Isaiah 43:15 - Bible Ni Thothup

¹⁵ I Gag SOMOL, ni Got romed nib thothup. Israel, i gag e gu sunumiyem, mi gag e pilung rom.”

Isaiah 43:15 Referans Kwoze

Matthew 25:34

Ma aram e bayi ga’ar fare pilung ngak e girdi’ ni yad bay u ba’ ni mat’aw rok, ‘Gimed e pi’in ke fal’eg e Chitamag wa’athmed: mired! Mired ngan pi’ e gin nsuwon Got ngomed, ni kan ngongliy rogon kan tay ni fan ngomed ni ka nap’an e ngiyal’ nsunumiy e fayleng riy.

Isaiah 48:17

Fare Got nib thothup nu Israel, fare SOMOL ni ayuwegmed e ga’ar: “I Gag SOMOL ni Got romed, fa en ba’adag ni nge fil ngomed e tin ni bfel’ me pow’iymed ko fare kanawo’ ni ngam marod riy.

Isaiah 43:3

Ya Gag e SOMOL ni Got rom, ni fare Got nib thothup nu Israel ni ir e ma chuwegem u pa’ e to’ogor rom. Bay gu tay yu Egypt nga luwam ni fan e ngan pagem; bay gu tay yu Ethiopia nge yu Seba nga luwam.

Isaiah 43:1

Israel, i SOMOL ni ir e sunumiyem e be ga’ar, “Dab mu rus, ya bay gu yoror rom. Kug pining fithingam, ya mmil suwom ngog.

Revelation 3:7

“Mu yol ngak fare engel ko galesiya nu Filadelfia ni nge lungum: “Ireray e thin nike pi’ fa’anem ni ir e ba thothup ma ba yul’yul’, ni ir e bay fare kiy rok David u pa’, ni ir e ra bing ma dariy be’ nrayag ni nge ning, ni ir e ra ning ma dariy be’ nrayag ni nge bing.

Habakkuk 1:12

SOMOL, ka nap’an ko tabolngin ni ga be par ni gur e Got. Gur e Got rog, ni gab thothup ma bay um par ndariy n’umngin nap’am. SOMOL, ni Got rog nma yoror rog, kam mel’eg yu Babylon ma kam pi’ gelngirad ya nge yag nra gechig niged gamad.

Jeremiah 51:5

I Gag fare SOMOL ni Got ni Gubin ma Rayag Rok, e dag pag yu Israel nge yu Judah, ni yug aram rogon ni kar denengad nib togopluw ngog, I Gag Fare Thothup nu Israel.

Isaiah 45:11

I SOMOL ni fare Got nib thothup nu Israel, ni en ni be gagiyegnag e tin ni bayib nga m’on e be ga’ar: “Dariy mat’awmed ni ngam fithedgag u murung’agen pifakag, ara mogned ngog e n’en nggu rin’!

Isaiah 43:7

Yad e girdi’ rog, ma gu sunumiyrad ni ngar ted fag.”

Isaiah 41:16

Bay mon’rad ngalang; me yib e nifeng i fekrad, me weregrad e nifeng nib gel. Ma aram e bay mu felfelan’ ni bochan e Gag e Got rom; bay mu pining e sorok ngog i Gag fare Got nu Israel ni gub thothup.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Isaiah 40:25

I mini’ e rayag ni ngan ta’rebnag ngak Got nib thothup? Gur bay be’ ni bod ir?

Isaiah 33:22

Urngin e rigin ni bay u daken e pi barkow nem e ra par nib m’ay fan; ma lay riy e dabiyag ni ngan pithig! Bay da feked gubin fel’ rogon rok e pi to’ogor rodad, ni kaygi pire’ ni mus ko girdi’ ni mugutgut ma yira pi’ e f’oth rorad riy. I SOMOL e ra mang pilung rodad; Ir e bay i gagiyeg nagdad mi i yoror rodad.

Isaiah 30:11

Mu chuwgad u kanawo’ ma dab ku’um thabey niged gamad. Dabumad ni nggu rung’aged murung’agen e Got romed nu Israel nib thothup.”

Psalms 74:12

A Got, ya gur e pilung romad ko tobolingin i yib; bo’or yay ni kam ayuwegmad.

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

Isaiah 31:1

Pi’in yad ra yan ko man ayuw nga Egypt e kar riya’gad! Yad be toer nga gelngin yu Egypt, ni os, nge chariot nge salthaw. Ya darir toergad ngak SOMOL, ni fare Got nu Israel nib thothup, ara ra weniggad ngak ni nge ayuwegrad.

Isaiah 41:20

Girdi’ e bay ra guyed miyad nang ni Gag SOMOL e kug yodoromnag. Bay ra nanged ni fare Got nib thothup rok yu Israel e ke yodoromnag.”

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Psalms 149:2

Israel, nge felan’um, ni bochan e En ni Sunumiyem; girdi’ nu Zion, nge felfelan’med ni bochan e pilung romed!

Isaiah 41:21

I SOMOL ni ir e pilung nu Israel e ba’aray e thin ni nge yog: “Gimed e pi got rok e pi nam, mu weliyed mat’awmed. Mu leam niged e tin ni bfel’ ni ngambad mu weliyed me ayuwegmed.

Isaiah 47:4

Fare Got nib thothup nu Israel e ke pithigdad fithngan e SOMOL ni Gubin ma Rayag Rok.