Isaiah 45:22 - Bible Ni Thothup

²² “Gimed e girdi’ nu fayleng ni ga’ngin, mu sulod ngog mu gu ayuwegmed! Ya kemus ni gag e ta’are Got ni bay.

Isaiah 45:22 Referans Kwoze

John 6:40

Ya ba’aray e n’en ni ba’adag e Chitamag: ba’adag ni urngin e pi’in yad ra guy e en ni Fak me mich u wun’rad e aram e ke yag e yafos ndariy n’umngin nap’an ngorad; ma chirofen ni tomur ko rran e bay gu fasegrad ko yam’.”

Mikah 7:7

Machane gag e gu be toer ngak SOMOL. Bay ug par nike l’agan’ug ngak Got ma gu be son nag, ya ir e bayi ayuwegneg; Got rog e bayi rung’ag lungug.

Hebrews 12:2

Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

2 Kronicles 20:12

I gur e Got romad! Mu gechig nagrad ya dariy gelingmad u pulwon e re raba’ i salthaw ney nib ga’ ni yad be cham ngomad. Dagnanged e n’en ni nggu rin’ed, machane gamad be sap ngom ni ngam ayuwegmad.”

Isaiah 45:21

Mu feked e oloboch romed i yib nga tafen e puf oloboch, me puruy’ e pi’in ta ayuw u tafen e puf oloboch. I mini’ kakrom e i yi’iynag e n’en ni nge taw ngay? Gathi Gag fare SOMOL, ni fare Got ni ayuweg e girdi’ rok? Dakuriy yugu reb e got ngabang.

Titus 2:13

ma gadad be sonnag fare Rran ni bfel’ ni ir e ke l’agan’dad ngay, ni aram e Rofen ni bay yib i m’ug e fla’ab rok e Got rodad riy ni ir e th’abi tolang ni er Jesus Kristus ni ir e ma thapegdad ngak Got.

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Psalms 65:5

Taban e meybil romed ni ga ma fulweg e gel ni gamad ma tay ko mael, ga be rin’ bogi ban’en ni yira ngat ngay nga mu ayuwegmad. Girdi’ u gubin yang u fayleng, nge girdi’ ni yad mmal’af nga ba’nem e pi regur e gur e pagan’ rorad.

2 Peter 1:1

Re babyor ney e yib rok Simon Peter, ni ir reb e tapigpig me ir reb e apostel rok Jesus Kristus — Ngak e pi’in nu daken e mat’aw rok Got rodad nge Jesus Kristus ni ir e ma thapeg e girdi’ ngak Got e ke yag riy ngorad e michan’ nta’reb rogon feni ga’ fan ko biromad e michan’:

Psalms 22:17

Urngin e yil u dowag nike m’ug, pi to’ogor rog e yad be changar ngog ni kar lik’athgad.

Isaiah 49:12

Girdi’ rog e bay rabad u orel, ko lel’och nge ngal nge binaw nu Aswan ni bay ko yimuch.”

Isaiah 30:15

I SOMOL ni Th’abi Tolang, ni Ir Facha’ nu Israel nib Thothup e be ga’ar ko girdi’, “Mu sulod ngam pagan’med ngog. Ma aram e gimed ra par ni gimed ba gel ma dabki buch ban’en romed.” Machane mu siyeged ni ngam rin’ed!

Isaiah 43:6

Bay gog ko lel’och ni nge pagrad, mu gog ngak e yimuch ni nge dabi telrad. Ya pi nam nib orel e nge sul e girdi’ rog riy, ni gubin yang u fayleng ni ngar sulod riy.

Isaiah 52:10

I SOMOL e bayi maruwel nga gelngin nib thothup; bayi ayuweg e girdi’ rok, ma ga’ngin e fayleng ni bay ni guy riy.

Isaiah 55:5

Bay mu pininged yugu boch e nam ni ngarbad; bay ba ngiyal’ ni ur pired ndar nanged gimed, machane chiney e bay ra milgad i yib ni ngar cheaggad ngomed! I Gag SOMOL ni Got romed, ni fare Got nib thothup nu Israel e bay gu gagiyegnag urngin e pin’ey nge yodoroy; bay gu gagiyeg nagmed ngu’un tay famed me gilbuguwmed.”

Isaiah 55:6

Mu sulod ngak SOMOL ngu’um meybilgad ngak e chiney ni kab chugur ngomed.

Isaiah 60:3

Ma pi nam e bay ra leked rama’em i yib, Ma pi pilung e bay ra leked rama’em i yib ni bod e woch ni puf ngorad!

Isaiah 66:18

Gu manang e leam rorad nge ngongolrad. Bay gub nggu kunuy e girdi’ u gubin e nam. Nap’an ni yad ra mokun nga ta’bang ma aram e bay ra guyed e tin nge rin’ gelngig

Jeremiah 33:16

Girdi’ nu Judah ngu Jerusalem e bay ur pired ni dabi buch ban’en rorad. Fare binaw e bay nog ni ‘Fare SOMOL ni Ir e Mat’wegdad.’

Hosea 13:4

Be ga’ar SOMOL, “I Gag SOMOL ni Got romed, ni gag e gu pow’iymed nga wuru’ yu Egypt. Re ngiyal’ i nem e dariy reb e Got romed kemus ni Gag. Yi go’ gag e ta’ayuw romed.

Mikah 5:4

Nap’an nra yib, ma bayi gagiyegnag e girdi’ u ba gelngin ni SOMOL e ra yib rok nge rargon lungun SOMOL ni Got. Ma girdi’ rok e bay ur pired ndabki buch ban’en rorad, ya girdi’ u gubin yang u fayleng e bayi puluw u wan’rad feni sorok,

Psalms 22:28

Ya SOMOL e ir e pilung, me ir e be gagiyegnag urngin e nam.

Psalms 65:6

Kam tay e pi burey nga tagil’rad u daken gelngim, ni ga be dag gelngim nib gel.

Isaiah 41:22

Mired ngaray ngam yi’iy niged e tin bayib, me yag nda nanged e ngiyal’ ni nge yodrom, mi gimed weliy ngomad rogon urngin ban’en ni bay yan i aw, ya nge yib i m’ug ma gadad nang.

Isaiah 45:5

“I Gag e SOMOL; dakuriy yugu reb e got ngabang. Gelngim ndabisiy ni nge yag ngom e bay gu pi’ ngom, ni yugu aray rogon nda mu nangeg.