Isaiah 41:8 - Bible Ni Thothup

⁸ “Machane i gur Israel ni tapigpig rog, gimed e pi girdi’ ni ku gu mel’egmed, ni gimed e pi’in owchen Abraham ni fager rog.

Isaiah 41:8 Referans Kwoze

James 2:23

Me yib i m’ug nib riyul’ fa gin’en ni bay u lan e babyor nib thothup ni be ga’ar, “I Abraham e i par nib mich Got u wan’, ma bochan e michan’ rok ngak Got me matha’eg Got ngak nike mang be’ nib mat’aw.” Me pining Got Abraham ni ga’ar “Abraham ni fager rog.”

2 Kronicles 20:7

I gur e Got romad. Nap’an ni yib e girdi’ rom ni piyu Israel ngalan e re nam ney, ma gu tuluf e girdi’ ni ur pired u roy ma ga pi’ fare nam ngak e pi’in owchen Abraham, ni fare fager rom ni nge par ni taferad ni dariy n’umngin nap’an.

Deuteronomy 14:2

Ya ba milfamed ngak SOMOL ni Got romed; ke mel’egmed u fithik’ gubin e girdi’ nu fayleng ni ngam manged girdi’ rok.

Isaiah 51:2

Mu leamnag e ga’ rom i Abraham, nge Sarah, ni yow e mub rorow. Ngiyal’ ni gu pining Abraham e dariy fak, machane mu gu tow’athnag nggu pi’ e bitir ngak; mu gu yo’ornag e pi’in owchen.

Isaiah 44:21

Be ga’ar SOMOL, “Israel, mu leamnag e pin’en ni ba’aray; dab mu pag talin ni gur e tapigpig rog. Gu sunumiyem ni ngam mang tapigpig rog, ma ri dab gu pag talim.

Isaiah 29:22

Ere chiney e SOMOL, ni Got rok piyu Israel, ni ayuweg Abraham ko gafgow, e be ga’ar, “Girdi’ rog, dab ku mu pired nib m’ay famed, ma dabki awat owchamed ko tamra’ bingyal’.

Psalms 33:12

Ba felan’ e re nam ni SOMOL e Got rorad; ba felan’ e girdi’ nike mel’egrad ni ngar manged girdi’en!

Isaiah 43:1

Israel, i SOMOL ni ir e sunumiyem e be ga’ar, “Dab mu rus, ya bay gu yoror rom. Kug pining fithingam, ya mmil suwom ngog.

Psalms 135:4

Ir e ke mel’eg Jakob ni nge milfan ngak, nge girdi’ nu Israel.

Jeremiah 33:24

“Kam guy rogon ni be yog e girdi’ ni ku gu fek rok yu Israel ngu Judah, ni fa gal tabinaw ni gu mel’eg row? Ma aram miyow sap nga but’ ko girdi’ rog ni dakurir leam ni gew ni yow reb e nam.

Isaiah 48:12

Be ga’ar SOMOL, “Mmotoyilgad ngog gimed e girdi’ nu Israel ni gag e kug piningmed! I gag Got, ko tobolngin nge tungun, kemus ni gag e Got!

Matthew 3:9

Dab mfineyed nrayag ni nge yib e tawey romed ni bochan e be lungumed, I Abraham e chitamangidad. Ya nggog ngomed ni Got e rayag ni nge fek e pi malang ney nge ngongliy ngar manged e pi’in owchen Abraham!

Isaiah 63:16

Ya gur e chitamangimad gur. Mus ngak Abraham nge Jakob ni gal ga’ romad ni dabiyag ni ngar ayuwegew gamad, machane gur SOMOL e chitamangimad gur. Ya gur e en ni gubin ngiyal’ ni um chuwegmad u pa’ e to’ogor romad.

Isaiah 49:3

Me ga’ar ngog, “Israel, i gur e tapigpig rog. Girdi’ e bay ra pininged e sorok ngog ni bocham.”

Deuteronomy 10:15

Machane feni t’uf e pi chitamangimed rok SOMOL, ma aram me mel’egmed u fithik’ gubin e girdi’, ke par riy ni aram rogon ni gimed e girdi’ rok.

Levitikus 25:42

Ya girdi’ nu Israel e tapigpig rok SOMOL ma ir e fekrad nga wuru’ yu Egypt; ere thingar dabkun pi’rad nchuway’ ngar manged sib.

Psalms 105:6

Gimed pifak Abraham ni tapigpig rok, pi pumo’on ni fak Jakob, ni ir e mel’eg!

Galatia 3:19

Ere mang ni pi’ Got fare Motochiyel? I puthuy ko n’en ni ognag ni nge pi’ ngak Abraham ni fan e nge dag ko mang e ngongol nib kireb, me finey Got ni nge par e re Motochiyel nem nge yan i mada’ ko ngiyal’ ni bay yib i m’ug riy fa’anem ni ir e owchen Abraham, ni ir fa’anem ni ognag Got. Ma fare Motochiyel e pi’ Got ngak e pi engel ngarbad ra pi’ed ngak e girdi’, ni bay be’ nib mo’on ni ir e mang maaf ko re Motochiyel ney u thilin e pi engel nge girdi’.

Psalms 136:22

ni pi’ ngak yu Israel ni tapigpig rok; t’ufeg rok e ba manemus.

Isaiah 14:1

I SOMOL e bayi kirban’ bayay ko girdi’ rok nu Israel me mel’egrad ni nge mil farad ngak. Bayi pagrad ngar pired bayay u lan e nam rorad, ma girdi’ u bang e bay rabad ngar pired rorad.

Isaiah 42:1

Be ga’ar SOMOL, “Ba’aray e tapigpig rog ni ku gu pi’ gelngin, ni fa’anem ni gag e kug turguy ni ir e bfel’ u wun’ug. Ku gu suguy ko kan nthothup rog, bayi fek e tin nib yal’uw i yib ngak urngin e nam.

Isaiah 42:19

Gur bay be’ ngabang ni kab gel e ma’ew rok ngak e tapigpig rog, kab gel e baling rok ngak e en ni gu l’oeg nge yib i yog e thin rog?

Isaiah 43:5

Dab mu rus, ya gu bay rom! “Bay gu fek e girdi’ rom i yib nga taferad, ni mus u lan e ngek nib mal’af nge yan i mus ngalan e ngal nib orel.

Isaiah 43:10

“Gimed e girdi’ nu Israel, gimed e mich rog; kug duwgiliymed ni ngam manged ba nam ni tapigpig rog, ni fan e ngam nanged gag mu gu mich u wun’med, me tamilangan’med riy ni kemus ni Gag e Got. Dakuriy yu gu reb e got nga bang; immoy ndariy, ma ku dariy ni bayib.

Isaiah 45:4

Ku gu duwgilyem ni ngam ayuweg e tapigpig rog i Israel, ni girdi’en fare nam ni gag e ku gu mel’egrad. Kug gagiyeg nigem yibe tay fam. ni yugu aray rogon nda mu nangeg.

Malaki 1:2

Be ga’ar SOMOL, “Gubin ngiyal ni gimed bt’uf rog.” Miyad fulweg nra ga’ar gad, “U rogon ni kam dag ngomad ni gamad bt’uf rom?” Me fulweg SOMOL ni ga’ar, “I Esau nge Jakob e ruw i walag ni pumo’on, machane ba t’uf Jakob rog nge pi’in owchen,

Psalms 136:21

I pi’ tafarow ko girdi’ rok; t’ufeg rok e ba manemus;