Isaiah 45:7 - Bible Ni Thothup

⁷ I gag e gu sunumiy e tamilang nge lumor; gu ma fek e fel’ rogon nge gafgow i yib. I Gag SOMOL e gu be rin’ urngin e pin’ey.

Isaiah 45:7 Referans Kwoze

Amos 3:6

Gur rayag ni yan lingan e yabul ko mael u lan binaw ni dabi rus e girdi’? Gur rayag ni nge aw e riya’ ngab binaw ni gathi SOMOL e pag nge yib?

Psalms 75:7

Ya Got e ir e tapufthin, nge gechignag boch me faleg wa’athan boch.

BABYOR NI JOB 2:10

Me ga’ar Job ngak, “Ga be yog e thin ko balyang! Fa’anra pi’ Got ban’en ni bfel’ nge yib ngodad ma gadad fek u fithik’ e felfelan’. Ere fa’anra pi’ e gafgow nge yib ngodad ma mang ni ngad gun’gun’gad?” Yug aram rogon urngin e gafgow ni yib ngak Job ma de yog ban’en nib togopluw ngak Got.

Amos 4:13

I Got e ir e cha’ ni ngongliy e pi burey me ir e sunumeg e nifeng. Me ir e gagiyegnag nge nang e girdi’ e leam rok; me ir e be gagiyegnag ngi i rran ma be nep’. I ir e ma yan u pe’bugul e fayleng. Ba’aray fithingan: ni SOMOL ni Got ni Gubin ma Rayag Rok!

Isaiah 31:2

Manang e n’en ni be rin’! Ma pi’ e riya’ nge yib. Ra yog ni nge gechignag e girdi’ ni kireb nge pi’in yad be yoror rorad, ma ra rin’.

Jeremiah 31:35

I SOMOL e ke pi’ e yal’ ni nge pi’ e tamilang ni rran, ma ke pi’ e pul nge pi t’uf ni nge gal nnep’. I ir e pug e day nge chub lingan; i SOMOL ni Gubin ma Rayag Rok fithingan.

Jeremiah 13:16

Mu mathangeluwol naged SOMOL, ni Got romed, u m’on ni nge fek e lumor i yib, ngam dol gad u daken e pi burey; ngu m’on ni nge pilyeg nge ngal’ ni rumug fare tamilang ni be lagan’med ngay.

Nahum 1:8

Ni bod rogon e lul’ ni sugbur nib tomgin me thang mit e pi to’ogor rok; me pag e pi’in yad ma togopluw ngak ngarm’ad.

Jeremiah 51:20

Be ga’ar SOMOL, “Gimed yu Babylon, e gimed e ama ni fanag, ni talin e cham rog ko mael. Gu ma maruwel ngomed nggu pirdi’iy e pi nam nge pi gil’ilungun e pi pilung,

Acts 4:28

Ra mu’ulunggad ni ngar rin’ed urngin e tin kem’ay i duwgiliy rom ni ngan rin’, ni gelngim e mu duwgiliy ngay.

Amos 5:6

Marod ngak SOMOL mi gimed fos. Fa’anra dab mmarod, ma bay yib nga dakenmed e girdi’ nu Israel ni bod e nifiy. Me urfiy e re nifiy nem e girdi’ nu Bethel ma dariy be’ nrayag rok ni nge thang.

Ezekiel 32:8

Bay gu thang gubin e magal u tharmiy mu gu rugoy e birom e fayleng nga fithik’ e lumor. I Gag SOMOL ni Th’abi Tolang e gu be non.

Psalms 29:11

I SOMOL e ma pi’ gelngin e girdi’ rok mma fal’eg wa’athrad ko gapas.

Psalms 8:3

Fa’an gu ra yaliy lanelang ni gur e kam sunumiy, nge pul nge pi t’uf riy, ni gur e mu ayliyrad nga tagil’rad,

BABYOR NI JOB 34:29

Fa’anra turguy Got ndariy ban’en ni nge rin’, ma dariy be’ nrayag rok ni nge thibthibnag. Ma fa’anra mithag owchen, mra par e girdi’ ni dariy ban’en nrayag rorad.

Exodus 14:20

I yib i par nga thilin e salthaw nu Egypt nge piyu Israel, me pi’ e lumor ngak yu Egypt, me pi’ e tamilang ngak yu Israel. Ma de yag ni nge chugur fa gal raba’ i girdi’ nga ta’bang e re nep’ i n’em.

Jude 1:13

Yad bod e n’ew ni gagang’ ley u maday, ni be m’ug pangirad ni yima tamra’ ngay ni bod feni gagiyel e wuth ko n’ew. Yad bod e t’uf nma n’ag gil’, ma ke tay Got tagil’rad ni ngar pired u fithik’ e rumug ni yam’ ndariy n’umngin nap’an.

Jude 1:6

Mu tafinay niged fapi engel nra thum’gad nga wuru’ i mat’wunrad ni pi’ Got ngorad, miyad pag e gin ni yad ma par riy: ke tayrad Got u fithik’ e llumor u ar nike m’agrad ko chen ni dabi m’ay bi’id yad be sonnag fare Rran ni ba ga’ ni ir e bay ni gechig nagrad riy.

James 1:17

Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

Joel 2:2

Ra yan i aw ni ba lumor ma ba lumolang e rofen nem, nde fel’ lanelang ma der m’ug ram’en e yal’ e re rran nem. Ma asmen’ing ni pire’ ni pire’ e yad be yan nga m’on ni bod e lumor nike upunguy e pi burey. Dariy ban’en ni ka’a ni guy ni aram rogon, ma dabki yodrom bi’id.

2 Kings 19:25

“Dawor mu rung’ag ni gag e kem’ay i leamnag rog urngin e pin’ey ni kab kakrom? Ma ke chiney ma kug rin’ ni bod ni gu leamnag. I gag e gu pi’ gelngim ni ngam kirebnag e pi binaw ni kani yororiy ni fan ko mael nge par ni dakriy wotan u but’.

Psalms 105:28

I gagiyegnag Got yu Egypt nge nep’ riy, machane de fol yu Egypt ko tin keyog.

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Isaiah 47:11

Riya’ e bayib nga dakenam, ma dariy reb e pig rom nrayag ni nge taleg. Ba tomgin nra machade’ nigem e gafgow — ni gafgow ni da i bit ngan’um!

Jeremiah 10:16

Fare Got rok Jakob e de bodrad; ya ir e sunmiy urngin ban’en, me ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

Lamentations 3:38

Fel’ fa kireb e ta’reb rogon, nma m’ug fe buch ni ir e keyog.

Daniel 2:22

Ma yib i dag e pin’en nib to’ar mab mith, ma manang e n’en ni be par u fithik’ e lumor nib mith; ya ir e be par u fithik’ e tamilang.

BABYOR NI JOB 10:13

Machane chiney e kugnang ni ka aram nap’an i yib ni um mithag rog ni ga be leamnag ni ngam gafgow nigeg.

Psalms 74:16

Gur e mu sunmeg e rran nge nep’; kam tay e yal’ nge pul nga tagil’.

Isaiah 44:24

“I Gag SOMOL, ni tabyul rom. I Gag e gu sunumiyem. I Gag SOMOL e gu sunumeg urngin ban’en. Yi go’ gag e gu filath lanelang; ngiyal’ ni u gu ngongliy e fayleng e dariy be’ ni ayuwegneg.