Isaiah 48:21 - Bible Ni Thothup

²¹ Nap’an ni pow’iy SOMOL e girdi’ rok u daken e ted nib gowal ma ba fengfeng, ma darm’ad ko balel. I gagiyegnag e ran nge yib u fithik’ e war ni fan ngorad; i say e war nge mab, nge yib e ran riy nga wuru’.

Isaiah 48:21 Referans Kwoze

Exodus 17:6

Ma bay gu sak’iy nga p’eowchem u rom u daken fare war nu Horeb. Ma ga toy fare war nge yib e ran riy nga but’ nge unum e girdi’.” Me rin’ Moses ni aram rogon u p’eowchen e pi’in yad ma yog e thin rok piyu Israel.

Psalms 105:41

Me bing ba war, me po’ e ran riy nga but’ nge yan u daken e ted ni bod ba lul’.

Isaiah 30:25

Rofen nem e nap’an yira kol e yungi tagil’ e damit ko pi to’ogor romed mi ni thang e fan rok e girdi’ rorad, ma yoch pa’ i lul’ e ra map e ran riy u daken gubin e burey nge gubin e yochi burey.

Psalms 78:20

Riyul’ ni pirdi’iy fare war nge po’ e ran riy, machane gur, rayag rok ni ngki pi’ e flowa ngodad me pi’ e ufin ngak e girdi’ rok?”

Numbers 20:11

Me tining Moses fare ley i sog ngalang nge toy ko fare war ni l’agruw yay, me po’ e ran riy nga but’ ni pire’, me unum urngin e girdi’ nge gamanman.

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

Nehemiah 9:15

“Fa’ani yib e bilig ngorad ma ga pi’ e flowa u tharmiy ngorad, ma ga pi’ e ran nge yib u fithik’ e war nga but’ ko ngiyal’ nike yib e belel ngorad. Ma ga yog ngorad ni ngranod ra tafned fare nam ni mmicheg ni bay mpi’ ngorad.

Jeremiah 31:9

Girdi’ rog e bay ra sulod ni yad be yor, bay gu fekrad i yib ni yad be meybil. Bay gu pow’iyrad nga yu pa’ i lul’, mu gu fekrad u daken ba pa’ i kanawo’ nib pach ndabi tun ayrad riy. Gu bod ba matam ngak piyu Israel, ni Efraim e ir e bin nganni’ e pumo’on ni fakag.”

Psalms 78:15

I sey e war u lan e ted ni desert nge pi’ e ran riy ngorad.

Psalms 74:15

Kam tay e pi alublub nge pi athang’el ngi i map’; ma kam mliknag lan e pi lul’ ni gagang’.

Psalms 78:16

Me k’aring e ran nge map’ ko fare war me gagiyegnag nge thang’el nga but ni bod ba lul’.

Nehemiah 9:20

U mog ngorad e n’en ni ngar rin’ed ni bochan e gab gol; um durwi’iyrad ko manna mu’um pi’ e ran ni ngar unumed.