Isaiah 41:6 - Bible Ni Thothup

⁶ Pi’in yad ba salap i ngongliy ban’en nga pa’rad e ra bagayad ma be pi’ e athamgil nga laniyan’ bagayad.

Isaiah 41:6 Referans Kwoze

Isaiah 44:12

Ba girdi’en e parde’ wasey e fek bangi wasey nge urfiy. Me fek ba ama nga pa’ nib gel nge pirdi’iy fa gi wasey nge ngongliy e liyos riy. Me yib e bilig ngak, nge belel, nge magaer.

Isaiah 40:19

De bod ba liyos nma ngongliy e girdi’ nib salap, ma be’ nma maruwel ko gol e gabdiy e gol nga wuru’, me duwgiliy ay nga daken e silber nge par nike sak’iy.

Isaiah 35:4

Nganog ko pi’in ke mulan’rad ni ngan ga’ar, “Mu pired ni gimed ba gel ma dab mu rusgad! Got e bayib i ayuwegmed, me gechignag e pi to’ogor romed.”

Isaiah 41:5

“Girdi’ ko pi nam ni yad bmal’af e ka ra guyed e pin’en ni ku gu ngongliy; ka ra tamdaggad ni yad be t’on ko marus. Ka ra mu’ulunggad ni yad gubin karbad.

Isaiah 41:7

Pi salap ko dimow naun e be ga’ar ngak e en nma maruwel ko gol, ‘Bfel’ e maruwel ni ka mu ngongliy!’ En ma ayiliy e gol nga downgin e liyos e be pi’ e athamgil nga laniyan’ e en ni be richibiy nga ta’bang. Be ga’ar be’, ‘Bfel’ rogon ni kan puthuy’. Miyad richibiy fare liyos nge par nike muduwgil.