Isaiah 49:11 - Bible Ni Thothup

¹¹ “Bay gu ngongliy ba pa’ i kanawo’ ni ba ga’ nge yan u daken e pi burey i yan, ni nge milekag e girdi’ rog riy.

Isaiah 49:11 Referans Kwoze

Isaiah 11:16

Ra sum bpa’ i kanawo’ nib k’iy u Assyria ni fan ngak e girdi’ rok nu Israel nra magachgad u rom, ni ku bod fare pa’ i kanawo’ nib k’iy ni fan ngak e pi chitamangirad nap’an rchuwgad u Egypt.

Isaiah 62:10

Gimed e girdi’ nu Jerusalem, marod nga wuru’ e binaw ngam ngongliyed e kanawo’ ni fan ko girdi’ romed ni be sul! Mu falfleged ba kanawo’ nib ga’; magmed chuweg e malang riy! Mi gimed tining e pow riy ngalang ya nge yag ni nge nang e pi nam.

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

Isaiah 57:14

I SOMOL e ga’ar, “Ngan pag e girdi’ rog nge sul ngog. Ngan chuweg urngin e tin be dubchey u kanawo’ rorad! Ngan fal’eg e kanawo’ ngan felfal’eg rogon nge par!

Isaiah 43:19

Mu sapgad ko n’en nib be’ech ni nggu ngongliy. Be yib i m’ug e chiney, rayag ni ngam guyed e chiney! Bay gu ngongliy bpa’ i kanawo’ nge yan u daken e ted, mu gu pi’ yu pa’ i lul’ ngomed u rom.

Psalms 107:7

Ya pow’iyrad u ba kanawo’ nib k’iy, nga bbinaw ni ir e ngar pired riy.

Psalms 107:4

Boch i gimed e uranod u daken e ted i yan ndariy e kanawo’ riy, ma dar pir’eged wo’rad ngalan reb e binaw ni ngar pired riy;

Isaiah 19:23

Ra taw ko ngiyal’nem ma bay ba kanawo’ nib ga’ nra yan u Egypt nga Assyria. Girdi’ ko gal nam ney e bay u ra milekaggad u thilin e gal nam ney, ma gal nam nem e bay ur liyor gow u ta’bang.

Isaiah 52:12

Yaney e dab kum chuwgad ni gimed ba gur; ma gathi bay mu guyed rogon ni ngam thaygad! I SOMOL ni Got romed e bayi pow’iymed me yoror romed u gubin yang.