Biblia Todo Logo
Bib sou entènèt

- Piblisite -




Isaiah 45:17 - Bible Ni Thothup

17 Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Gade chapit la Kopi




Isaiah 45:17
37 Referans Kwoze  

Ya be ga’ar e babyor nib thothup, “En nra michan’ ngak Kristus e dabi kireban’.”


Pi’in yad be toer ngom e dab ra waergad, machane pi’in nib machreg ni yad ma togopluw ngom e yad ma waer.


Dab mu rus, ya dab kun darifan nigem bayay; dab kun tamra’ nigem. Bay mu pag talin e yul’yul’ ni da um tay ngak e pumo’on rom ko ngiyal’ ni kagab rugod, ma ku er i tay e kireban’ rom nib gel ko ngiyal’ ni yim’ figirngim.


Ya babyor nib thothup e be ga’ar: “Kug mel’eg ba malang nri ba ga’ fan, ni ir e kug tay ni ir e re malang ni ba ga’ fan u Zion; ni en nra michan’ ngak e ri dabi kireban’.”


Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”


ni ir e be weliy e babyor nib thothup murung’agen ni be ga’ar: “Mu guyed, kug tay ngalan yu Zion ba malang ni bay i tun ay e girdi’ ngay, ba war ni ngar dol’gad ngay. Machane en nra michan’ ngak e dabi m’ingan’.”


Nge pagan’uy ngak SOMOL ni manemus, gubin ngiyal’ ni bay i yoror rodad.


Machane pi’in yad ma liyor ngak SOMOL e bay ur pired ni yad ba t’uf rok ndariy n’umngin nap’an, ma fel’ngin ngorad e bay i par ni gubin e mfen,


mu gu par u palog nggu m’ug ngorad. Gimed e girdi’ nu Israel, gubin ngiyal’ ni ug par ni gimed ba t’uf rog, ere bay ug par ni gu be dag ngomed e t’ufeg rog ni dabimus.


En nra weliy ni Jesus e Fak Got e aram e be par Got u fithik’ fa’anem, ma fa’anem e be par u fithik’ Got.


“Nggog e tin riyul’ ngomed: en nra rung’ag e thin rog me mich u wan’ e en ni ir e l’oegeg ku gub e ke yag e yafos ndariy n’umngin nap’an ngak, ni aram e dab kun pufthinnag, machane ke chuw ko yam’ ke thap ko yafos.


Chiney e dab kun turguy e gechig rok e pi’in kar ta’ab girdi’gad Kristus Jesus.


“Ma gathi ku yal’ e bay i yib ram’en ngom ni rran Ara yib ram’en e pul ngom ni nep’; I Gag SOMOL e bay gu mang tamilang ngom ni manemus; Ram’en e fla’ab rog e bayi gal nga dakenam.


Ma fa’ani yan i par ni kari fel’ rogon ni bochan e gafgow ni tay, me par ni ir e be thapeg e girdi’ ngak Got ngar pired rok ndariy n’umngin nap’an, ni urngin e pi’in yad be fol rok,


Somol rodad i Jesus Kristus nge Got ni ir e Chitamangidad, ni gamad ba t’uf rok e ir e ke runguydad ke ayuwegdad, ya ke pi’ e m’uthan’ ngodad nge reb e pagan’ nib muduwgil ni bay i par ndariy n’umngin nap’an,


Kug pi’ e yafos ni dariy n’umngin nap’an ngorad ni aram e dab kur m’ad; ma dariy be’ nrayag ni nge lagrad rog.


Aray rogon ni bayi thap yu Israel ni polo’ ngak Got, ni bod ni be yog e babyor nib thothup ni be ga’ar: “En nma thapeg e girdi’ ngak Got e bayi yib u Zion, ma bayi chuweg urngin e wok nge tafinay nib kireb rok e pi’in yad owchen Jakob.


Ere chiney e SOMOL, ni Got rok piyu Israel, ni ayuweg Abraham ko gafgow, e be ga’ar, “Girdi’ rog, dab ku mu pired nib m’ay famed, ma dabki awat owchamed ko tamra’ bingyal’.


Ya ba’aray e n’en ni ba’adag e Chitamag: ba’adag ni urngin e pi’in yad ra guy e en ni Fak me mich u wun’rad e aram e ke yag e yafos ndariy n’umngin nap’an ngorad; ma chirofen ni tomur ko rran e bay gu fasegrad ko yam’.”


Gu pi’ keru’ug ngom u fithik’ e damumuw rog u lan ba talab; machane bay mu par ni gab t’uf rog ndariy n’umngin nap’an.” SOMOL nike biyuliyem e ara’ rogon nike yog.


I Gag SOMOL e bay gu chuweg urngin e pi’in owchen Jakob u pa’ e to’ogor rorad, ma bay ra pininged e magaer nge sorok ngog.


Gimed e girdi’ rog, re ngiyal’ i n’em e bayi dab kum tamra’gad ni um togopluwgad ngog. Bay gu chuweg e pi’in yad ba tolngan’ nge pi’in yab ba fenuwan’, ma gimed e dakriy e ngiyal’ ni gimed ra togopluw ngog u daken fare burey rog nib thothup.


ya bay ram’aygad ngabang ni bod e mad nike longuy e ngael! Machane nganpuf kodenen ni kug fek i yib e rapar ndariy n’umngin nap’an; gel ni nggu tay e ra par ni dabimus bi’id.”


Machane bay gu dag e t’ufeg ko girdi’ nu Judah. I Gag SOMOL, ni Got rorad e bay gu ayuwegrad u pa’ e to’ogor rorad, machane gathi bay gu rin’ u daken e mael, — ni kan fek e saydon ara gat’ing, ara os ara salthaw ni be yan u os.”


Mu changar nga lanelang; ma ga changar ko fayleng! Lanelang e bayi m’ay ngabang ni bod e ath; ma fayleng e bayi wod ni bod e mad nike kaday, ma girdi’ riy e bay i yim’ ni bod e chachangeg. Machane pufrogon nge mat’aw ni nggu fek i yib e bayi par ndariy n’umngin nap’an; aram e gel ni nggu tay ko tomur.


Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.


me tay e re nam ney nike duwgil. Gubin ngiyal’ nma yoror rok e tirok e girdi’ ma be pi’ e gonop nge llowan’ ngorad. N’en nib th’abi t’uf rorad e madgun SOMOL ni ngi i par u wan’rad.


Machane moning ni yad be tay ngog e dariy ban’en nra rin’ ngog, ya SOMOL ni Th’abi Tolang e be pi’ e ayuw ngog. Kug athamgil, ya gu manang ndabiyag ni nge yan i aw ndariy fag,


Girdi’ nu Judah ngu Jerusalem e bay ur pired ni dabi buch ban’en rorad. Fare binaw e bay nog ni ‘Fare SOMOL ni Ir e Mat’wegdad.’


Machane bay gu tang nigem ni gu be pining e sorok ngom; ma bay gu li’ ba gamanman nggu pi’ ngom ni maligach, tin ni kug weliy ngom e bay gu rin’. I SOMOL e ma yib e ayuw rok!”


Swiv nou:

Piblisite


Piblisite