Isaiah 42:25 - Bible Ni Thothup

²⁵ Ere gagiyeg nagdad ngad thamiyed gelngin e damumuw rok, ngad gafgowgad u fithik’ e mael. Damumuw rok e bod ba nifiy ni yan u lan yu Israel ni ga’ngin, machane da ud nanged fan; dariy ban’en ni mit ngodad riy.

Isaiah 42:25 Referans Kwoze

Hosea 7:9

ma darir nanged ni re todang ney ni yad be tay nga boch e nam e be m’aynag gelngirad. Kan duwgiliy e pi rran rorad, machane dar nanged.

Isaiah 57:11

I SOMOL e ga’ar, “Mini’ e tiney e got nike k’aring e marus ngomed, ni gimed be ban nigeg ma kug chuw u lanin’med? Fan ni dakmur liyorgad ngog e bochan e ke n’uw nap’an ni kug th’ab gulngag?

Malaki 2:2

Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.

Isaiah 57:1

Girdi’ nib mat’aw e ra yim’, ma dariy be’ ni manang fan ara i lem nag. Machane yad ra yim’ ma dakuriy ban’en ni ra buch rorad.

2 Kings 25:9

Me urfiy e Tempel, nge tafen e pilung, nge naun rok urngin e pi tolang nu Jerusalem,

Nahum 1:6

Nap’an e ra damumuw, me mini’ e rayag ni fas? Mini e rayag ni fas u gelngin e damumuw rok? I pu’og e damumuw rok ni be daramram; me pilpil e war nge par ni bod e fiyath u p’eowchen.

Ezekiel 20:34

Bay gu dag gelngig nge damumuw rog ngomed ko ngiyal’ ni gu ra kunuymed nga ta’bang mu gu fulwegmed u gubin e pi nam nni weregmed nga daken.

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Isaiah 47:7

Ka mu leamnag ni yug bay um par ni gur e bpin ni pilung, ma dam tay e pin’ey u lanin’um ara mu leamnag rogon ni bayi yan i aw.

Isaiah 29:13

Ke ga’ar SOMOL, “Pi girdi’ ney e yad be yog ni yad be liyor ngog, machane thin rorad e bm’ay fan, ya lanin’rad e basap ngabang. Pigpig ni yad be tay ko raba’ i taliw rorad ney e dariy rogon ya kemus ni motochiyel ko girdi’ nge yalen rorad, ni aram e tin ke mit ngorad yakar filed ke mit ngorad ni churu’.

Isaiah 9:13

Girdi’ nu Israel e da rir pi’ed keru’rad ko kireb rorad; ni yug aram rogon ni be gechig nagrad SOMOL ni Gubin ma Rayag Rok, ma kadawor rpigichelgad ngar sulod ngak.

Deuteronomy 32:22

Damumuw rog e bayi daramram ngalang ni bod e nifiy nge urfiy urngin ban’en u fayleng. Ra yan i taw ko bin nu ar e fayleng me ful’ enggin e pi burey.

BABYOR NI JOB 40:11

Mu changar ko pi’in yad ba tolngan’; mu pu’og e damumuw rom nge sobutan’rad.

Isaiah 5:25

I SOMOL e ke damumuw ko girdi’ rok ma ke k’iyag pa’ ni nge gechig nagrad. Pi burey e bayi rur ma downgin e pi’in karm’ad e bay nn’ag ni bod e dow u lan e pi kanawo’. Yug aram rogon ma damumuw rok SOMOL e dawori mus, ya ka be par pa’ nib k’iy ni nge gechig.

Isaiah 9:19

Bochan e damumuw rok SOMOL ni Gubin ma Rayag Rok, me mo’oruf daken e but’ ma girdi’ e mang ma’af ko nifiy; ndakuriy be’ ni yag ni ayweg walagen.

Isaiah 48:8

Gu manang ni dabyag ni nge pagan’uy ngomed, ya go’ yi manangmed ni gimed ba tatogopluw. Aramfan ni dawor mu rung’aged murung’agen e ran’ey, aramfan ndariy bbug e thin riy ni thap nga telmed.

Jeremiah 7:20

Ere gag, SOMOL ni Th’abi Tolang, e bay gu pu’og e damumuw rog nib gel nga daken e re Tempel ney. Bay gu pu’og nga daken e girdi’ nge gamanman nta’reb rogon, ma ku er i tay e gek’iy nge woldug. Damumuw rog e bayi bod ba nifiy ndariy be’ nrayag ni nge thang.

Jeremiah 12:11

Ka ra ted ni dakriy e wulgo’ riy; ke par u p’eowcheg ni dakriy ban’en riy. Ga’ngin fare but’ nike daken e ted ni desert, ni dakriy be’ ni be magfan’ ngay.

Lamentations 2:3

U fithik’ e damumuw rok me waernag gelngin yu Israel; I siyeg ni nge aywegmad u nap’an ni yib e to’ogor. I aw ngomad ni bod rogon e nifiy nma kirebnag gubin ban’en.

Lamentations 2:4

I pulweg gan e gating rok ngomad ni bod ba to’ogor; Me li’ gubin e pi’in ni gamad ma uf uf ngorad ma gamad ma felan’ ngorad. Gu thamiyed gawealngin nifiyan e damumuw rok u roy u Jerusalem.