Isaiah 48:8 - Bible Ni Thothup

⁸ Gu manang ni dabyag ni nge pagan’uy ngomed, ya go’ yi manangmed ni gimed ba tatogopluw. Aramfan ni dawor mu rung’aged murung’agen e ran’ey, aramfan ndariy bbug e thin riy ni thap nga telmed.

Isaiah 48:8 Referans Kwoze

Psalms 58:3

Pi’in kireb e leam rorad e go’ tin kireb e yad ma rin’ nap’an e yafos rorad. yug nap’an nni gargalegrad miyad tabab ko sasalap l’ugun.

Malaki 2:11

Girdi’ nu Judah e kar th’abed e n’en nra micheged ngak Got kar ngongliyed ban’en nrib kireb u lan yu Jerusalem nge ga’ngin fare nam. Kar ta’ay niged fare Tempel nrib t’uf rok SOMOL. Pumo’on e kar le’engiyed e ppin ni yad ma meybil ngak yugu boch e got.

Hosea 5:7

Da ur yul’yul’gad ngak SOMOL; ere pifakrad e daki mil farad ngak. Ere dabki n’uw nap’an min thirifrad u but’ min gathay e pi nam rorad.

Jeremiah 6:10

Mu gu fulweg nug ga’ar, “I mini’ e cha’ nra motoyil ngog ni fa’anra gu non ngorad nggu machib ngorad? Ya yad ba gelan’ ma dubrad ni ngar motoyilgad ko thin rom; ur minmingad ko n’en ni u mog ngog ni nggog.

Efesus 2:3

Ma bin riyul’ riy e gadad gubin ni ud moyed ni gadad bod yad, ma ud pired ni gadad be ngongol nrogon e tin ni gadad be ar’arnag, ma gadad be rin’ e pin’en ni ir e bm’agan’ dowdad nge lanin’dad ngay; ma ku errogon ni ud pired nike muduwgil ni ngad gafgowgad ko damumuw rok Got ni bod urngin e girdi’.

Jeremiah 5:11

Girdi’ nu Israel ngu Judah e kar feked yathig. I Gag SOMOL e gu be non.”

Jeremiah 3:20

Machane ri bod be’ ni bpin ni de yul’yul’ ko mabgol rok, aram rogon gur ni dam yul’yul’ ngog. I Gag, SOMOL, e gu be non.”

Isaiah 50:5

SOMOL e ke tamilangnag an’ug, ma dawor gu togopluw ngak ara gu pi’ keru’ug ngak.

Isaiah 48:4

Gumnang ni bay um pired ni gimed ba gel’an, ni bod feni el e wasay ma dab m’inggad ni bod e bronze:

Isaiah 46:8

“Gimed e pi tadenen, mu leam niged e re bugithin ni ba’aray; mu tafinay niged e n’en ni kug ngongliy.

Isaiah 26:11

Pi to’ogor rom e dar nanged ni ga ra gechig nagrad. SOMOL, mu tamra’ nagrad ma ga pagrad ngar gafgowgad; mu pagrad ngar gafgowgad u tan e gechig ni ka mu fal’eg rogon kam tay. Mu dag ngorad feni t’uf rom e girdi’ rom.

Isaiah 21:2

Ke pilyeg e changar rog ku gguy ba gafgow nib ga’ nra be’ ma be yagnag be’ nge mathang pogofan ni yibe tay. Salthaw nu Elam, mu chamgad! Salthaw nu Media, mu thabey niged fapi binaw! Got e bayi museg e gafgow ni k’aring yu Babylon.

Psalms 51:5

Gub kireb ko ngiyal’ nni gargel nigeg riy ke mada’ ko chiney; chirofen nni par nigeg riy e gu bay u fithik’ e denen ke mada’ ko chiney.

Psalms 40:6

Gathi gamanman ni maligach nge pin’en ni yima pi’ ngom e ir e ga ba’adag; fa gamanman ni ka ni urfiy nib polo u daken e altar, ara pi maligach ni nge chuweg e denen. Ya ka mu pi’ telig ni nggu rung’ag e thin rom ngay,

Hosea 6:7

“Machane bod Adam yug nap’an e rabad ngalan fare nam, miyad th’ab fare m’ag u thilmad.

Jeremiah 5:21

Mu motoyilgad, gimed e girdi’ ni balyang ni manan’, ni bay owchamed machane damur guyed ban’en, ma bay telmed machane dabiyag ni ngam rung’aged ban’en.

Isaiah 33:1

Pi to’ogor rodad e kar riya’ gad! Kar moro’ro’gad u fithik’ e yargel ma yad be yagnag e girdi’, ni yug aram rogon ni dariy be’ nike mororo’ ngorad ara yag nagrad nga pa’ e pi to’ogor. Machane re ngiyal’ ni yad be rin’ e pin’em riy e bayi mus, ma aram yad e bay un rin’ e pin’em ngorad.

Isaiah 42:25

Ere gagiyeg nagdad ngad thamiyed gelngin e damumuw rok, ngad gafgowgad u fithik’ e mael. Damumuw rok e bod ba nifiy ni yan u lan yu Israel ni ga’ngin, machane da ud nanged fan; dariy ban’en ni mit ngodad riy.

Isaiah 47:11

Riya’ e bayib nga dakenam, ma dariy reb e pig rom nrayag ni nge taleg. Ba tomgin nra machade’ nigem e gafgow — ni gafgow ni da i bit ngan’um!

Isaiah 48:7

Fin chiney e kug gagiyegnag ni nge yodrom e pin’em; dariy ban’en ni aray rogon nike yodro’ kakrom. Fa’anra mang e yodroy kakrom, ma gimed ra yog ni gimed manang murung’agen.

Isaiah 57:4

Mini’ e en gimed be moningnag? Mini’ e en gimed be kak’ring gimed e pi sasalap l’ungun nir?

Hosea 7:9

ma darir nanged ni re todang ney ni yad be tay nga boch e nam e be m’aynag gelngirad. Kan duwgiliy e pi rran rorad, machane dar nanged.

Deuteronomy 31:16

Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.

Deuteronomy 31:18

Ma bay gu siyeg e ngiyal’nem ni nggu ayuwegrad, ya ur ngongliyed e kireb ma yad be tayfan yugu boch e got.