Isaiah 49:13 - Bible Ni Thothup

¹³ Lanelang, mu tang! Fayleng, mu tolulnag e felfelan’! Me tang e pi burey! Ya SOMOL e bayi fal’eg laniyan’ e girdi’ rok; bayi runguy e girdi’ rok ko gafgow ni yad be tay.

Isaiah 49:13 Referans Kwoze

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Isaiah 51:3

“Bay gu dag e runguy rog nga Jerusalem, ngak gubin e pi’in yad be par u fithik’ e gafgow u rom. Ni yug aram rogon ni kan n’ag e re but’ rok nem, ma bay gu mangnag bangi milay’, ni bod fare milay’ ni gu yung u lan yu Eden. Madnom nge felfelan’ e yira tay u rom, mi ni tangnag e sorok ngog nge ogmagaer.

Isaiah 52:9

Pin’en ni ka ni buthug u Jerusalem, mu tolul niged e felfelan’. SOMOL e ke fal’eg laniyan’ e girdi’ rok; ke chuweg fare binaw rok u pa’ e to’ogor rok.

Isaiah 55:12

“Bay mu chuwgad u Babylon u fithik’ e felfelan’; bay ni pow’iymed nga wuru’, e re binaw nem u fithik’ e gapas. Pi burey nge yochi burey e bay ra tanggad, ma pi gek’iy e bay ra tolul niged e felfelan’!

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

2 Korinth 7:6

Machane Got nma pi’ e athamgil nga laniyan’ e pi’in ke mulan’rad e pi’ e athamgil nga lanin’mad ni bochan Titus ni yib ngomad.

Luke 15:10

Ere nggog ngomed ni ku ireray rogon e pi engel rok Got ni yad ra felfelan’, ni bochan ta’reb e tadenen ni pi’ keru’ ko kireb ni be ngongliy.”

Jeremiah 31:13

Ma pi’in nrugod e bay ur churu’ gad ni kar felfelan’ gad, ma pumo’on, ni tin nib pagel nge tin ke pilibthir, e bay ra felfelan’ gad. Bay gu fal’eg lanin’rad mu gu pingeg e meyor ni yad be tay nge ngal’ ni felfelan’, ma kireban’ ni yad be tay e bay gu pingeg ko felfelan’.

1 Kronicles 16:31

Fayleng nge lanelang, mu felfelan’ gow! Mognew ngak e pi nam ni SOMOL e pilung.

Psalms 69:34

Tharmiy nge fayleng, day nge pin’en nib fos ni bay riy, mu pininged e sorok ngak Got!

Psalms 71:21

Bay mu gagiyegnag nge gilbugwag boch ko kafram; ma ga fal’eg lanin’ug bayay.

Psalms 148:9

Gimed e yungi ted nge pi burey, mu pininged e sorok ngak, nge gimed e yu ke gek’iy nma yib wom’ngin nge gek’iy u fithik’ e garger;

Isaiah 14:1

I SOMOL e bayi kirban’ bayay ko girdi’ rok nu Israel me mel’egrad ni nge mil farad ngak. Bayi pagrad ngar pired bayay u lan e nam rorad, ma girdi’ u bang e bay rabad ngar pired rorad.

Isaiah 48:20

Mu chuw u Babylon, mman nike puf rogom! Mu tolulnag murung’agen u fithik’ e felfelan’; muruwliy ngan nang u gubin yang: “I SOMOL e ke ayweg yu Israel ni tapigpig rok!”

Isaiah 49:14

Machane girdi’ nu Jerusalem e lungurad, “I SOMOL e ke n’agdad! Ke pag taldad.”

Isaiah 51:12

I SOMOL e be ga’ar, “I gag e cha’ ni gu pi’ gelingmed. Ere mangfan ni gimed be rus ko girdi’, ni bod e pan ni dar ma n’uw nap’an.

Isaiah 54:7

“Kug pagem u lan ba talab, bay gu fulwegem ngog ya ri gab t’uf rog.

Isaiah 54:8

Gu pi’ keru’ug ngom u fithik’ e damumuw rog u lan ba talab; machane bay mu par ni gab t’uf rog ndariy n’umngin nap’an.” SOMOL nike biyuliyem e ara’ rogon nike yog.

Jeremiah 51:48

Gubin e ban’en u daken e fayleng ngu lanelang e bay ra tolul niged e felfelan’ ko ngiyal nra aw yu Babylon nga pa’ e girdi’ ko lel’och ni karbad ni ngar kireb niged.

Ezekiel 35:14

I SOMOL ni Th’abi Tolang e ga’ar, “Bay gu tem ni dariy e fel’ rom ya nge ga’ngin e fayleng me falan’ ni kam nguchthul nga but’,

Psalms 65:13

Ma yungi flang e ke sug ko saf, ma yochi loway e ke suguy e wheat; yad be tolul ma yad be tang ko felfelan’!

Psalms 89:13

Ri gab gel! Ri ba ga’ gelngim!