Isaiah 45:25 - Bible Ni Thothup

²⁵ I Gag SOMOL e bay gu chuweg urngin e pi’in owchen Jakob u pa’ e to’ogor rorad, ma bay ra pininged e magaer nge sorok ngog.

Isaiah 45:25 Referans Kwoze

Isaiah 41:16

Bay mon’rad ngalang; me yib e nifeng i fekrad, me weregrad e nifeng nib gel. Ma aram e bay mu felfelan’ ni bochan e Gag e Got rom; bay mu pining e sorok ngog i Gag fare Got nu Israel ni gub thothup.

1 Korinth 6:11

Bay boch i gimed ni immoy ni aram rogon. Machane ke n’ag Got fan e denen romed ke be’ech nagmed; ma ka ni pi’med ngak Got; ma ka ni mat’aw nagmed ngak Got u daken fithingan Somol Jesus Kristus ngu daken fare Kan Nthothup rok e Got rodad.

1 Korinth 1:31

Aram fan ni “En ni ba’adag ni nge weliy murung’agen e n’en nike ngongliy Somol, me mang ir e uf ngay,” ni bod rogon ni be yog e babyor nib thothup.

Roma 8:30

Ere Got e ke pining e pi’in ir e ke falrad ngabang; gathi kemus nike piningrad, ya ku errogon nike mat’aw nagrad ngak; gathi kemus nike mat’aw nagrad ngak, ya ku errogon ni ngar uned ngak ko fla’ab rok.

Roma 8:1

Chiney e dab kun turguy e gechig rok e pi’in kar ta’ab girdi’gad Kristus Jesus.

Roma 5:1

Ere chiney e ke mat’aw nagdad Got ngak u daken e michan’ rodad ngak Jesus Kristus, ere ke aw e gapas u thildad Got nike yag u daken e Somol rodad i Jesus Kristus.

Roma 4:16

Ere tin ni yog Got nra pi’ e ntay ni bay rogon ko mich u wun’uy ngak Got, ni fan e tin ke yog Got ni bayi pi’ e nge yan i aw nib tow’ath rok Got ngak urngin e pi’in owchen Abraham — ni gathi kemus ni pi’in yad be fol ko fare Motochiyel, machane ku errogon e pi’in ke mich Got u wun’rad ni bod rogon Abraham. Ya Abraham e chitamangidad ni gadad urngin e pi’in ke mich Got u wun’dad.

Isaiah 65:23

Ma maruwel ni bay ur ngongliyed e bay yan i aw ni bfel’, ma fakrad e dabki yib e riya’ ngorad nib tomgin. Ya yad pifak e pi’in ke fal’eg SOMOL wa’athrad, ni yad nge pifakrad.

Isaiah 65:9

Bay gu tow’athnag puyu Israel, ni pi’in nib mu’un ko ganong rok Judah, ma pi’in owchrad e bayi milfan e pi burey rog ngorad. Girdi’ rog ni gu mel’eg, ni yad ma pigpig ngog e bay ra pired u rom.

Isaiah 61:9

Bayi gilbuguwrad u fithik’ e pi nam; urngin e girdi’ ni yad ra guyrad e bay ra nanged ni yad ba nam ni kug fal’eg wa’athan.”

Isaiah 45:24

“Bay rogned ni kemus nu dakenag e rayag ni nga ni mat’aw riy me yib gelngiy riy; machane urngin e girdi’ ni yad ra fanenikayeg e yad ra gafgow ko tamra’.

Isaiah 45:19

Dagur mith’ag e thin rog, ara tin gu be rin’. Da gu leamnag ni nge gayeg yu Israel u bang nib wagagey urngin ban’en riy. I Gag e SOMOL, ma tin riyul’ e gu be yog; tin nib mat’aw e gu ma gagiyegnag ngan nang.”

Isaiah 45:17

Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Psalms 64:10

Gubin e pi’in nib mat’aw e bay ra felfelan’gad ni bochan e n’en ke rin’ SOMOL. Ir e bay ra pir’eged e gapas rok; Gubin e girdi’ nib manigil e bay ra pininged e sorok ngak.

Psalms 22:23

“Mu pininged e sorok ngak, gimed e pi tapigpig rok SOMOL! Mi gimed gilnag buguwan, gimed e pi’in ni owchen Jakob! Mi gimed liyor ngak, gimed e girdi’ nu Israel!

Filippi 3:3

Ya gathi yad e picha’ nike yag e bin riyul’ e maad’ad ko dowef ngorad, ya gadad, ni bochan e gadad ma liyor ngak Got ma gadad ma meybil ngak u daken e Kan Nthothup rok, ma gadad be felfelan’ ko yafos ni yag ngodad u daken Kristus Jesus. Dabi pagan’dad nga yalen e tin yibe ngongliy nga wuru’ i dowdad.

Galatia 6:14

Machane gag e kemus ni kuruth rok e Somol rodad i Jesus Kristus e bay ug weliy murung’agen ma gu be uf ngay; ya kuruth rok e ke muruwliy ke par e fayleng nike yim’ rog, ma ku gum’ rok e fayleng.

2 Korinth 10:17

Machane ba’aray rogon nike yog e babyor nib thothup, “En ni ba’adag ni nge weliy ban’en nike uf ngay e thangri uf ko n’en ni Somol e ke muruwliy ke yag.”

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

1 Kings 8:32

me gur SOMOL e ngam telim u tharmiy ngam pithig e oloboch rok e pi tapigpig rom. Mu gechignag e en nib kireb nrogon nib m’ag ni nge aw ngak, ma gog nde kireb e en ni bfel’ e rok.

Isaiah 26:2

Mu bing e pi garog ko fare binaw nge yib e fare nam nib yul’yul’ nga langgin, ni fare nam nib mat’aw ngonglen e girdi’ riy.

Isaiah 28:5

Bay reb e rran ni be yib ni SOMOL ni Gubin ma Rayag Rok e ra yan i par ni bod ba kiy i floras ni te’eliyaw nrib fel’ ya’an ni fen e tin ni magey e girdi’ rok nde yim’.

Isaiah 50:8

ya Got e ba chugur ngog, me ir e bayi micheg ni bfel’ e rog. Gur bay be’ nra math’ loran rok ni nge yog ban’en nib kireb ni kug rin’? Ere ngani pagmow nggu warow nga tafen e puf oloboch! Mi ni pag nge weliy e kireb ni gomanga kug rin’!

Isaiah 53:11

U tomuren ba yafos ni gafgow ma bay ki felfelan’ bayay; bayi nang ni gafgow ni i tay e de yan i aw nib m’ay fan. I ir e tapigpig rog nib mat’aw; ni rigub felan’ ngak, gechig rok e girdi’ ni pire’ e bayi gafgow u tanggin, me ngongliyrad ngar manged girdi’eg ni yad ba mat’aw.

Isaiah 60:19

“Ma gathi ku yal’ e bay i yib ram’en ngom ni rran Ara yib ram’en e pul ngom ni nep’; I Gag SOMOL e bay gu mang tamilang ngom ni manemus; Ram’en e fla’ab rog e bayi gal nga dakenam.

Isaiah 60:21

Urngin e girdi’ rom ni bay ur rin’ed e tin nib mat’aw, Miyad tafnay e nam ndariy n’umngin nap’an. I gag e gu yungrad, i gag e gu sunumiyrad, Ya nggu dag feni sorog ngak urngin e girdi’.

Jeremiah 4:2

ma aram e rayag ni ngam mowgad u fithingag. Ma aram e gubin e nam e bay roged ngog ni nggu tow’ath nagrad, ma bay ra pininged e sorok ngog.”

Jeremiah 33:16

Girdi’ nu Judah ngu Jerusalem e bay ur pired ni dabi buch ban’en rorad. Fare binaw e bay nog ni ‘Fare SOMOL ni Ir e Mat’wegdad.’