Isaiah 45:2 - Bible Ni Thothup

² “I gag e bay gu fal’eg rogon e kanawo’ rom, bay gu pacheg e pi burey nge yochi burey. Mab ko pi garog ni wasey ni bronze e bay gu t’ar, mu gu th’ab e yu ley i wasey ni bay riy.

Isaiah 45:2 Referans Kwoze

Isaiah 40:4

Mu suguyed gubin e yochi loway; mi gimed bardey daken urngin e burey. Bayi tagapas e pi burey; ma yungi n’en nde pach e bay ni pacheag.

Luke 3:5

Urngin yang nib aw nga but’ ma ngan suguy ngalang, ma urngin e burey nib sobut’ nge tin nib tolang ma ngan pacheg; ma yu pa’ i kanawo’ nib chichigog e thingar ni yal’uweg, ma yu pa’ i kanawo’ nib kireb e ngan pacheg.

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Psalms 107:16

Ma t’ar e mab nga but’ nni ngongliy ko wasey ni bronze, me t’ar nga but’ yuley i wasey.

Jeremiah 51:30

Salthaw nu Babylon e kar talgad ko mael kar pired u lan e yoror. Ke me’waer lanin’rad kem’ay farad. Kan buthug e pi garog ko binaw nga but’, ma kanip’ e nifiy ko naun.

Acts 1:15

In e rran nga tomuren me mu’ulung e pi’in ke mich Jesus u wun’rad, ni gonap’an yad ra’ay nge rliw’ u gubin, me sak’iy Peter ngalang ni nge welthin.

Isaiah 14:31

Gimed gubin e binaw nu Filistia ni bay um gawolgad ngalang ma gimed be yornag e ayuw! Mu rusgad ni gimed gubin! Be yib byil’ i ath ko lel’och ni barba’ i salthaw ndariy buchu’uw i marus rorad.

Isaiah 24:12

Fare binaw e ke mogothgoth, ma pi garog riy e kan t’ar nga but’.

Isaiah 45:13

I gag e kug gagiyegnag Cyrus ke ngongol ni nge rin’ e tin kem’ay i leamnag rog nge yan i aw nrogon. Bay gu yal’uweg urngin pa’ e kanawo’ ni nge yan riy. Bayi fulweg e binaw rog ni Jerusalem nga rogon, me gagiyegnag e girdi’ rog ni yad be par u reb e nam ni kar kalbusgad nga ni pagrad. Dariy be’ nike pi’ puluwon ara ke pi’ ban’en ngak ni fan e nge rin’ e ren’ey.” I SOMOL ni Gubin ma Rayag Rok e keyog e pi thin ney.

Isaiah 48:15

I gag e en ni gu non nggu pining; nggu pow’iy mu gu gagiyegnag nge fel’ rogon.

Jeremiah 28:13

mman ngam ga’ar ngak Hananiah: “I SOMOL e be yog ni gur e gomang e rayag ni ngam t’ar e mat’ ni ren, machane ir bayi yonlon nga reb e mat’ ni wasay.

Jeremiah 51:58

Fapi yoror rok yu Babylon nib gel e bay ni buthug nga but’, nge pi garog riy ni totolang e ngan urfiy nga but’. Maruwel nma tay e pi nam e gubin ni dariy rogon; tin ur athamagiliyed e ke daramram. I Gag fare SOMOL ni Gubin ma Rayag Rok e kugog e pi thin ney.”

Daniel 5:28

ma fan e kuweg e aram e kem’ay i kuweg e gagiyeg ni ga be tay ka ni pi’ ngak yu Media nge yu Persia.”

Nahum 3:13

Pi salthaw rom e dariy ban’en nrayag rorad, ma nam rom e kem’ay gelngin u p’eowchen e pi to’ogor rom. Nifiy e bayi kirebnag e man’ ko garog rom.

Isaiah 13:2

U p’ebgul e burey nib tamilang mag girengiy e flak ko mael ngalang! Ma ga tolul ko pi salthaw ni kam tining pa’am ngalang ni pow ni ngar oggad ko garog ko fare binaw nib tolngan’ e girdi’ riy.

Daniel 8:4

Mu gu par ngu’ug yaliy fare saf ni pumo’on ni be furuy e gagey rok ngalan e ngal, nge ngalan e lel’och, nge ngalan e yimuch. Dariy reb e gamanman nrayag ni nge taleg ara mil rok. Ya be rin’ e tin ni ba’adag ma be gel e ufanthin rok i yan.