Isaiah 44:18 - Bible Ni Thothup

¹⁸ Girdi’ ni aram rogon e rib gel e manan’ rorad ndar nanged e n’en ni yad be rin’. Ka ra unguyed owcherad ma ka ra gel niged lanin’rad ya richey ngar nanged e tin riyul’.

Isaiah 44:18 Referans Kwoze

Jeremiah 5:21

Mu motoyilgad, gimed e girdi’ ni balyang ni manan’, ni bay owchamed machane damur guyed ban’en, ma bay telmed machane dabiyag ni ngam rung’aged ban’en.

Psalms 81:12

Ere ku gu pagrad ngranod u farad gel’an ngu’ur rin’ed e tin yad ba’adag.

John 5:44

Gimed ba’adag ni nge bigimed me fel’ u wan’ bigimed, machane damur guyed rogon ni ngam fel’gad u wan’ e ta’are Got ni bay, ere ra di’in mu gu mich u wun’med?

John 8:43

Ere mangfan ndamur nanged fan e tin ni gu be yog? Bochan e dabiyag ni gimed ra k’adan’med ngam motoyilgad ko thin nike pi’ Got ngog ni nggub gog ngomed.

Isaiah 29:10

I SOMOL e ke k’ar chuchuw ngom, ni be n’en ni ngam mol ni dabki od oram. Fapi profet e ngar manged owchen e girdi’, machane Got e ke ning owchrad.

Roma 1:28

Bochan e daburad ni ngar ted u fithik’ i lanin’rad e tin riyul’ ni murung’agen Got, ma aram e ke pagrad Got yad be leamnag e tin nib kireb, ma yad be ngongliy e pin’en ni susun e dab ra ngongliyed.

Daniel 12:10

Bo’or e girdi’ ni bay ni machalbog nagrad miyad par ni kar yal’uw gad. Girdi’ nib kireb e bay dab ra nanged fan, ngu’ur pired ni yad be ngongliy e kireb; ma pi’in yad ba gonop e bay ra nanged fan.

Proverbs 28:5

Girdi’ ni kireb e der manang fan e tin nib mat’aw, machane pi’in be liyor ngak SOMOL e yad mnangfan ni bfel’ rogon.

Isaiah 1:3

Garbaw e yad manang e pi’in be chuguluyrad, ma pi dongki e yad manang e gin yima durwi’iyrad riy. Ka bo’or e tin yad manang ngak piyu Israel ni girdi’ rog. Der pat ngan’rad ni aray rogon!”

Jeremiah 10:14

Ra m’ug e ran’ey, ma ra man lanyan’ e girdi’ ni dakrir nanged e n’en ni ngar rin’ed; pi’in nma ngongliy e liyos e ka ra aliliy gad, ni bochan e fapi got ni yad be ngongliy e go’ bogi ban’en ndariy e yafos rorad.

Isaiah 44:20

Bod feni balyang be’ ni be kay e awat. Leam rok ni leam ko balyang e ke fek nga wuru’ e wo’ ndabkiyag ni yira ayuweg. Der pat ngan’ ni re liyos nem nike kol nga pa’ e gathi ba got.

Acts 14:16

Kakrom e pag urngin e girdi’ ko pi nam i yan ngu’ur rin’ed e tin ni yad be finey.

Isaiah 45:20

Be ga’ar SOMOL, “Mmu’ulung gad e girdi’ ko pi nam, ni urngin e girdi’ ni fos nnap’an ni waer e pilung romed ko mael, mired nga ni pufthin nagmed! Pi’in yad ma fek e liyos rorad ni ren ngu’ur thelepgad u kanawo’ ma yad be meybil ngak bogi got ndabiyag ni nge ayuwegrad, e yad bod e girdi’ ni dariy ban’en ni yad manang!

Matthew 12:34

Gimed e pi porchoyog nir — ra di’in mi gimed yog e tin ni bfel’ ban’en ni fa’anra gimed ba kireb? Ya l’uguney e ma weliy e n’en nike sugnag lanin’uy.

Hosea 14:9

Pi’in yad ba gonop e mang e yugur nanged fan e pin’ey ni ka ni yoloy miyad tay nga lanin’rad. Pi kanawo’ rok SOMOL e bmat’aw, ma pi’in nib mat’aw e yad ma yan riy, ma pi’in tadenen e ma tun ayrad ngar dol’gad, ya darir folgad riy.

Jeremiah 10:8

Yad gubin ni yad ba pinat ma yad bbalyang. Mang e yad ra fil rok e liyos ni ren?

Isaiah 56:11

Yad bod e pilis ni bfel’ngak ndariy bingyal’ nma gaman. Picha’ ney e dariy ban’en ni yad manang fan. Ra bagyad ma be rin’ e n’en ni ba’adag ma be gaweg e tin nge yagnag ngak.

Psalms 92:6

Irera’ ban’en ni dabi nang be’ nib balyang; be’ nib minan’ e dabi nangfan:

Isaiah 44:9

Urngin e girdi’ ni yad be ngongliy e liyos nma meybil yugu boch e girdi’ ngay e mm’ay farad, ma pi got nrib t’uf rorad e dariy farad. Pi’in yad be meybil ngak e pi got nem e yad mmalmit ma de tamilangan’rad, ma bay ra tamra’gad.

2 Peter 2:14

Dariy ban’en ni yad ba’adag ni ngar changargad ngay ya kemus ni ppin nib darngal e yad ba’adag ni ngar changargad ngorad; ma ar’ar rorad ko denen e der tal. Ma yad ma waliy e pi’in ni me’waer e leam rorad ngar awgad ko wup rorad. Ma lanin’rad e ke ilal nga fithik’ e chogow. Ma yad be par ni yad bay u tan e gechig rok Got!

Isaiah 26:11

Pi to’ogor rom e dar nanged ni ga ra gechig nagrad. SOMOL, mu tamra’ nagrad ma ga pagrad ngar gafgowgad; mu pagrad ngar gafgowgad u tan e gechig ni ka mu fal’eg rogon kam tay. Mu dag ngorad feni t’uf rom e girdi’ rom.

Isaiah 44:19

En nma ngongliy e liyos e dariy e leam rok ni nge ga’ar, “Yu yang ko gi ren ney ni kug ngongliy e liyos riy e kug urfiy boch e flowa u daken k’afin, ma kug urfiy e ufin ngay kug longuy. Ma gin ni magey ko fa gi gek’iy e kug ngongliy ba liyos riy. Kug par ni gu be siro’ nga bangi gek’iy!”

Jeremiah 51:17

Ka ya’an e ren’ey, me minan’nag e girdi’ nge math lanin’rad; pi’in yad ma ngongliy e liyos e gafgow lanin’rad ni bochan e pi got ni yad be ngongliy e de riyul’ ma dariy e yafos rorad.

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Ezekiel 12:2

“Fak e girdi’, ga be par u fithik’ e girdi’ nib tatogopluw. Bay owchrad, machane darir guyed ban’en; bay telrad machane darir rung’aged ban’en, ni bochan e yad bogi tatogopluw.