Isaiah 46:12 - Bible Ni Thothup

¹² “Mu telmed ngog, gimed e girdi’ ni gelan’, ni gimed be leamnag ni gel ni ngam ted e kab mal’af.

Isaiah 46:12 Referans Kwoze

Jeremiah 2:5

Be ga’ar SOMOL: “Be mang e ren’en nib kireb ni pir’eg e pi chitamangimed rog, nike gagiyeg nagrad ka ra pi’ed keru’rad ngog? Ur meybilgad ngak bogi liyos nib m’ay fan mranod ra pired nike m’ayfarad.

Isaiah 46:3

“Gimed e pi’in owchen Jakob, mu telmed ngog, ni gimed urngin e pi’in kam mageygad ko girdi’ rog. Kug ayuwegmed ni ka nap’an nni gargel nagmed.

Psalms 119:150

Pi kireb ni tama’adaw rog e karbad ni kar chuchugurgad, ni girdi’ ni dariy e ngiyal’ ni yad ma tay e motochiyel rom u gil’.

Efesus 2:13

Machane chiney e kam ta’ab girdi’gad Jesus Kristus, ni gimed e pi’in ni um moyed ni gimed bmal’af rok Got e kambad ngak u daken racha’en Kristus ni map’ u kuruth.

Isaiah 48:4

Gumnang ni bay um pired ni gimed ba gel’an, ni bod feni el e wasay ma dab m’inggad ni bod e bronze:

Isaiah 28:23

Mtoyil ko n’en ni nggog; mag tay u wun’um e n’en ni gu be yog ngom.

Psalms 119:155

Rogon ni ngan mat’aw e ba palog rok e pi’in kireb e leam rorad, ni fan e darir folgad ko motochiyel rom.

Psalms 76:5

Pi salthaw rorad nib m’uthan’rad e kan fek urngin e tin immoy rorad ma chiney e kar molod ni yam’; ni gelngirad nge urngin e pi salap rorad e yi go’ ke m’ayfan.

Psalms 49:1

Mu telmed urngin e girdi’! Motoyilgad e girdi’ u gubin yang,

Efesus 5:14

ya ren’en ni ka nib ndag ngalan e tamilang e ra mang tamilang. Aram fan ni kanog ni kan ga’ar, “Mu od, i gur e en ni ga be mol, mu fos u fithik’ e yam’! Me gal ram’en Kristus nga dakenam.”

Acts 7:51

“Ri gimed ba gelan’! Lanin’med e bod laniyan’ e pi’in ndawor ra nanged Got, ma kam ninged telmed ni nge dab mu rung’aged e thin rok Got nike pi’ ni nganib nog ngomed. Ri gimed bod rogon pi chitamangimed: ku errogon gimed ni kafram i yib ni gubin ngiyal’ ma gimed be togopluw ngak fare Kan Nthothup!

Isaiah 48:1

Motoyilgad ko ran’ey, gimed e girdi’ nu Israel, gimed e pi’in owchen Judah: Gimed ma mow nga fithingan SOMOL ma gimed ma yog ni gimed ma liyor ngak Got nu Israel — machane dariy bbug e thin ni gimed ma yog ni aram rogon u wan’med.

Isaiah 45:20

Be ga’ar SOMOL, “Mmu’ulung gad e girdi’ ko pi nam, ni urngin e girdi’ ni fos nnap’an ni waer e pilung romed ko mael, mired nga ni pufthin nagmed! Pi’in yad ma fek e liyos rorad ni ren ngu’ur thelepgad u kanawo’ ma yad be meybil ngak bogi got ndabiyag ni nge ayuwegrad, e yad bod e girdi’ ni dariy ban’en ni yad manang!

Isaiah 9:9

Urngin e girdi’ nu Israel, ni gubin e pi’in ma par u Samaria, ni bay ra nanged nike rin’ ni aray rogon. Machane riyad ba tolngan’ ma yad ba ufanthin. Ra ga’argad,

Isaiah 59:14

Mat’aw e ke chuw ke yan nga orel, ma yal’uw e dabkiyag ni nge chugur. Rriyul’ e be dol’ u lukngun e binaw, ma yul’yul’ e dakir pir’eg tagil’ u rom.

Isaiah 64:6

Gamad gubin ni gamad ba tadenen, ni mus ko tin th’abi fel’ e ngongol romad nrib alit. Bochan e denen romad, ma gamad bod yuwan e gek’iy nike mororoy ke yib e nifeng i changegnag.

Isaiah 5:7

Israel e fa gi woldug ni grape rok SOMOL ni Gubin ma Rayag Rok; girdi’ nu Judah e yad fapi woldug ni grape ni i yung. I leamnag ni ngu’ur rin’ed e n’en ni bfel’, machane dar rin’ed miyad par ngu’ur thanged e pogofan! I leamnag ni ngu’ur rin’ed e n’en nib manigil, machane pi’in ur gafgow niged e ra yor niged e tin bmat’aw!

Isaiah 28:14

Gimed e girdi’ ni ufanthin ni gimed be gagiyegnag e pi girdi’ ney u roy u Jerusalem, mu telmed ko tin be yog SOMOL.

Isaiah 59:15

Ke buchu’uw e yul’yul’ ni en ra tal i ngongliy e kireb e ra pir’eg ni ir e ra l’ag e oloboch ngak.” Ke guy SOMOL e ran’ey, ma ke kireb u wan’ nike math mit e mat’aw.

Amos 5:7

Gafgow gimed, gimed e pi’in ni gimed be dalibnag e tin nib mat’aw gimed be sasalpiy matwon e girdi!

Habakkuk 1:3

Mangfan ni kam pageg ngguy e tiney e oloboch? Uw rogon ni ga be kadan’um ga be guy e pi kireb ney ni yibe rin’? Riya’ nge modyargal e ke liyegneg, ma cham nge tugthin e ke fanay ga’ngin yang.