Isaiah 43:12 - Bible Ni Thothup

¹² Gog ngomed u m’on e tin bayib, mu gub gu ayuwegmed. Dariy reb e got ngabang nike rin’ ni aray rogon; gimed e mich rog.

Isaiah 43:12 Referans Kwoze

Isaiah 43:10

“Gimed e girdi’ nu Israel, gimed e mich rog; kug duwgiliymed ni ngam manged ba nam ni tapigpig rog, ni fan e ngam nanged gag mu gu mich u wun’med, me tamilangan’med riy ni kemus ni Gag e Got. Dakuriy yu gu reb e got nga bang; immoy ndariy, ma ku dariy ni bayib.

Deuteronomy 32:12

Yigo’ SOMOL e i pow’iy e girdi’ rok i yan, nde yib yugu reb e got u reb e nam i ayuweg.

Isaiah 44:8

Gimed e girdi’ rog, dab mu rusgad! Gimed manang ni kakrom ke mada’ ko chiney e u gu yi’iynag urngin e pin’en ni bayib, ma gimed e mich rog! Gur bay yugu reb e got ngabang? Gur bay yugu reb e got ngabang nib gel ndawor gu rung’ag murung’agen?”

Isaiah 37:20

SOMOL, ni Got romad, mu aywegmad e chiney u pa’ yu Assyria, ya nge nang urngin e nam u fayleng ni kammus ni gur e Got.”

Isaiah 37:7

I SOMOL e bayi gagiyegnag e emperor nu Assyria nge rung’ag bbug i thin nra k’aring nge sul ko nam rok, me SOMOL e ra pag ngan thang e fan rok u rom.”

Deuteronomy 32:16

Me damumuw SOMOL ngorad ko kireb rorad, i talyeg nagrad ya ra chealgad ngu’ur tedfan e pi liyos.

Isaiah 45:19

Dagur mith’ag e thin rog, ara tin gu be rin’. Da gu leamnag ni nge gayeg yu Israel u bang nib wagagey urngin ban’en riy. I Gag e SOMOL, ma tin riyul’ e gu be yog; tin nib mat’aw e gu ma gagiyegnag ngan nang.”

Deuteronomy 32:39

“‘I Gag, ma kemus ni go’ Gag e Got; dakuriy yugu reb e got ngabang. Gu ma thang e pogofan ma gu ma pi’ e pogofan, gu ma maad’ad nigey ma gu ma faseg e maad’ad, ma dariy be’ nrayag ni nge togopluw ko tin gu ma rin’.

Isaiah 55:4

Gu gagiyegnag nge yog e thin me tay murung’agen e pi nam, mu daken e gu dag ngorad riy gelngig.