Isaiah 47:6 - Bible Ni Thothup

⁶ Kug damumuw ko girdi’ rog; kug ta’rad ni gowa gathi ku yad e girdi’ rog: Kug tayrad nga tan gelngim, ma da mu dag e runguy ngorad’; ni mus ko tin ke pilibthir ma ga be gafgow nagrad.

Isaiah 47:6 Referans Kwoze

Zekariah 1:15

ma kar gu damumuw ngak e pi nam ni kar felan’gad u fithik’ e mocha’ nge gapas. De n’uw nap’an nug kadan’ug ko girdi’ rog, ma fapi nam e ra gel niged e gafgow ngak e girdi’ rog nge pag rogon.

2 Kronicles 28:9

Be’ nib mo’on ni Oded fithingan ni reb e profet rok SOMOL e i par u lan fare binaw nu Samaria. Me mada’nag fa raba’ i salthaw nu Israel nike chugur ni ngar taw gad ngalan binaw u Samaria ni ka ra feked boch piyu Judah ni kalbus, me ga’ar ngak fa raba’ i salthaw, “I SOMOL ni Got rok e pi chitamngimed e ke damumuw ngak yu Judah me pagmed ngam gelgad ngorad, machane mirin ni ka mu li’ed rad e ke rung’ag nga tharmiy e chiney.

Deuteronomy 28:50

Yad ba yargel ma dariy e runguy rorad ngak be’, ndemturug ko bitir fa labthir.

Obadiah 1:10

“Bochan e mororo’ nge thang pogofan ni um tay ngak pibe’ rom ni pi’in owchen Jakob, bay ni thirfem u but’ me m’ay fam ni manemus.

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.

Psalms 69:26

Yad be gafgownag e pi’in kam gechignag; yad be weliy murung’agen e gafgow ni be tay e pi’in kam maad’ad ngorad.

Obadiah 1:16

Girdi’ rog e kar unumed ba kap i gechig nib mo’oy u daken e burey rog nib thothup. Gubin e pi nam nib liyeg e kabgel e mo’oy ni yad ra unum ko fare kap ko gechig; yad ra unum nge m’ay miyad m’ay ngabang.

Isaiah 14:17

Irera’ fare mo’on ni gathay e pi binaw me pilyeg e fayleng nge ngal’ ni bang i ted ni desert? Ireray fare mo’on ni dariy bangiyal’ ni pag e pi kalbus rok ngranod nga taferad?”

Isaiah 10:6

Gu l’oeg yu Assyria ni ngar maelgad ngak e nam ndarir liyorgad ngak Got, ni girdi’ ni yad ma k’aring e damumuw ngog. Gu l’oegrad ni ngar feked u yargel e chugom miyad mororo’ miyad yotyot e girdi’ nga but’ ni bod rogon e rungdu’ u lan e kanawo’.”

Matthew 7:2

ya Got e ra turguy e kireb nga dakenmed nrogon nim turguyed e kireb nga daken e girdi’, nge gelngin nge tomalngin nim turguyed.

Ezekiel 28:16

Kam mit ko falchuway’ nge chuway’, ni aram e ren’en ni waliyem ko cham nge denen. Aram mug tharbogem ni ngam chuw ko burey rog nib thothup, ma fare engel ni i matanagiyem e langem ngam chuw u fithik’ fapi malang nib galgal raen.

Ezekiel 24:21

ni nggu pi’ e re thin ney ngomed yu Israel: Kam ufanthin gad nga feni gel fare Tempel. Gimed ba’adag ni ngu’um yaliyed ma gimed be sul ngay, machane SOMOL e bayi m’aynag fan. Ma pi a romed nib bitir ko tabnaw, ni pi’in ni kar magach gad u Jerusalem e bay ni thang e fan rorad u tan e mael.

Lamentations 2:2

I Somol e gathay gubin e yochi binaw u Judah ni de runguyrad Me buthug nga but’ e yungin kan yororiy nib gel ni fan ko mael u lan fare binaw. Me m’aynag fan nge thiyernag e binem e lung nge pi tagagiyeg riy.

Isaiah 43:28

Pi’in yad be gagiyeg nagmed e ur darifan niged e naun rog nib thothup. Ma aram mu gu girengiy e riya’ nga daken yu Israel, mu gu pag e girdi’ rog ngu u nog e thin nib kireb ngorad.”

Isaiah 13:16

Ngiyal’ ni yad be changar ni dariy ban’en nrayag ni ngar rin’ed, mi ni pirdi’iy pi bitir rorad ngarm’ad, mi ni gochowriy gathon e naun rorad u yargal, mi ni kol pi le’engirad u gelngiy.

2 Samuel 24:14

Me ga’ar David, “Kug aw ngabang nike math e liyab ngog! Machane dabug ni girdi’ e nge gechig nageg. Nge mang SOMOL e nge gechig nagdad, ya ir e ba marnguy.”

Isaiah 14:6

ni yad be gafgownag e girdi’ u fithik’ e damumuw, mda rir toffangad i gafgownag e pi nam ni kar koled ko mael.

Jeremiah 50:42

Kar feked e gat’ing rorad nge saydon, yad bbuchan’ ni darir rungyed be’. Nap’an ni yad ra yan u daken e pi os rorad, ma ba lingan i n’ew. Kar fal’egned rogorad ni ngar maelgad nga Babylon.

Lamentations 1:14

“Ke fek babyoren urngin e denen rog ke m’ag nga ta’bang; Ke the’ nga bilel’ugnag, ni tomalngin e rib tomal nike m’aynag gelngig. I Somol e ke pi’eg nga pa’ e pi to’ogor rog, ni dariy gelngig u pulowrad.

Lamentations 1:21

“Ngam motoyil ko gel’gel’ rog; dariy be’ nra fal’eg lanin’ug. Pi to’ogor rog e kar felan’gad ni kam fek e riya’ nga dakenag. Mu fek fare rran i yib ni mmicheg; mu gafgownag e pi to’ogor rog ngar gafgowgad ni bod gag.

Lamentations 5:12

Pi tayugang’ romad e kan fekrad kan uchliyrad; ma danir tayfan e pi pumo’on romad.

2 Kronicles 10:11

Mog ngorad ni ngam ga’ar, ‘Chitamag e pi’ e maruwel ngomed nib gel; ma maruwel ni gu ra pi’ e kabgel boch ngay. I toymed ko dimow, me gag e bay gu pirdi’iymed ko dimow ni fen e garbaw ni pumo’on!’”

2 Kronicles 36:17

Ma aram me pag SOMOL fare pilung nu Babylon nge cham ngorad. I thang fare pilung e fan rok e pi’in pagel nu Judah ni mus ngak e tin bay u Tempel. Dariy be’ ni runguy, fel’ yangren fa pilbithir, pumo’on ara ppin, m’ar nge pi’in de m’ar. I pi’rad Got nga pa’ ni yad gubin.

2 Kronicles 36:20

Me fek urngin e pi’in ni kayad bafos nga Babylon, ni aram e gin nra manged e sib riy ngu’ur pigpig gad ngak nge pi’in owchen nge taw ko ngiyal’ nike sum ke gel lungun e nam nu Persia u rom.

Ezra 5:12

Machane bochan e pi chitamangimad kakrom e ra k’aringed e damumuw ngak fare Got nu tharmiy, me pagrad nge gel Nebukadnezzar ngorad, ni pilung nu Baylonia ni ir e chuwegrad nge fekrad ni kalbus nga Babylon. Me buthug Nebuchadnezzer e tempel rorad nga but’.

Lamentations 4:16

I SOMOL e dakrir uned u lanyan’; ir e ke werweregrad. Ke m’ayfan e pi prist nge pi tayugang’ rorad u wan’.

Zekariah 1:12

Ma aram me ga’ar fare engel, “SOMOL ni Gubin ma Rayag Rok, kam par ni gab damumuw ngak yu Jerusalem nge pi binaw nu Judah nike gaman medlip i ragag e duw e chiney. Fin wi’in e ra taw ngay ma fin mu dag ngorad e runguy rom?”