Isaiah 48:19 - Bible Ni Thothup

¹⁹ Pi’in owchamed e yad ra bod urngin e yan’, ma ra gu micheg ni dariy e ngiyal’ ni ngan thang owcharad.”

Isaiah 48:19 Referans Kwoze

Isaiah 10:22

Ni yug aram rogon ni chiney ni gathi blich e girdi’ nu Israel ni bod e yan’ u pe’lay, ma buchu’uw i yad e bayi sul. Riya’ e kan ayuweg ni fan ko girdi’, nri bay tapgin ni nge aw ngorad.

Genesis 22:17

nggog ngom ni bay gu pi’ ngom e girdi’ ni owchem ni bod urngin e t’uf u lanelang ara urngin e yan’ ni bay u dap’el’ay. Pi’in owchem e bay ra gelgad ngak e pi’in bay ra maelgad ngorad.

Roma 9:27

Mi Isaiah e yog murung’agen yu Israel ni ga’ar: “Yugu ra yo’or yu Israel ngar boded urngin e yan’ ni bay u charen e day, machane ri in i yad e ra thap ngak Got;

Hosea 1:10

Piyu Israel e bay ra yo’orgad ngar boded e yan’ u maday, ndabiyag i the’eg ara ni foleg. Chiney e be ga’ar Got ngorad, “Gathi gimed girdi’eg,” machane bayib reb e rran ni bayi ga’ar ngorad, “Gimed pifak fare Got ni be par nib fos!”

Jeremiah 33:22

Bay gu yo’ornag owchen David nge pi prist ni yib ko ganong rok Levi, ni aram e dabkiyag i the’egrad ni bod e t’uf u lanelang fa yan’ u dape’l’ay.”

Zefaniah 1:4

“Bay gu gechignag e girdi’ nu Jerusalem nge gubin e girdi’ nu Judah. Bay gu thang mit e pi’in ke magey nma meybil ngak Baal u rom, ma fapi prist ni ur pigpiggad ngak, ni dar nanged Got, e dakriy be’ ni yad ra yib ngan’.

Isaiah 66:22

“Nri bod e bin nib be’ech e fayleng nge bin be’ech e tharmiy nra par nib muduwgil ni bochan gelngig, ere pi’in owchemed nge fithingmed e yad ra par ni yad muduwgil.

Isaiah 56:5

ma aram e fithingam e ra magach u wun’uy u lan e Tempel rog ngu fithik’ e girdi’ rog nib n’uw nap’an ko bitir ni ngam fakay. Ma gur e dab ni pag talinnem bi’id.”

Isaiah 48:9

“Fan e nge mathangeluwolnag e girdi’ fithingag, er fan nikug k’adan’ug ko damumuw rog; gube fil an’ug ni nge dab gu thang owchemed.

Isaiah 14:22

Me ga’ar SOMOL ni Gubin ma Rayag Rok, “Bay gu cham nga Babylon nggu kirebnag. Bay gu pag ni dakriy ban’en riy — dab gu pag reb e bitir, ara be’ nib fos. I Gag SOMOL e gu be non.

Isaiah 9:14

U lan ta’reb e rran e ra gechignag SOMOL e pi tayugang’ nu Israel nge girdi’ riy; ni bay i thab’ lolugrad nge p’ebuk’rad nge mul.

Psalms 109:13

Mang e yigi math mit e pi’in owchen, mang e yigni pagtalin fithingan u lan e bin bayib e mfen.

Psalms 9:5

Kam puwan’ ngak e pi nam, ma kam thang owchen e pi’in kireb; dab kurbad ngan’uy bingyal’.

1 Kings 9:7

ma aram e nggu chuweg yu Israel ni girdi’ rog ko re nam ney ni gag e kug pi’ ngorad. Ma kug ra n’ag e re Tempel ney ni gag e kug thothupnag ni aram e gin ni ngu’un liyor ngog riy, ma girdi’ u gubin yang e bay ur moninggad ngak yu Israel ma yad be darifan nagrad.

Ruth 4:10

Mi Ruth ni be’ u Moab, ni le’engin Mahlon nike yim’, e aram e ke mang le’engig, ya nge par e binaw u lan e tabinaw rok e re mo’on ni ba’aram nike yim’, ni fan e nge dabi math fithingan u fithik’ girdi’en ngu lan binaw rok. Gimed e mich ko pin’ey e daba’.”

Joshua 7:9

Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”

Genesis 13:16

Ma bay gu pi’ e pi’in owchem ni pire’ nib pire’, ndariy be’ nrayag rok ni the’egrad ni yad gubin, ni ta’reb rogon ko nge the’eg be’ urngin e fiyath ni bay u daken e fayleng.

BABYOR NI JOB 5:25

Ma ra yo’or pifakam ni bod feni yo’or e pan ni bay ko gin be kay e gamanman e pan riy.

Isaiah 44:3

“Bay gu pi’ e ran ko fare but’ nike balel, mu gu gagiyegnag yu pa’ i lul’ nge yan u daken e but’ nike mlik. Bay gu pu’og e kan nthothup rog nga daken pifakmed, mu gu fal’eg wa’athan e pi’in owchemed.

Isaiah 44:4

Bay i fel’ rogorad i yan ni bod e pan ni yibe tarannag ni bfel’ rogon, ni bod e gek’iy ni willow nike tugul u to’oben yu pa’ i lul’.

Isaiah 54:3

Bay mu ga’nag e mathil rom u gubin yang; girdi’ rom e bay ra sulweged fare but’ ni girdi’ nu yug boch e nam e be par riy. Pi binaw ni kann’ag e chiney e bayi sug ko girdi’.

Deuteronomy 9:14

Dab mu guy rogon ni ngam talegeg, ya kug leamnag ni nggu thang owcherad nge dakriy be’ ni kuyad ra yib ngan’ bi’id. Ma bay gu tem ngam mang chitamngin ba nam nib ga’ ma dabi thilthil gelingrad.’