Isaiah 44:6 - Bible Ni Thothup

⁶ I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Isaiah 44:6 Referans Kwoze

Isaiah 41:4

I mini’ e ke gagiyegnag ke yodorom? I mini’ e turguy e n’en ni ngi i rin’ e girdi’ nu fayleng ko tabolingin i yib? I Gag SOMOL e ug moy ko tabolngin, mi Gag SOMOL e gu bay ko tungun.

Revelation 1:8

Ke yog Somol ni ir Got ni Gubin ma Rayag Rok, ni ir e bay e chiney, me ir e immoy, me ir e bay yib ni ga’ar, “I gag fare Alfa nge fare Omega, ni aram e tabolngin nge tungun.”

Revelation 22:13

I gag fare Alfa nge fare Omega, ni en nsom’on nge en ntomur, ni aram e tabolngin nge tungun.”

Isaiah 44:8

Gimed e girdi’ rog, dab mu rusgad! Gimed manang ni kakrom ke mada’ ko chiney e u gu yi’iynag urngin e pin’en ni bayib, ma gimed e mich rog! Gur bay yugu reb e got ngabang? Gur bay yugu reb e got ngabang nib gel ndawor gu rung’ag murung’agen?”

Isaiah 48:17

Fare Got nib thothup nu Israel, fare SOMOL ni ayuwegmed e ga’ar: “I Gag SOMOL ni Got romed, fa en ba’adag ni nge fil ngomed e tin ni bfel’ me pow’iymed ko fare kanawo’ ni ngam marod riy.

Isaiah 48:12

Be ga’ar SOMOL, “Mmotoyilgad ngog gimed e girdi’ nu Israel ni gag e kug piningmed! I gag Got, ko tobolngin nge tungun, kemus ni gag e Got!

Deuteronomy 32:39

“‘I Gag, ma kemus ni go’ Gag e Got; dakuriy yugu reb e got ngabang. Gu ma thang e pogofan ma gu ma pi’ e pogofan, gu ma maad’ad nigey ma gu ma faseg e maad’ad, ma dariy be’ nrayag ni nge togopluw ko tin gu ma rin’.

Isaiah 42:8

“Kemus ni Gag e SOMOL ni Got rom. Dariy yugu reb e got ni ta’reb rogomow; dab gu pag e pi liyos nganog e sorok ngorad ni aram e kan unegrad ngog.

Isaiah 44:24

“I Gag SOMOL, ni tabyul rom. I Gag e gu sunumiyem. I Gag SOMOL e gu sunumeg urngin ban’en. Yi go’ gag e gu filath lanelang; ngiyal’ ni u gu ngongliy e fayleng e dariy be’ ni ayuwegneg.

Deuteronomy 6:4

“Gimed e girdi’ nu Israel, mmotoyilgad! Fare SOMOL ni Got rodad e kemus e ta’are Got nib riyul’.

Deuteronomy 4:39

Ere chiney e kari mu nanged ni SOMOL e ir e Got nu tharmiy ngu fayleng, ma dakuriy yugu reb e Got nga bang. Ngu’um ted e pin’ey u lanin’med ma dab mu paged talin.

Isaiah 43:1

Israel, i SOMOL ni ir e sunumiyem e be ga’ar, “Dab mu rus, ya bay gu yoror rom. Kug pining fithingam, ya mmil suwom ngog.

Isaiah 37:16

“SOMOL, ni Gubin ma Rayag Rok, ni Got nu Israel, ni ga be par ngalang ko fare kerubim, kemus ni go’ gur Got, ni ga be gagiyegnag urngin e lung nu fayleng. I gur e mu sunmiy e fayleng nge lanelang.

Deuteronomy 4:35

I SOMOL e dag urngin e pin’ey ngomed ya ngam nanged ni kemus ni ir e Got ni bay ma dakuriy yug reb ngabang.

Isaiah 33:22

Urngin e rigin ni bay u daken e pi barkow nem e ra par nib m’ay fan; ma lay riy e dabiyag ni ngan pithig! Bay da feked gubin fel’ rogon rok e pi to’ogor rodad, ni kaygi pire’ ni mus ko girdi’ ni mugutgut ma yira pi’ e f’oth rorad riy. I SOMOL e ra mang pilung rodad; Ir e bay i gagiyeg nagdad mi i yoror rodad.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Revelation 2:8

“Mu yol ngak fare engel ko galesiya nu Smyrna ni nge lungum: “Ba’aray e thin nike pi’ fa’anem ni ir e en ni tabolngin ma ku ir e en ni tungun, ni ir e yim’ ngki fos ko yam’.

Matthew 25:34

Ma aram e bayi ga’ar fare pilung ngak e girdi’ ni yad bay u ba’ ni mat’aw rok, ‘Gimed e pi’in ke fal’eg e Chitamag wa’athmed: mired! Mired ngan pi’ e gin nsuwon Got ngomed, ni kan ngongliy rogon kan tay ni fan ngomed ni ka nap’an e ngiyal’ nsunumiy e fayleng riy.

Isaiah 54:5

En ni sunumiyem e bayi bod be’ ni figirngim, fithingan e SOMOL ni Gubin ma Rayag Rok! Fare Got nib thothup nu Israel e bayi biyuliyem, ir e be gagiyegnag ga’ngin e fayleng!

Malaki 1:14

Nge kireb wa’athan e en nra sasaliyeb nge li’ ba gamanman ni gathi rib fel’ nge pi’ ngog ni maligach, ma bay reb e gamanman ni bfel’ u fithik’ e gamanman rok nike micheg ngog ni nge pi’ ngog. Ya gag e pilung ni ga’, girdi’ nu gubin e nam e bay madgug u wun’rad.”

Jeremiah 50:34

Machane cha’ nra lagrad e rib gel — fithingan e SOMOL ni Gubin ma Rayag Rok. Ir e bay i aywegrad me pi’ e gapas nga fayleng, ma gafgow e ra pi’ ko girdi’ nu Babylon.”

Isaiah 59:20

Me ga’ar SOMOL ngak e girdi’ rok, “Bay gub nga Jerusalem nggu yoror romed mu gu ayweg e pi’aromed nike pi’ keru’ ko denen rok.

Matthew 27:37

Miyad tay bangi ban’en ni kan yoloy nga daken e kuruth rok u daken lolugen ngalang ni bay e thin riy ni kanog ni ir e ba togopluw ngak ni ga’ar, “Ireray Jesus, ni fare pilung rok piyu Israel.”

Isaiah 37:20

SOMOL, ni Got romad, mu aywegmad e chiney u pa’ yu Assyria, ya nge nang urngin e nam u fayleng ni kammus ni gur e Got.”

Isaiah 41:21

I SOMOL ni ir e pilung nu Israel e ba’aray e thin ni nge yog: “Gimed e pi got rok e pi nam, mu weliyed mat’awmed. Mu leam niged e tin ni bfel’ ni ngambad mu weliyed me ayuwegmed.

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

Revelation 1:11

Me non ni be ga’ar, “Mu yoloy nga but’ e n’en ni ga be guy, ma ga pi’ e re ke babyor nir nge yan ngak fa medlip i galesiya, ni aram e galesiya nu Efesus, ngu Smyrna, ngu Pergamum, ngu Thyatira, ngu Sardis, ngu Filadelfia, ngu Laodicea.”

Psalms 86:10

Ya gur e rib gel gelngim ma ga ma ngongliy e maang’ang; kemus ni go’ gur e Got.

Isaiah 63:16

Ya gur e chitamangimad gur. Mus ngak Abraham nge Jakob ni gal ga’ romad ni dabiyag ni ngar ayuwegew gamad, machane gur SOMOL e chitamangimad gur. Ya gur e en ni gubin ngiyal’ ni um chuwegmad u pa’ e to’ogor romad.

Isaiah 40:18

I mini’ e rayag ni ngan ta’rebnag ngak Got? Ra nga ni weliy rogon ya’an ma uw rogon?

Isaiah 43:9

Mpininged e pi nam ngarbad ko pufthin. Bin ngan e pi got rorad e rayag rok ni nge yog e tin bay fini yib? Mini’ e arorad e yi’iynag e pin’en ni be m’ug e chiney? Pi got nem e ngar feked e pi mich rorad ngarbad ngar micheged ni yad e sororad, ngar micheged ni thin rorad e ba riyul’.

Jeremiah 10:1

Gimed e girdi’ nu Israel, mmotoyil gad ko thin rok SOMOL ngomed.