Isaiah 42:10 - Bible Ni Thothup

¹⁰ Mon’ed ba tang nib be’ech ngak SOMOL; fayleng ni polo’, mu tanggad ni gimed be pining e sorok ngak! Gimed e pi’in gimed be milekag u lan e day, mpininged e sorok ngak; gimed urngin e yafos nu maday, mpininged e sorok ngak! Gimed e pi nam ni gimed bmal’af nge girdi’ ni be par riy e ngam tanggad!

Isaiah 42:10 Referans Kwoze

Psalms 33:3

Mon’ed reb e tang nib be’ech ngak, mu chubeged e harp nge mus rogmed riy, mi gimed tolul’ nib ga’ lam’ed!

Isaiah 42:4

Dabi mulan’ ma dabi pag ir, ma tin nib yal’uw e bayi tay nga fayleng. Pi nam nib mal’af e ri yad be sonnag e machib rok.”

Psalms 40:3

Me fil ba tang nib be’ech ngog, nib tang ni yibe pining e magaer ngak e Got rodad. Pire’ e girdi’ ni bay ra guyed e ren’ey me yib madgun SOMOL u wun’rad me par ni SOMOL e yad be toer ngak.

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.

Isaiah 49:13

Lanelang, mu tang! Fayleng, mu tolulnag e felfelan’! Me tang e pi burey! Ya SOMOL e bayi fal’eg laniyan’ e girdi’ rok; bayi runguy e girdi’ rok ko gafgow ni yad be tay.

Revelation 14:3

ni kar sak’iygad ni yad ba sap nga tagil’ Got nge ngak fa aningeg i n’em ni yad ba fos nge pi’in pi’ilal, miyad yin’ ba tang nib be’ech ndariy be’ nra mit ngak ya kemus ni fare ra’ay nge aningeg i ragag nge aningeg i biyu’ i girdi’ ni kan biyuliyrad u fayleng e ke mit ngorad.

Zefaniah 2:11

Bayi k’aring SOMOL e marus ngorad. Bayi sobut’eg e pi got nu fayleng nge m’ayfarad, ma aram e gubin e nam ni bay ra meybilgad ngak, ko gin’en ni yad bay riy.

Isaiah 65:14

Bay ur tang niged e felfelan’, machane bay um yorgad ni kari mo’och’och lanin’med.

Isaiah 60:9

Yad bogi barkow ni karbad ko pi nam nib orel, Ni yad be fulweg e girdi’ rok Got nga taferad. Ka ra feked e silber nge gol i yib, Ni ngar ted fan fithingan SOMOL ngay, Ni fare Got nib thothup nu Israel, Ni ir e ke gagiyegnag urngin e nam yad be tay fan e girdi’ rok.

Isaiah 51:5

Bay gub nib papey nggu aywegrad; ngiyal’ ni nggu gel e ke chugur. I gag rog e bay gu gagiyegnag e pi nam. Tin nib palog e nam e be son nigeg ni nggu taw; ni yad be son nike lagan’rad ngog ni nggu aywegrad.

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Psalms 150:6

Gimed urngin e pin’en nib fos e ngam pininged e sorok ngak SOMOL! Ngu’un pining e sorok ngak SOMOL!

Psalms 97:1

I SOMOL e pilung! Fayleng, mu felfelan’! Ngam felfelan’gad e pi donguch u lan e day!

Psalms 96:11

Fayleng nge lanelang, mu felfelan’gow! Day, mu chub ni ba ga’ lingam, ma ku arrogon gubin e yafos ni bay u fithik’am;

1 Kronicles 16:32

Day mu tolul nge gubin mit e yafos ni bay u fithik’am; pi flang nge gubin e yafos u dakenmed mu felfelan’gad!

Exodus 15:1

Me yin’ Moses nge piyu Israel e re tang ni ba’aray ngak SOMOL: “Nggu tangnag SOMOL, ya gel nike tay e rib sorok riy; ke yin’ fapi os nge pi’in ni kar afgad nga daken nga maday.

Exodus 20:11

I Gag SOMOL e gu ngongliy e tharmiy, nge but’, nge day, nge urngin ban’en ni ba’ riy u lan n’el e rran, me rofen ni gaman e medlip ngay mu gu toffan. Aram fan ni gag SOMOL e kug fal’eg wa’athan e re rran nem ma kug tay nib thothup.

Psalms 65:5

Taban e meybil romed ni ga ma fulweg e gel ni gamad ma tay ko mael, ga be rin’ bogi ban’en ni yira ngat ngay nga mu ayuwegmad. Girdi’ u gubin yang u fayleng, nge girdi’ ni yad mmal’af nga ba’nem e pi regur e gur e pagan’ rorad.

Psalms 72:10

Pi pilung nu Spain nge pi donguch e bay ur pi’ed e tow’ath ngak; gal pilung nu Sheba ngu Seba e bay ur pi’ew e maligach ngak.

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

Isaiah 12:5

Mu tang niged SOMOL ni bochan feni sorok ko pin’en ke rin’. Muguyed rogon ngan rung’ag u ga’ngin e fayleng murung’agen.

Isaiah 48:20

Mu chuw u Babylon, mman nike puf rogom! Mu tolulnag murung’agen u fithik’ e felfelan’; muruwliy ngan nang u gubin yang: “I SOMOL e ke ayweg yu Israel ni tapigpig rok!”

Isaiah 60:6

Pire’ e kamel ni bay rabad u Midian ngu Efah. Bay rabad u Sheba ni kar feked e gol nge incense. Girdi’ e bay ur weliyed e thin ni bfel’ ni murung’agen e tin ke rin’ SOMOL!

Isaiah 62:11

I SOMOL e be weliy ko fayleng ni ga’ngin ni ngan rung’ag: “Mogned ngak e girdi’ nu Jerusalem ni Fare SOMOL e bayib ni nge thapegmed, Me fek e girdi’ nike lagrad ngar uned ngak.”