Isaiah 45:14 - Bible Ni Thothup

¹⁴ I SOMOL e be ga’ar ngak yu Israel, “Gubin e falel’ nge machaf nu Egypt ngu Ethiopia e bayi mil suwon ngom, ma pumo’on ni n’un’uw nu Seba e bay ra manged sib rom; bay ra leked gur ni kanin’ e chen ngorad. Bay ra siro’gad ngom me lungurad, ‘Got e bay rom, kemus ni ir e Got.

Isaiah 45:14 Referans Kwoze

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

1 Korinth 14:25

ma tin nib mith u fithik’ i lanyan’ e rayib i pes ngalan e tamilang, ma aram e ra siro’ nge meybil ngak Got mra ga’ar, “Riyul’ ni bay Got romed u roy!”

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Revelation 3:9

Mmotoyil! Fare ulung i girdi’ nib mil farad ku Satan, ni fapi cha’ ni yad be lifith l’ugunrad ma yad be yog ni yad piyu Israel machane gathi aram rogon e bay gu gagiyeg nagrad ngarbad ra parawgad nga but’ ngar siro’gad ko rifrif u em. Ma yad gubin ni bay ra nanged ni gab t’uf rog.

Joel 3:8

Bay gu pag pifakmed ni pagel nge ppin nga ni pi’rad nchuway’ ngak piyu Judah. Piyu Judah e bay ra pi’ed nchuway’ ngak fapi girdi’ ni kanog e Sabean ngorad, ni yad mmal’af nga orel. I gag SOMOL e kugog e pi thin ney.

Ezekiel 23:42

Senggil rorow e urngin ngiyal’ ma ke sug nga lungun e chingaw’ ni dakuriy yarmen ya bogi pumo’on nni fekrad u daken e ted. Pi pumo’on ney e ra yuy’ed e bachael nga pa’ fagal ppin mar te’eliyaw niged yow ko te’eliyaw nib gamog.

Isaiah 43:3

Ya Gag e SOMOL ni Got rom, ni fare Got nib thothup nu Israel ni ir e ma chuwegem u pa’ e to’ogor rom. Bay gu tay yu Egypt nga luwam ni fan e ngan pagem; bay gu tay yu Ethiopia nge yu Seba nga luwam.

Isaiah 23:18

Salpiy ni nge yag ngak ko siyobay e bay ni pi’ ngak SOMOL. Dabi cha’riy ngabang, machane pi’in yad ma liyor ngak SOMOL e bay ra faned fare salpiy rok ni ngar chuw’iyed e ggan nge mad nib t’uf rorad ngay.

Isaiah 18:7

Ra taw nga bangiyal’ ma bay un pi’ e maligach ngak SOMOL ni Gubin ma Rayag Rok ko re nam ney nike th’eth’ab e pi lul’, ni re nam ney nib maduwgil ma ba gel gelngin, ni girdi’ riy e ba n’un’uw ma ba pachpach downgin, ni yima rus ngorad u ga’ngin e fayleng. Bay rabad ko Burey ni Zion, ni aram e gin yima liyor riy ngak SOMOL ni Gubin ma Rayag Rok.

Isaiah 10:33

I SOMOL ni Gubin ma Rayag Rok e bayi pirdi’iyrad nga but’ ni bod papa’ngin e gek’iy nthab u lang. Yu kan nth’abi tolang ma th’abi uf uf e bay ni th’ab nga but’ ngan sobut’nag.

Psalms 149:8

miyad michigiy e pi pilung rorad ko chen, nge pi’in yad ma yog e thin rorad ko chen ni wasey;

Exodus 11:8

Me ul’ul Moses ngay nge ga’ar, “Ma urngin e pi tolang rom e bay rabad ra siro’gad ngog, miyad wenig ngog ni nggu fek gubin e girdi’ rog ngu wan. Ma aram e bay gu wan.” Me chuw Moses rok Farao nge yan ni kari damumuw.

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

Ezekiel 31:3

Ga bod e gek’iy ni cedar u Lebanon, Nrib fel’usun nib taglul’ papa’ngin, Nib ke gek’iy nib n’uw nike tun ko manileng.

Isaiah 61:9

Bayi gilbuguwrad u fithik’ e pi nam; urngin e girdi’ ni yad ra guyrad e bay ra nanged ni yad ba nam ni kug fal’eg wa’athan.”

Isaiah 45:24

“Bay rogned ni kemus nu dakenag e rayag ni nga ni mat’aw riy me yib gelngiy riy; machane urngin e girdi’ ni yad ra fanenikayeg e yad ra gafgow ko tamra’.

Isaiah 44:8

Gimed e girdi’ rog, dab mu rusgad! Gimed manang ni kakrom ke mada’ ko chiney e u gu yi’iynag urngin e pin’en ni bayib, ma gimed e mich rog! Gur bay yugu reb e got ngabang? Gur bay yugu reb e got ngabang nib gel ndawor gu rung’ag murung’agen?”

Psalms 149:6

Ngar tolulgad ngalang ni yad be pining e sorok ngak Got, ni bay e saydon rorad u pa’rad nib m’uth

BABYOR NI JOB 1:15

Ma gamad gin ma ke yib e girdi’ ni kanog e pi Sabean ngorad, ra chamgad ngomad miyad fek fapi garbaw nge dongki ni urngin. Miyad li’ urngin fapi tapigpig rom, kemus ni gag e kug thay ku gub ni nggu weliy ngom.”

Ester 8:17

Mu lan urngin e pi binaw nge pi yungi nug nnap’an ni yira be’eg fare thin nike yib rok e en pilung, me tabab e pi Jew ko madnom nge mur ni kar felan’gad. Ma aram me yo’or e girdi’ ko taliw rok e pi Jew e ngiyal’nem ni bochan e kar rusgad ngorad.

2 Samuel 21:20

Ma ku bay reb e mael u Gath, ni immoy be’ riy nib pag ga’ngin nrib adag e cham. Ra barba’ i rifrifen pa’ ma nel e buguli pa’ef ni bay riy, ma ku arita’ rifrifen ay ni ku nel’ buguli ay u barba’ ngu barba’.

Numbers 13:32

Miyad weliy u fithik’ e girdi’ nu Israel i yan bogi n’en nde riyul’ ni murung’agen e re nam nem ni kar lekged. Ra ga’argad, “Woldug ni be tugul ko re nam nem e der gaman e girdi’ riy. Urngin e girdi’ ni gguyed e yad n’un’uw,

Genesis 27:29

Ma pi nam e ngar manged tapigpig rom, ma girdi’en e pi nam e ngu’ur siro’gad ngom. Ma ga par ni gur e masta rok e girdi’ rom, mi i siro’ ngom e pi’in ni owchen e chitinam. Ma pi’in yad ra yibilayem ni nge buch wa’atham, e nge buch wa’athrad, ma pi’in yad ra yibilayem ni nge fel’ wa’atham, e nge fel’ wa’athrad.”

BABYOR NI JOB 11:19

Ma dab kumrus ngak e pi to’ogor rom; ma bo’or e girdi’ ni bay ur ninged e ayuw ngom.

Isaiah 18:1

Ba’ nem e pi lul’ nu Ethiopia e bay bbinaw riy ni yima rung’ag lingan pon ban’en riy.

Isaiah 19:21

I SOMOL e bayi dag ko ir mini’ ko girdi’ nu Egypt, ma aram miyad nang miyad liyor ngak, miyad fek i yib ngak e maligach ni mo’oruf. Bay ra mowgad ngak miyad rin’ e n’en ni kar mow niged.

Isaiah 19:22

I SOMOL e bayi gechignag e girdi’ nu Egypt, machane yug aram rogon ma bayi gol nagrad. Bay ra sulod ngak me rung’ag e meybil rorad me gol nagrad.

Isaiah 54:3

Bay mu ga’nag e mathil rom u gubin yang; girdi’ rom e bay ra sulweged fare but’ ni girdi’ nu yug boch e nam e be par riy. Pi binaw ni kann’ag e chiney e bayi sug ko girdi’.

Isaiah 55:5

Bay mu pininged yugu boch e nam ni ngarbad; bay ba ngiyal’ ni ur pired ndar nanged gimed, machane chiney e bay ra milgad i yib ni ngar cheaggad ngomed! I Gag SOMOL ni Got romed, ni fare Got nib thothup nu Israel e bay gu gagiyegnag urngin e pin’ey nge yodoroy; bay gu gagiyeg nagmed ngu’un tay famed me gilbuguwmed.”

Isaiah 60:3

Ma pi nam e bay ra leked rama’em i yib, Ma pi pilung e bay ra leked rama’em i yib ni bod e woch ni puf ngorad!