Isaiah 42:18 - Bible Ni Thothup

¹⁸ I SOMOL e be ga’ar, “Motoyilgad, gimed e pi girdi’ baling! Gimed e malmit, mu uthumed e changar romed!

Isaiah 42:18 Referans Kwoze

Isaiah 43:8

Be ga’ar Got, “Mpininged e girdi’ rog nga tafen e puf oloboch. Bay lan owcherad, machane yad ba ma’ew; bay telrad, machane yad bbaling!

Isaiah 35:5

Pi ma’ew e bay ra guyed ban’en ma pi biling e bay rrung’aged ban’en.

Isaiah 29:18

Ra taw ko rofen nem, ma pi’in yad bbiling e yad ra rung’ag e tin yibe be’eg u babyor nib ga’ lunguy, ma pi’in ma’ew ni ur pired u fithik’ e lumor e ra mab owcharad ngar guyed ban’en.

Proverbs 20:12

SOMOL e pi’ lan owochdad ni ngad guyed ban’en ngay nge teldad ni ngad rung’aged ban’en ngay.

Luke 7:22

Me fulweg ngak fa gali cha’ ni l’oegrow John ngar bow ni ga’ar, “Mu sulow nga mognew ngak John e tin kam guyew nge tin kam rung’agew ni nge lungumew: pi’in malmit e kar guyed ban’en, ma pi’in mugutgut e kar uned ko yan, ma pi’in kar gafgowgad ko m’ar ni daraw e kan be’ech nagrad, ma pi’in biling e ke yag ni ngar rung’aged ban’en, ma pi’in karm’ad e kan fasegrad, ma fare Thin Ni Bfel’ e yibe machibnag ko pi’in gafgow.

Exodus 4:11

Me ga’ar SOMOL ngak, “I mini’ e pi’ l’ugun e girdi’? I mini’ e ma gagiyegnag e girdi’ nge par nike baling ara dabkiyag ni nge non? I mini’ e ke tay e girdi’ ni nge guy ban’en, ara tay nib malmit? I gag SOMOL.