Isaiah 41:5 - Bible Ni Thothup

⁵ “Girdi’ ko pi nam ni yad bmal’af e ka ra guyed e pin’en ni ku gu ngongliy; ka ra tamdaggad ni yad be t’on ko marus. Ka ra mu’ulunggad ni yad gubin karbad.

Isaiah 41:5 Referans Kwoze

Psalms 67:7

Got e ke fal’eg waathdad; mang e yigi liyor gubin e girdi’ u gubin yang ngak.

Psalms 66:3

Mu ga’ar gad ngak Got, “Rib thum’ feni manigil e pin’en ni ga ma rin’! Gelngim e rib ga’, pi to’ogor rom e yad be siro’ u fithik’ e marus u p’eowchem.

Psalms 65:8

Ke ngat e fayleng ni polo’ ni bochan e pi maang’ang ni ka mu ngongliy. Ngongol rom e yi be garusnag ko felfelan’ u baraba’ e fayleng nge mada’ nga baraba’.

Joshua 5:1

Urngin e pilung rok e pi Amorite ni yad bay ko ngal ko lul’ ni Jordan nge urngin e pilung rok yu Kana’an ni yad bay u to’oben fa gi day ni Mediterranean fithingan e rrung’aged nike chuweg SOMOL e ran u lan e lul’ ni Jordan ko ngiyal’ ni ba’aram ni yib piyu Israel ra th’abed nga baraba’. Me yib e marus ngorad nge mulan’rad ni bochan piyu Israel.

Joshua 2:10

Kug rung’aged rogon ni mliknag SOMOL e ran ko Red Sea nge yag ni mu chuwgad u Egypt. Ma ku gu rung’aged rogon ni ka mu thanged owchen Sihon nge Og, ni fa gal pilung nu Amor ko ley ni ngek fare lul’ ni Jordan.

Exodus 15:14

Pi nam e rrung’aged murung’agen, miyad t’on ko marus; me m’ag e marus piyu Filistine.

Genesis 10:5

yad e pi chitamngin urngin e girdi’ ni yad be par u dap’el’ay nge daken e pidonguch. Yad e pi’in owchen Jafeth, nra bagayad ma nam rok nge ganong rok nge birok e thin.

Isaiah 41:1

Be ga’ar Got, “Mu th’abed gulungmed ngam telmed ngog gimed e pi nam ni gimed bmal’af! Mu fal’eged rogomed ni ngam feked e oloboch romed nga tafen e puf oloboch. Bay ni pagmed ngam welthingad. Ngad mu’ulunggad ngad guyed ko mini’ e bmat’aw.

Isaiah 41:6

Pi’in yad ba salap i ngongliy ban’en nga pa’rad e ra bagayad ma be pi’ e athamgil nga laniyan’ bagayad.

Ezekiel 26:18

Machane chiney nike mogoth yu Tyre, e pi donguch u maday e be durru’, e girdi’ riy e kar ngatgad ko binem e riya’. yad be dada’ ko marus.”

Psalms 65:9

Ga be dag ni ga be ayuweg e but’ ko n’uw ni ga be pi’; ga be fal’eg rogon be par nib yong’ol. Ka mu suguy e pi lul’ ko ran; ga be pi’ e woldug ko but’. Irera’ rogon ni ka mu rin’: