Isaiah 47:5 - Bible Ni Thothup

⁵ Be ga’ar SOMOL ngak yu Babylon, “Mu par nib math gulngam u fithik’ e lumor; dakriy e ngiyal’ ni ku yira piningem ni gur fare bpin ni pilung ko pi nam!

Isaiah 47:5 Referans Kwoze

Habakkuk 2:20

I SOMOL e bay u lan e Tempel rok nib thothup; gubin e girdi’ nu fayleng ma nge th’ab gulungan u p’eowchen.

Isaiah 47:7

Ka mu leamnag ni yug bay um par ni gur e bpin ni pilung, ma dam tay e pin’ey u lanin’um ara mu leamnag rogon ni bayi yan i aw.

Revelation 18:7

Mu gafgow niged mi gimed kirebnag laniyan’ ni bod gelngin buguwan nge fel’ rogon nike pag rogon ni i tay. Ya yugu be ga’ar u laniyan’, ‘Kug par ni kug pilung!, ni gathi gag be’ nike yim’ figirngig, dariy e chirofen nra kireban’ug!’

Revelation 17:18

“Fare pin ni kam guy e ireram fare binaw nib gilbuguwan ni ir e be gagiyegnag e pi pilung nu fayleng.”

Jude 1:13

Yad bod e n’ew ni gagang’ ley u maday, ni be m’ug pangirad ni yima tamra’ ngay ni bod feni gagiyel e wuth ko n’ew. Yad bod e t’uf nma n’ag gil’, ma ke tay Got tagil’rad ni ngar pired u fithik’ e rumug ni yam’ ndariy n’umngin nap’an.

Zekariah 2:13

Mu th’abed gulungmed gimed gubin e girdi u p’eowchen SOMOL, ya arme ke yib u tagil’ nib thothup.

Lamentations 1:1

Yu Jerusalem nike par ni go’ ir, ya immoy bangiyal’ nib sug ko girdi’! Immoy ni ir e ba sorok u fayleng, ma chiney e ke bod be’ ni bpin nike yim’ figirngin; Re nam nib pilung u fithik’ e pi nam e ke mang ba sib.

Jeremiah 25:10

Bay gu thang gulngan e uf uf nge felfelan’ nge lingan e garus ko madnom ko mabgol. Ma bayi m’ay e gapgep ko magal rorad, ma ku bay i m’ay e grain.

Jeremiah 8:14

I fith e girdi’ rok Got ni ga’ar, “Mangfan ni kay gu da pired u luwdad? Mired ngad milgad i yan ko fare binaw ni ka ni yororiy ni fan ko mael ngadm’ad u rom. I SOMOL ni Got rodad e ke duwgiliy ndabisiy ni ngad m’ad; ke pi’ e yub ngodad ni ngad unumed, ni bochan e gadad be denen nib togopluw ngak.

Isaiah 47:1

SOMOL e ga’ar, “Babylon, mu luw nga but’ ko liw rom, ngam par nga fithik’ e ab u daken e but’. Ummoy bingyal’ ni ga bod be’ ni bpin ni dawori nang e pumo’on, nib binaw ni dawor i waer ko mael, machane dakriy fal’ngim ngabang! Chiney e gur e sib!

Isaiah 14:23

Bay gu pilyeg yu Babylon nge bod lan ba mu’ut ni go’ ran, arche’ ni owl e bayi par u rom. Bay gu wolguy yu Babylon ko wolguw nge chuw gubin ban’en riy. I Gag, fare SOMOL ni Gubin ma Rayag Rok e gu be non.”

Isaiah 14:4

Ma nap’an nra rin’ ni aray rogon, ma yad ra moningnag e pilung nu Babylon ni yad ra ga’ar: “Fare pilung nib buchan’ e ke thay! Ni dabki gafgownag be’ bayay!

Isaiah 13:10

Gubin e t’uf nge pin’en nma mat ra’en e ra m’ay ra’en ndabki mat, ra lumor ra’en e yal’ ni nge yib ngalang, ma m’ay ra’en e pul.

Psalms 46:10

Be ga’ar, “Mu paged e cham, mi gimed nang ni gag Got, ni gag e th’abi tolang u fithik’ e pi nam, mi gag e th’abi tolang u fayleng!”

Psalms 31:17

SOMOL, gu be piningem; dab mu pageg nge ma’fag. Nge mang e pi’in kireb e nge ma’farad; mang e ranod nib m’ath gulungrad i yan nga but’ ko fare fayleng ko yam’.

1 Samuel 2:9

“Girdi’ rok ni yad ba yul’yul’ ngak e ma ayuweg e pogofan rorad, ma pi’in kireb e yad ma m’ay ngabang u fithik’ e lumor; ya dabiyag ni nge gel be’ ko mael u gelngin.

Isaiah 21:9

Aray e karbad! Ni girdi’ ni be yan u daken e os ni kar fochgad ni lal’agruw. Me pi’ fare matnag e thin nge yib, “Ke mul yu Babylon! Gubin e liyos ni yad ma tayfan e ke wagay u but’.”

Isaiah 23:2

Mu sigel’gel’gad nga but’, gimed e pi’in tasiyobay u Sidon! Gimed be pi’ e girdi’

Lamentations 2:10

Pi pumo’on ni pilibthir nu Jerusalem e kar pired nga but’ nike math gulungrad, Ni go’ fiyath daken lolugrad ma mad u dakenrad e tutuw. Ma pi’in rugod e kar’aned lolugrad nga daken e but’.