Isaiah 48:20 - Bible Ni Thothup

²⁰ Mu chuw u Babylon, mman nike puf rogom! Mu tolulnag murung’agen u fithik’ e felfelan’; muruwliy ngan nang u gubin yang: “I SOMOL e ke ayweg yu Israel ni tapigpig rok!”

Isaiah 48:20 Referans Kwoze

Jeremiah 51:45

Gimed e girdi’ nu Israel, mmil gad ngam chuwgad u wur! Mmil niged e pogofan romed ko damumuw rog nib gel.

Isaiah 52:9

Pin’en ni ka ni buthug u Jerusalem, mu tolul niged e felfelan’. SOMOL e ke fal’eg laniyan’ e girdi’ rok; ke chuweg fare binaw rok u pa’ e to’ogor rok.

Jeremiah 51:6

Mmilgad ngam chuwgad u Babylon! Mmil niged e pogofan romed! Dab mmad’ ni bochan e denen nu Babylon. I Gag e chiney e nggu fulweg taban e kireb nga Babylon ni nggu gechignag ni rogon nib m’ag ni nge aw ngak.

Jeremiah 50:8

“Girdi’ nu Israel, mmilgad u Babylon! Mu chuwgad ko re nam nir! Gimed e som’on ni ngam chuwgad!

Revelation 18:4

Ma aram mu gu rung’ag yugu reb e lam nike yib u tharmiy ni be ga’ar: “Mired pi girdi’eg ngam chuwgad rok! Mired ngam chuwgad rok! Ya thingar dab mu uned ko denen ni be ngongliy, ya thingar dab mu uned ko gechig ni bay nta’ ngak!

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Isaiah 49:13

Lanelang, mu tang! Fayleng, mu tolulnag e felfelan’! Me tang e pi burey! Ya SOMOL e bayi fal’eg laniyan’ e girdi’ rok; bayi runguy e girdi’ rok ko gafgow ni yad be tay.

Isaiah 26:1

Bayi taw nga reb e rran nra yin’ e girdi’ e re tang ni ba’aray u lan yu Judah: Binaw romad e ba gel! Got e ir e ma n’uf e pi rungrung riy.

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

Jeremiah 51:48

Gubin e ban’en u daken e fayleng ngu lanelang e bay ra tolul niged e felfelan’ ko ngiyal nra aw yu Babylon nga pa’ e girdi’ ko lel’och ni karbad ni ngar kireb niged.

Jeremiah 50:2

“Mu weliy fapi thin ngak e pi nam! Ngam weliy i yan! Mu dag e pow riy ma ga be weliy fapi thin! Dab mu tay nib mith! Ke thay pa’ yu Babylon! Fare got rok ni Marduk e ke wearwear! Pi liyos rok yu Babylon e ka ni tamra’nag; ma fapi ya’an bogi n’en ni kan toy nib sonogor e kan bilbilig!

Jeremiah 31:10

Be ga’ar SOMOL, “Mmotoyil gad e pi nam ngog mi gimed weliy e thin rog ko pi nam nib orel nib liyeg e day. I gag e gu wereg piyu Israel i yan, machane bay gu kunuyrad, mu gu matanagiyrad ni bod ba tagafaliy e saf ni be matanagiy e saf rok.

Isaiah 52:11

Gimed urngin e pi’in gimed be fek mam’en e Tempel, mu chuwgad u Babylon ni ka chingiyal’ ney! Dab mmathgad nga ban’en nike yog e motochiyel ndab mmathgad ngay; mu ted gimed ni gimed ba thothup mi gimed chuw u lan e re binaw nir.

Isaiah 48:6

“Gubin e tin u gog e go’ ke taw ngay; dabisiy ni ngamoged nriyul’ e tin u gu yi’iynag. Chiney e ngog ngomed e tin be’ech ni bay fini yib, boch ban’en nda gu dag ko som’on.

Psalms 126:1

Nap’an ni fulwegdad SOMOL nga Jerusalem, ma gowa ba lik’ay!

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

2 Samuel 7:23

Dakuriy reb e nam ngabang u fayleng ni bod e yu Israel, ni gur e mu lufrad ko sib ngam mang nagrad girdi’ rom. Pin’en ni ba sorom riy nge pi ma’ang’ag ni mu rin’ ngorad e wear murung’agem riy u roy u fayleng. I gur e mu tuluf e pi nam nge pi got rorad u nap’an ni be yan e girdi’ rom i yan nga m’on, fapi girdi’ ni gur e mu pithigrad u Egypt ni ngar manged girdi rom.

Deuteronomy 30:4

Ni yug aram rogon ni weregmed ko yungin th’abi orel u fayleng, me SOMOL ni Got romed e bayi kunuymed nge fulwegmed,

Isaiah 12:4

Bay reb e rran ni bayib ni bayi tang e girdi’ ni yad be ga’ar, “Moged e magaer ngak SOMOL! Mu pininged ni nge ayuwegmed! Mogned ko urngin e nam e tin ke rin’! Moged ngorad feni sorok!

Isaiah 24:14

Pi’in rfosgad e bay ra tang niged e felfelan’. Ma pi’in bay ko ngal e bay ra weliyed feni sorok SOMOL,

Isaiah 42:10

Mon’ed ba tang nib be’ech ngak SOMOL; fayleng ni polo’, mu tanggad ni gimed be pining e sorok ngak! Gimed e pi’in gimed be milekag u lan e day, mpininged e sorok ngak; gimed urngin e yafos nu maday, mpininged e sorok ngak! Gimed e pi nam ni gimed bmal’af nge girdi’ ni be par riy e ngam tanggad!

Isaiah 43:1

Israel, i SOMOL ni ir e sunumiyem e be ga’ar, “Dab mu rus, ya bay gu yoror rom. Kug pining fithingam, ya mmil suwom ngog.

Isaiah 44:22

Kug chuweg e denen rom ni bod bangi manileng. Mu sul ngog; ya gag e kug biyuliyem.”

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Isaiah 51:14

Pi’in yad ba kalbus e dabki n’uw nap’an mi ni pagrad; bay ra pired ko re fayleng ney nib n’uw nap’an me yag ngorad urngin e ggan nib t’uf rorad.

Isaiah 52:10

I SOMOL e bayi maruwel nga gelngin nib thothup; bayi ayuweg e girdi’ rok, ma ga’ngin e fayleng ni bay ni guy riy.

Isaiah 62:11

I SOMOL e be weliy ko fayleng ni ga’ngin ni ngan rung’ag: “Mogned ngak e girdi’ nu Jerusalem ni Fare SOMOL e bayib ni nge thapegmed, Me fek e girdi’ nike lagrad ngar uned ngak.”

Jeremiah 31:11

Kug biyuliy piyu Israel, ma ku gu ayuwegrad u pa’ ba nam nib gel gelngin.

Jeremiah 31:21

Mu reg yungi plang u kanawo’ nge par ni pow ko kanawo’; ma ga sul ngam gay fare kanawo’ ni ka mu pag. Gimed e girdi’ nu Israel, e ngam sulod, mu sulod ko fapi binaw ni kam paged.

Jeremiah 50:28

Girdi’ ni kar milgad u Babylon karbad nga Jerusalem, yad be weliy rogon SOMOL ni Got rodad e ke falbiyen e tin ke rin’ yu Babylon ko Tempel rok.)

Ezra 2:1

Ba yo’or e kalbus nra chuwgad u Babylon ngar sulod nga Jerusalem ngu Judah, ra be’ me sul ko re binaw ni be’ riy. Pi cha’ney nge chon e tabnaw rorad e ur kalbusgad u lan yu Babylon ni ka nap’an Nebukadnezzar ni Pilung me fekrad ni kalbus i yan ngaram.

Zekariah 2:10

Ke ga’ar SOMOL, “Mu tang niged e felfelan’ gimed piyu Jerusalem! Arme kugub ni nggu par u fithik’med!”

Zekariah 10:8

“Bay gu pining e girdi’ rog ngar mu’ulung gad nga ta’bang. Bay gu aywegrad ni dabi buch ban’en rorad ma bay gu yo’or nagrad ni bod farad yo’or kafram.