Isaiah 48:22 - Bible Ni Thothup

²² Be ga’ar SOMOL, “Dariy ban’en nra ayweg e pi’in tadenen.”

Isaiah 48:22 Referans Kwoze

Isaiah 57:21

SOMOL e be ga’ar, “Dariy e gapas ni fen e pi’in tadenen.”

Luke 19:42

ni be ga’ar, “Fa’an mang e aray rogon ma kamnang e daba’ e n’en ni ir e ra fek e gapas i yib ngom! Machane chiney e dabiyag ni ngam guy!

Roma 3:17

Dar nanged kanawo’en e gapas,

Isaiah 49:1

Mu telmed ngog e pi nam nib mal’af, ni gimed e girdi’ ni mal’af! Dawor ni gargel nigeg ma ke mel’egeg SOMOL, me turguyeg ni nggu mang tapigpig rok.

2 Kings 9:18

Me yan fare mol’og u daken e os i yan ngak Jehu me ga’ar ngak, “En ni pilung e ba’adag ni nge nang ko kamub ni fager fa dangay.” Me fulweg Jehu ni ga’ar, “Dariy rogom ko tiney! Mman nga tomur ngam lekeg.” Me yog fare tamatnag nu p’ebugul fare wulyang ko damit nike taw fare mol’og ko fare ulung i girdi’ machane da kisul.

2 Kings 9:19

Mu kun pi’ reb e mol’og nge yan, ma ku ta’ab n’en e fith ngak Jehu. Miki fulweg Jehu ni ga’ar, “Dariy rogom ko tiney! Mman nga tomur ngam lekeg.”

Isaiah 57:20

Machane girdi’ nib kireb e yad bod e day nib mayko’, ni dar aw e mocha’ ko n’ew riy, ni be fek i yib e duwor nge rungdu’.

Isaiah 66:24

“Nap’an ni yad ra chuw miyad guy e ldow ko pi’in ur tagopluwgad ngog. Fakl’ud ni be longuyrad e dariy e ngiyal’ nra yim’, ma nifiy ni be urfiyrad e dariy e ngiyal nra math. Ya’arad e ba sosonogor u owchen gubin e girdi’.”