Isaiah 46:10 - Bible Ni Thothup

¹⁰ Gog ko tabolngin e tin bay ko tungun; kab kakrom mu gog e tin bayib. Mu gog ni tin kem’ay i leamnag rog e dabiyag ni nge thil; ya gu ra rin’ urngin e tin kem’ay i leamnag rog.

Isaiah 46:10 Referans Kwoze

Proverbs 19:21

Bo’or e pin’en ni be tanomnag e girdi’ u lanin’rad, machane laniyan’ SOMOL e ra aw nga rogon.

Psalms 33:11

Machane tin ke tanomnag e ndariy n’umngin nap’an, ma tiriggil rok e ma par ni manemus.

Isaiah 43:13

I gag e Got, ma gubin ngiyal’ ni bay ug par ni Gag e Got. Dariy be’ nrayag rok ni nge thay u gelngig; dariy be’ nrayag rok ni nge thiliyeg e n’en ni gu be rin’.”

Isaiah 45:21

Mu feked e oloboch romed i yib nga tafen e puf oloboch, me puruy’ e pi’in ta ayuw u tafen e puf oloboch. I mini’ kakrom e i yi’iynag e n’en ni nge taw ngay? Gathi Gag fare SOMOL, ni fare Got ni ayuweg e girdi’ rok? Dakuriy yugu reb e got ngabang.

Proverbs 21:30

Gonop ko girdi’, nge tamilangan’, nge nangan’ — e dabi ayuwegnem ni fa’anra ba togopluw SOMOL ngom.

Psalms 135:6

Demturug e tin ba’adag SOMOL me rin’ u tharmiy ngu daken e fayleng, ngu lan e day ngu t’ay e regur.

Acts 5:39

machane fa’anra Got e yib rok, ma dabiyag romed ni ngam gelgad ngorad. Ya gimed ra pir’eg ni gimed be cham ngak Got!” Me fol fare ulung ko tin ke yog Gamaliel.

Isaiah 44:7

Gur bay be’ ngabang nrayag rok e tin kug rin’? I mini’ e yag rok ni yi’iynag nrib tamilang urngin e pin’en ni bay yib ko tabolngin nge yan i thang ko tungun?

Isaiah 46:11

Gu be pining be’ nib mo’on ni nge yib u ngek; bay yib ni bod ba arche’ ni pag ir nge yib nga but’ ni nge kol ban’en, me rin’ e tin kem’ay i leamnag rog. I gag e kug non, ma tin kugog e bay nrin’.

Hebrews 6:17

Ba’adag Got ni nge tamilangnag e pi’in ni nge yag ngorad e tin keyog nra pi’ ngorad ni dabi thiliyeg e tin ke turguy; ma aram fan ni mow nibe micheg nga fithingan e tin keyog ni ra rin’.

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Acts 15:18

Ireray rogon nike yog Somol, ni ir e ke gagiyegnag e re bugithin ney kan nang ni kakrom.’

Genesis 3:15

I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”

Acts 3:23

En ni dabi motoyil ko n’en nike weliy e re profet nem e yira chuweg u fithik’ e tirok’ Got e girdi’ ngan thang owchen.’

Isaiah 14:24

I SOMOL ni Gubin ma Rayag Rok e micheg ni ga’ar: “Tin ku gu leamnag e ra yodrom. Ma tin ku gu duwgiliy ni nggu rin’ e ra yan ni aw ni amrogon.

Isaiah 25:1

SOMOL, I gur e Got rog; Bay ug liyor ngom mu gu mathangeluwolnag fithingam. Kam ngongliy bogi maang’ang; ri ga ba yul’yul’ u rogon ni ga be rin’ e pin’en ni ka mu tanomnag kakrom.

Isaiah 40:8

Errogon, pan e ma mororoy ma floras e ma kireb ra’en, machane thin rok e Got rodad e dabi thil bi’id!”

Isaiah 41:4

I mini’ e ke gagiyegnag ke yodorom? I mini’ e turguy e n’en ni ngi i rin’ e girdi’ nu fayleng ko tabolingin i yib? I Gag SOMOL e ug moy ko tabolngin, mi Gag SOMOL e gu bay ko tungun.

Isaiah 48:3

Be ga’ar SOMOL ngak yu Israel, “Kakrom e u gog ko mang e nge buch; mu gu gagiyegnag nge taw ngay nib tomgin.

Isaiah 48:14

“Mu’ulunggad ngam motoyilgad, ni gimed gubin! Dariy reb e got ni yag ni nge yi’iynag ni fare mo’on ni gu mel’eg e ra cham nga Babylon; ni bayi rin’ e n’en ni gu ba’adag ni nge rin’.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Isaiah 55:11

Ku aram rogon e thin nma yib u l’ugunag, ndabiyag ni nge dabi rin’ e tin nike m’ay i leamnag rog; ya ra rin’ urngin ban’en ni kug l’oeg ni nge rin’.

Jeremiah 44:28

Machane ri’in i gimed e ra thay ko yam’ nge sul u Egypt nga Judah. Ma aram e fapi girdi’ ni de yim’ e bay ra nanged ko mini’ e yib i m’ug e thin rok nib riyul’, ko gag fa yad.

Hosea 5:9

Rran ko gechig e beyib, mra mogoth yu Israel. Girdi’ nu Israel, ren’ey e rib mudugil nra buch!

BABYOR NI JOB 23:13

Got e der ma thil. Dariy be’ nrayag ni nge togopluw ngak ara taleg ndabki rin’ e tin ni ba’adag ni nge rin’.

Isaiah 10:12

Machane Somol e ga’ar, “Nap’an ni gu ra mu’nag e n’en gu be rin’ ko Burey ni Zion ngu lan yu Jerusalem, ma bay gu gechignag e emperor nu Assyria ni bochan e ufanthin nge tolngan’ rok.”

Isaiah 41:21

I SOMOL ni ir e pilung nu Israel e ba’aray e thin ni nge yog: “Gimed e pi got rok e pi nam, mu weliyed mat’awmed. Mu leam niged e tin ni bfel’ ni ngambad mu weliyed me ayuwegmed.

Ezekiel 39:8

I SOMOL ni Th’abi Tolang e ga’ar, “Re rran ni gu be weliy murung’agen e rib mich ni bayi taw ngay.