Isaiah 46:7 - Bible Ni Thothup

⁷ Miyad tay nga porad ngar feked; mranod ra ted nga tagil’ me par u rom, ndabiyag ni nge chuw u tagil’. Ra meybil be’ ngay, ma dabiyag ni nge fulweg taban e meybil rok, ara ayuwegrad ko gafgow.

Isaiah 46:7 Referans Kwoze

Isaiah 45:20

Be ga’ar SOMOL, “Mmu’ulung gad e girdi’ ko pi nam, ni urngin e girdi’ ni fos nnap’an ni waer e pilung romed ko mael, mired nga ni pufthin nagmed! Pi’in yad ma fek e liyos rorad ni ren ngu’ur thelepgad u kanawo’ ma yad be meybil ngak bogi got ndabiyag ni nge ayuwegrad, e yad bod e girdi’ ni dariy ban’en ni yad manang!

Jeremiah 10:5

Mitney e liyos e bod e liyos ni yima tay u milay’ ko mayis; ni dabyag ni nge non; thingar unchibiy ngu’un fek ni bochan e dabyag ni nge yan. Dab mu rus gad ngay: dabyag ni nge maad’ad ngomed, ma dariy ban’en ni bfel’ nrayag ni nge rin’ ngomed.

Isaiah 46:1

“Irera’ e ngiyal’ ni nge mus e pi got nu Babylon! Bel nge Nebo e un meybil ngorow, machane chiney e kan tayrow nga daken keru’ e dongki, nib gilab u daken keru’ e gamanman nike aw porowrad!

Jonah 1:5

Ma urngin fapi sala nrusgad miyad tolul nra bagyad ma be man ayuw ko birok e got. Miyad yin’ e chugum nu barkow nga maday, ni nge ba’ud e barkow. Ma ngiyal’ i nem ma ke yan Jonah i mol nga mayum ko barkow, ni kari mol.

Daniel 3:1

Nebukadnezzar ni Pilung e yog ni ngani ngongliy ba liyos ni gol, ni mereb i ragag e fit tolngin ma mereb e fit ga’ngin radan, me yog ni ngan n’uf u lan e tafel’fel’ u Dura u lan e nug nu Babylon.

Jeremiah 2:28

“Bu uw fapi got ni mu ngongliyed ni fan ngomed? Fa’an bay mu gafgowgad, me ere mu nonod ngorad ngar ayuweged gimed — ni fa’an gomang e rayag rorad. Judah, pire’ e got rom ni bod feni yo’or e binaw ni bay rom.

1 Kings 18:40

Me ga’ar Elijah ngak e girdi’, “Mu koled fapi profet rok Baal nge dabi mil ta’bagayad!” Miyad kol fapi profet ni gubin, me fekrad Elijah ko fare lul’ ni Kishon fithingan nge thang e pogofan rorad.

1 Kings 18:26

Miyad fek fare garbaw ni ka ni fek i yib ngorad ngar ngongliyed rogon, miyad meybil ngak Baal nge mada’ ko misiw’. Miyad tolul ni lungurad, “Baal, mfulweg taban e meybil romad!” Miyad par ni yad be churu’ ma yad be liyeg fare altar ni kar ubunged, machane de fulweg Baal taban e meybil rorad.

1 Samuel 5:3

Me yan i reb e rran riy nri kab kadbul me guy e girdi’ nu Ashdod ni fare liyos ni ya’an Dagon e ke thig nga but’ nib paraw u m’on ko fare Kahol ko M’ag rok SOMOL. Ma ranod ra feked u but’ ngar fulweged nga tagil’.

Isaiah 37:38

Me reb e rran ni be meybil Sennakerib u lan e tempel ko birok e got ni aram Nisrok, me yib l’agruw i pumo’on ni fak ni aram e Adrammelek nge Sharezer ngar li’ew ko saydon ngem’, miyow mil ko nam nu Ararat. Me yan Esarhaddon nib mo’on ni fak nga luwan nge mang emperor.

1 Korinth 12:2

Gimed manang ni ngiyal’ ni ba’aram ndawor mu nanged Got riy e i gagiyeg nagmed e liyos nma meybil boch e girdi’ ngay, ni bogi ban’en nib yam’, ni gubin ngiyal’ ma yad be fekmed nga wuru’ e kanawo’.

Isaiah 40:20

En ndabiyag puluwon e silber ara gol rok e mel’eg e ren ndabi wod. Me pir’eg be’ nib salap ko dimow liyos ni nge ngongliy ba liyos ndabi thig.

Isaiah 41:7

Pi salap ko dimow naun e be ga’ar ngak e en nma maruwel ko gol, ‘Bfel’ e maruwel ni ka mu ngongliy!’ En ma ayiliy e gol nga downgin e liyos e be pi’ e athamgil nga laniyan’ e en ni be richibiy nga ta’bang. Be ga’ar be’, ‘Bfel’ rogon ni kan puthuy’. Miyad richibiy fare liyos nge par nike muduwgil.

Isaiah 41:28

Nap’an e gu changar nga fithik’ e pi got, ma dariy bagayad ni bay bbugithin ni nge yog; dariy ta’a bagayad ni yag rok ni nge fulweg e n’en ni gu fith.

Isaiah 44:12

Ba girdi’en e parde’ wasey e fek bangi wasey nge urfiy. Me fek ba ama nga pa’ nib gel nge pirdi’iy fa gi wasey nge ngongliy e liyos riy. Me yib e bilig ngak, nge belel, nge magaer.

Isaiah 47:15

Kemus rogon e tin ni bfel’ ni yad ra rin’ ngom fapi girdi’ nma yaliy lanelang ni um de’eriy e fanow rorad u n’umngin nap’an e yafos rom. Go’ bay ra paged gur nge bagyad me yan, ni dabi magach be’ ni nge aywegem.”

1 Kings 18:29

Miyad par ni yad be non ni ba ga’ lamrad nge thig e yal’; machane de yib e fulweg ko meybil rorad, ma da nrung’ag ba lam ni non.

Isaiah 41:29

Urngin e pi got nem e dariy farad; dariy ban’en nrayag ni ngar rin’ed, pi liyos rorad e yad bme’waer ma dariy gelngirad!”

Jeremiah 11:12

Ma aram e girdi’ nu Judah ngu Jerusalem e bay ranod ko fapi got ni ur pi’ed e maligach ngorad miyad yornag e ayuw ngorad. Machane pi got nem e dabyag ni ngar aywegedrad u nap’an nra yib e riya’.