Isaiah 46:1 - Bible Ni Thothup

¹ “Irera’ e ngiyal’ ni nge mus e pi got nu Babylon! Bel nge Nebo e un meybil ngorow, machane chiney e kan tayrow nga daken keru’ e dongki, nib gilab u daken keru’ e gamanman nike aw porowrad!

Isaiah 46:1 Referans Kwoze

Jeremiah 51:44

Bay gu gechignag Bel, ni fare got nu Babylon, mu gu gagiyegnag nge chuwan’ ko tin ni iring; ma pi nam e bay dab kur tedfan bi’id. “Ke puth e yoror nu Babylon nga but’.

Isaiah 21:9

Aray e karbad! Ni girdi’ ni be yan u daken e os ni kar fochgad ni lal’agruw. Me pi’ fare matnag e thin nge yib, “Ke mul yu Babylon! Gubin e liyos ni yad ma tayfan e ke wagay u but’.”

Jeremiah 50:2

“Mu weliy fapi thin ngak e pi nam! Ngam weliy i yan! Mu dag e pow riy ma ga be weliy fapi thin! Dab mu tay nib mith! Ke thay pa’ yu Babylon! Fare got rok ni Marduk e ke wearwear! Pi liyos rok yu Babylon e ka ni tamra’nag; ma fapi ya’an bogi n’en ni kan toy nib sonogor e kan bilbilig!

Jeremiah 51:52

Ere chiney, e gu be yog ni aram e nge taw ko ngiyal’ ni bay gu kirebnag e pi liyos nu Babylon, ma pi’in nike maad’ad e bay ur gel’gel’gad u ga’ngin yang fare nam.

Jeremiah 51:47

Ma aram e ngiyal’ ni nge taw ngay ni bay gu kirebnag e pi liyos nu Babylon. Ga’ngin fare nam ni bay ni tamra’nag, ma gubin e girdi’ riy ni bay ni li’rad ngarm’ad.

Jeremiah 10:5

Mitney e liyos e bod e liyos ni yima tay u milay’ ko mayis; ni dabyag ni nge non; thingar unchibiy ngu’un fek ni bochan e dabyag ni nge yan. Dab mu rus gad ngay: dabyag ni nge maad’ad ngomed, ma dariy ban’en ni bfel’ nrayag ni nge rin’ ngomed.

Isaiah 2:20

Nap’an nra taw ko rofen nem, ma bay ra n’iged e gol nge liyos ni silber nra ngongliyed, ngar n’iged ngak e boro’ nge magl’aw.

1 Samuel 5:3

Me yan i reb e rran riy nri kab kadbul me guy e girdi’ nu Ashdod ni fare liyos ni ya’an Dagon e ke thig nga but’ nib paraw u m’on ko fare Kahol ko M’ag rok SOMOL. Ma ranod ra feked u but’ ngar fulweged nga tagil’.

Exodus 12:12

“Ra taw ko re nep’ nem ma bay gu wan u lan e nam nu Egypt nggu thang e pogofan rok urngin e tin nganni’ i fakey ni pumo’on, ni girdi’ nge gamanman. Bay gu gechignag urngin e pi got rok yu Egypt. I Gag SOMOL.

Matthew 23:4

Yad be ngongliy rogon bogi n’en nib tomal ngar m’aged nga daken keru’ e girdi’, machane dariy an’rad ni ngar mithmitheged ta’ab bugul i pa’rad ngar ayuweged yad i fek e pin’en nib tomal nem.

Numbers 32:38

Nebo, Baal Meon (ni biney e fithingan e kan thilyeg), ngu Sibmah. Miyad tunguy fithingan e pi binaw nem ni kar fal’eged.

Isaiah 30:6

Ba’aray e thin nike yog Got ni murung’agen e pi gamanman nma par ko fa gi ted ni desert ni bay ko yimuch ni be ga’ar: “Pi’in owchen e nam nga reb nam e yad be milekag u daken e ted ni yad be yan u thathren e riya’, ya bay e gamanman ni layon riy, nge porchoyog ni bay e yub u l’ugun, nge dragon nma changeg. Ka ra sug niged daken keru’ e gamanman rorad ni dongki nge kamel ko tow’ath nib tolang puluwon ni tow’ath rorad ngak ba nam ndabiyag ni nge pi’ e ayuw ngorad.

Isaiah 45:20

Be ga’ar SOMOL, “Mmu’ulung gad e girdi’ ko pi nam, ni urngin e girdi’ ni fos nnap’an ni waer e pilung romed ko mael, mired nga ni pufthin nagmed! Pi’in yad ma fek e liyos rorad ni ren ngu’ur thelepgad u kanawo’ ma yad be meybil ngak bogi got ndabiyag ni nge ayuwegrad, e yad bod e girdi’ ni dariy ban’en ni yad manang!

Isaiah 46:7

Miyad tay nga porad ngar feked; mranod ra ted nga tagil’ me par u rom, ndabiyag ni nge chuw u tagil’. Ra meybil be’ ngay, ma dabiyag ni nge fulweg taban e meybil rok, ara ayuwegrad ko gafgow.

Jeremiah 50:38

Mu pi’ e yal’ ko but’ riy ngam mlik’nag e yupa’ i lul’ riy. Babylon e ba nam nib k’artamdag e pi liyos riy ni yad ma bannag e girdi’.

Daniel 3:14

Me ga’ar ngorad, “Shadrak, Meshak nge Abednego, mogned, riyul’ ni kam siyeged ni ngam ted fan fare got rog ni ngam siro’gad ko fare liyos ni gol ni gag e gu n’uf ngalang?

Daniel 11:8

Ma bayi fek e pi liyos ni ya’an e pi got rorad, nge chagiy nga urngin e pin’en nrib tolang puluwon nni ngongliy ko gol nge silber, me fek nga Egypt. Ma tomuren boch e duw ni i par ni bay e gapas,

Nahum 1:14

Irera’ e n’en ni duwgiliy SOMOL u murung’agen yu Assyria: “Dabi yib owcharad ni nge ululiy ngachalrad iyan. Bay gu kirebnag e pi liyos ni bay u lan e Tempel ko pi got rorad. Gu be fal’eg rogon ba low ko yam’ ni fan ngak yu Assyria — dariy rogon ni ngkur pired ni yad bfos!

BABYOR NI JOB 39:11

Rayag ni ngam gif nga gelngin nib gel nga mu pagfan e tin nib mo’maw’ e maruwel rom ngak?