

Yugu ireyer fanmed kireb, ma gimed manang rogon ni ngam pi’ed e tin ni bfel’ ban’en ngak pifakmed. Ere Chitamangimed ni bay u tharmiy e rira pi’ e tin ni bfel’ ban’en ngak e pi’in yad ra ning ngak!

Hosea 11:1

Be ga’ar SOMOL, “Nap’an ni kab bitir Israel ma rib t’uf rog; mu gu pining nga wuru’ yu Egypt ni bod be’ nib mo’on ni fakag.

Jeremiah 31:20

“Israel, i gur fakag nri gab t’uf rog, nri gur e th’abi t’uf rog. Gubin ngiyal’ ni gu ra yog fithingam mu gu leam nigem nri gab t’uf rog. Lanin’ug e be un ngom; ri bay gu runguyem.

Malaki 3:17

Be ga’ar SOMOL ni Gubin ma Rayag Rok, “Bay ra manged e tirog e girdi’ ko chirofen ni bay gu maruwel, ma bay ra pired ni kari mil suwrad ngog. Bay gu runguyrad ni bod e gal labthir ni yow ma runguy pifakrow ni yad be pigpig ngorow.

Lamentations 4:10

Riya’ ni yib ko girdi’ rog e girengiy e marus ni almirin i yib; pi matin nib t’uf pifakrad rorad e ra lithed pifakrad ngar longyed.

Lamentations 4:3

Mus ko chitiningin e wolf ma matathuth nag pifak. machane girdi’ rog e kar boded e arche’ ni ostrich, ni yad ba kan ngak pifakrad.

Roma 1:31

ma yad ma ngongliy e ngongol ko balyang; darir yul’yul’gad ko tin ni karogned ni ngar rin’ed, ma dar golgad ma der kireban’rad ngak be’.

Levitikus 26:29

Ma bayi gel e uyngol ngomed ngam longyed pifakmed.

BABYOR NI JOB 24:20

Mus ngak e chitiningin ma ke pag talin e chiney; ya ke longuy e faklud ma ke mogothgoth ni bod e gek’iy nike thig.

Psalms 27:10

Ra n’igeg e chitamag nge chitinag, machane SOMOL e ra ayuwegneg.

Psalms 77:9

Gur, ke pag Got talin ni nge runguydad? Gur, damumuw e ke yon’ luwan e runguy rok?”

Proverbs 31:2

“I gur fakag ni gab t’uf rog, ni taban e pi meybil rog. Mang e nggog ngom?

Isaiah 14:1

I SOMOL e bayi kirban’ bayay ko girdi’ rok nu Israel me mel’egrad ni nge mil farad ngak. Bayi pagrad ngar pired bayay u lan e nam rorad, ma girdi’ u bang e bay rabad ngar pired rorad.

Isaiah 49:14

Machane girdi’ nu Jerusalem e lungurad, “I SOMOL e ke n’agdad! Ke pag taldad.”

1 Samuel 12:22

SOMOL e ke micheg ndabi n’agmed, ya ke duwgiliy u wan’ ni ngam manged girdi’en.

Isaiah 54:10

Pi burey nge yungi ted e rayag ni nge puth, machane rogon nri gab t’uf rog e dariy e rofen nra mus; m’ag ko gapas ni kug micheg ngom e bay i par u gil’ ndariy n’umngin nap’an.” Irera’ rogon nike yog SOMOL ni ri gab t’uf rok.

Jeremiah 51:5

I Gag fare SOMOL ni Got ni Gubin ma Rayag Rok, e dag pag yu Israel nge yu Judah, ni yug aram rogon ni kar denengad nib togopluw ngog, I Gag Fare Thothup nu Israel.