Isaiah 48:17 - Bible Ni Thothup

¹⁷ Fare Got nib thothup nu Israel, fare SOMOL ni ayuwegmed e ga’ar: “I Gag SOMOL ni Got romed, fa en ba’adag ni nge fil ngomed e tin ni bfel’ me pow’iymed ko fare kanawo’ ni ngam marod riy.

Isaiah 48:17 Referans Kwoze

Psalms 32:8

Be ga’ar SOMOL, “Bay gu fil ngom e kanawo’ ni ir e ngam man riy; bay gog ngom e tin ngam rin’ ma bay gu fonow nigem.

Psalms 25:12

Pi’in yad ma fol rok SOMOL e yad ra fil rok e re wo’ ni ngranod riy.

Isaiah 30:20

Ra pagmed Somol ngu’um marod u fithik’ e mo’maw’, machane ir e bay u rom ni bay i fanow nagmed, ni dakriy rogon ni ngam gaweged i yan ngabang.

Psalms 73:24

Ga be pow’iyeg ko fonow ni ga be tay ngog, ma tomur e bay mu fekeg nga fithik’ e fla’ab ni aram e ka mu tolang nigeg.

Isaiah 54:13

“I gag e bay gu machibnag e girdi’ rom, mu gu pi’ e fel’ rogon nge gapas ngorad.

BABYOR NI JOB 36:22

Mu leamnag rogon feni ga’ gelngin Got; i ir ere sensey th’abi ga’.

John 6:45

Pi profet e ra yoloyed ni lungurad, ‘Got e bayi machibnag urngin e girdi’.’ Urngin e pi’in nrung’aged e thin ko en ni Chitamangiy me mit e tin nike yog ngorad e bay rabad ngog.

Mikah 4:2

ma bayi lungurad, “Ngdarod nga daken fare burey rok SOMOL, ko Tempel rok fare Got nu Israel. Ir e bayi fil ngodad e tin ba’adag ni ngad rin’ed; mu udarod u daken e yu pa’ i kanawo’ nike duwgiliy. Ya machib rok SOMOL e be yib u Jerusalem; ke par u Zion be non ngak e tirok e girdi’.”

Psalms 71:17

Kugub bitir ma ga tabab i fonow nigeg, ma ku gu be weliy feni manigil e ngongol rom.

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

Isaiah 54:5

En ni sunumiyem e bayi bod be’ ni figirngim, fithingan e SOMOL ni Gubin ma Rayag Rok! Fare Got nib thothup nu Israel e bayi biyuliyem, ir e be gagiyegnag ga’ngin e fayleng!

1 Kings 8:36

ma ga motoyil ngorad u tharmiy ngam n’ag fan u wun’um e denen ko pilung nge girdi’ nu Israel; ma ga fil ngorad rogon ni ngu’un par ni yib mat’aw, ma ga pi’ e n’uw nge yib nga daken e nam rom, ni fa’an mpi’ ngak e tirom e girdi’ ni nge par ni taferad ni dariy n’umngin nap’an.

Isaiah 43:16

Kakrom e ngongliy SOMOL ba kanawo’ ni yan u maday, bpa’ i kanawo’ ni yan u fithik’ e day ni be gireng nib gel.

Isaiah 2:3

ma girdi’ ko pi nam nem e bayi lungurad, “Ngdarod ko fare burey rok SOMOL, ko Tempel rok fare Got nu Israel. Ya ngad filed e n’en ni ba’adag ni ngad rin’ed; mu u darod ko yu pa’ i kanawo’ nike turguy. Ya thin rok SOMOL e yib u Jerusalem; u Zion e non riy ko girdi’ rok.”

Efesus 4:21

Ya kari mu rung’aged murung’agen, ma gimed e gimed girdi’en, ere kan fil ngomed e tin nib riyul’ e thin ni ir e ba’ rok Jesus.

Isaiah 49:7

Got rok yu Israel nib thothup ni ir e ke biyuliyrad e be ga’ar ngak fa’anem nri yibe darifannag, ma be fanenikay e pi nam daken, me ir e tapigpig rok e pi pilung: “Pi pilung e bay ra guyed gur ndakuriy be’ ni ga bay u tan pa’ miyad yib ngar ted fam; ku er rogon e pi’in yad ma gagiyeg ni bay ra guyed miyad paraw nga but’ ngar ted fam.” Bayi yodoro’ ya SOMOL e ke mel’eg fare tapigpig rok; ma Got rok yu Israel nib thothup e ma tay e thin rok u gil’.

Isaiah 48:20

Mu chuw u Babylon, mman nike puf rogom! Mu tolulnag murung’agen u fithik’ e felfelan’; muruwliy ngan nang u gubin yang: “I SOMOL e ke ayweg yu Israel ni tapigpig rok!”

Isaiah 43:14

I SOMOL ni fare Got nib thothup nu Israel ni ir e lufmed u pa’ e to’ogor romed e be ga’ar, “Bay gu l’oeg baraba’ i salthaw ni pire’ nga Babylon ngar chuweged gimed u pa’ e to’ogor romed; bay gu t’ar e mab ko pi garog ko binaw, ma tolul ni be tay e girdi’ riy e bayi ngal’ ni meyor.

Genesis 24:48

Mu gu ragbug nggu meybil ngak SOMOL, mu gu pining e sorok ngak, ni SOMOL ni ir fare Got ko masta rog i Abraham, ni ir e ke pow’iyeg nrib fel’ rogon i yib ngak be’ nib mo’on ni walagen e masta rog, ko gin ni kug pir’eg riy ba rugod ni fak ni nge le’ay fare pagel ni fak e masta rog.

Isaiah 28:9

Yad be gathibthib nigeg. Yad be ga’ar, “I mini’ e be leamnag re mo’on nir ni nge fil e llowan’ ngak? Mini’ e ra rung’ag e tin e thin? Kemus ni bitir ni kafin ra paged e thuth e bfel’ ngorad!

Isaiah 30:21

Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Isaiah 45:11

I SOMOL ni fare Got nib thothup nu Israel, ni en ni be gagiyegnag e tin ni bayib nga m’on e be ga’ar: “Dariy mat’awmed ni ngam fithedgag u murung’agen pifakag, ara mogned ngog e n’en nggu rin’!

Isaiah 49:26

Bay gu gagiyegnag e pi’in yad be gafgow nigem nge mang yad e ur li’ed yad; gelngin e mathang pogofan nge damumuw ni bayib ngorad e bay ra balyanggad ngay ni gowa karm’ad ko rrum. Ma aram e gubin e girdi’ e bay ra nanged ni Gag e SOMOL, ni gag e gu chuwegmed u pa’ e to’ogor romed. Bay ra nanged ni gag fare Got nu Israel nib gel gelngig.”

Isaiah 54:8

Gu pi’ keru’ug ngom u fithik’ e damumuw rog u lan ba talab; machane bay mu par ni gab t’uf rog ndariy n’umngin nap’an.” SOMOL nike biyuliyem e ara’ rogon nike yog.

Joshua 3:4

Ma aram e bay mu nanged e gin ngam sorgad ngay, ya dawor mu uned ngaray. Machane dab mu chugurgad ko fare Kahol ko M’ag; ngu’um leked ni gonap’an e baley e mayl e bay u thilmed nge fare Kahol.”