Isaiah 47:11 - Bible Ni Thothup

¹¹ Riya’ e bayib nga dakenam, ma dariy reb e pig rom nrayag ni nge taleg. Ba tomgin nra machade’ nigem e gafgow — ni gafgow ni da i bit ngan’um!

Isaiah 47:11 Referans Kwoze

1 Thessalonika 5:3

Ngiyal’ nem e ra ga’ar e girdi’ e ke gapas ndariy ban’en nra buch, ma yad ra da’da’ nike taw e riya’ ngorad! Ma dabiyag ni ngar milgad riy — ya bod e amith nma yib ngak be’ ni bpin ni be n’en ni nge gargel.

Revelation 3:3

Mu tafinaynag e n’en nni fil ngom nge rogon ni mu rung’ag; ere mu fol riy ma ga pi’ keruum ko denen ni ga be rin’. Ya fa’anra dab mu od ma bay gub ngom ni bod be’ nib moro’ro’, ya dab mu nang e re awa ni gu ra taw riy.

Luke 12:59

Ya nggog ngom ni dabiyag ni ngam chuw u rom nge yan i mada’ ko ngiyal’ ni kam thang e bin th’abi tomur e row u urngin e salpiy ni kanog ni ngam pi’.”

Psalms 50:22

“Motoyilgad ko ren’ey, gimed e pi’in gimed be fekyathig, ya ri gu thang owchamed, ma dariy be’ nra ayuwegmed.

Nehemiah 4:11

Pi to’ogor romad e ra leam niged ndab gguyed yad ara gu nanged e n’en ni nge buch nge mada’ ko ngiyal’ ni ngar anoggad ngomad, ngar thanged e pogofan romad me mus e re maruwel romad ney u roy.

Matthew 18:34

Ma kari puwan’ e re masta nem, ma aram me pi’ fare tapigpig ngan fek nga kalbus ni ngan gechignag nge yan i mada’ ko ngiyal’ nra math fare malfith rok riy ni urngin!”

Isaiah 37:36

Re nep’ i n’em e yan ba engel rok SOMOL ko gin be par e salthaw nu Assyria riy me thang e pogofan rok 185,000 e salthaw. Ma fa’ani puf e woch ma yad gubin ni yad bay u but’ ni karm’ad.

Luke 17:27

Un par ni yibe abich ma yibe garbod, ma be mabgol e pumo’on nge ppin nge yan i mada’ ko re rran ni ba’aram ni yan Noah riy ngalan fare ark me yib e ran i tharey e binaw nge li’rad ni yad gubin.

Psalms 35:8

Machane riya’ e bay i aw ngorad u m’on ni ngar nanged; bay ra awgad ko wup rorad ni aram e ke aw e riya’ ngorad!

Psalms 55:15

Mang e yigi yim’ e pi to’ogor rog ni dawori taw nga nap’rad; mang e ranod ni kayad bafos nga’ar ko fayleng ko yam’! Ya ba sug gumircha’rad nge lan taferad ko kireb.

Psalms 73:19

Nthang owcherad u lan ta’ab talab; wenegan ni yib ngorad ko tomur e gafgow nib gel!

Proverbs 13:21

Oloboch e ma lek e pi tadenen u gubin yang, machane girdi’ nib mat’aw e ra fel’ wa’athrad ko tin ni bfel’ ban’en.

Isaiah 13:6

Mu gel’gel’ naged e amith! Ya rran rok SOMOL e ke chugur, rofen ni En ni Gubin ma Rayag Rok e nge girengiy e riya’ i yib.

Isaiah 29:5

Jerusalem, gubin e girdi’ nu bang ni yad be cham ngom e bay ra’ uned ko nifeng ni bod e fiyath, ma yu raba’ i salthaw rorad nib kandaguwen e bay ra changaggad ni bod e chabung. Nib tomgin ni yad ra gin ngay

Isaiah 30:13

Gimed ba kireb. Gimed bod bangi rungrung ni simen ma ba tolang nike yan e tha’al riy ke mada’ nga but’; bay mu muchbu’gad nga but’ nib tomgin.

Isaiah 45:7

I gag e gu sunumiy e tamilang nge lumor; gu ma fek e fel’ rogon nge gafgow i yib. I Gag SOMOL e gu be rin’ urngin e pin’ey.

Isaiah 47:9

Machane u lan ta’boch ngiyal’, u ta’abo rran, ma l’agruw e galin’ey nra buch. Dariyfan urngin e pig ni um tay, ma figirngim nge pifakam e bay ra mulgad u pa’am.

Isaiah 48:8

Gu manang ni dabyag ni nge pagan’uy ngomed, ya go’ yi manangmed ni gimed ba tatogopluw. Aramfan ni dawor mu rung’aged murung’agen e ran’ey, aramfan ndariy bbug e thin riy ni thap nga telmed.

Isaiah 57:1

Girdi’ nib mat’aw e ra yim’, ma dariy be’ ni manang fan ara i lem nag. Machane yad ra yim’ ma dakuriy ban’en ni ra buch rorad.

Jeremiah 51:8

Babylon e yigi thay pa’ nib tomgin nge mogothgoth! Mu yor niged! Mu feked e falay ni fan ko maad’ad rok, ma dabisiy nra gol.

Jeremiah 51:29

Be duru’ e but’ ma be rur ni bochan SOMOL e ke rin’ e n’en nike tanomnag ni nge tay yu Babylon ni bang i daken e ted ni desert, ni dakriy be’ nra par riy.

Jeremiah 51:43

Pi yochi binaw u charen i yan e pig ya’an nga bang ke bod lan e ted ni dariy e ran riy, ni dakriy be’ nma par riy fa milekag riy.

Lamentations 1:21

“Ngam motoyil ko gel’gel’ rog; dariy be’ nra fal’eg lanin’ug. Pi to’ogor rog e kar felan’gad ni kam fek e riya’ nga dakenag. Mu fek fare rran i yib ni mmicheg; mu gafgownag e pi to’ogor rog ngar gafgowgad ni bod gag.

Ezekiel 7:26

Bayi aw reb e gafgow nga daken reb, ma bayi m’ap ni lul’ murung’agen e tin nib kireb ni be buch. Bay um weniggad ko profet ni ngar daged ngomed e tin ni kar guyed nga m’on. Dakriy ban’en nra machib nag e prist ko girdi’, ma pi’in pi’lal e dakriy e fanow ni ngar pi’ed.